Бямба - 04 сарын 27,
2024
МАХН-ын нарийн бичгийн дарга П.Ангараг, Г.Бямбасүэн нар өнөөдөр Д.Тэрбишдагва, Ч.Улаан нарын томилсон төрийн албан хаагчдыг хоморголон халж буй асуудлаар хэвлэлийн бага хурал хийж, УИХ-ын Өргөдлийн байнгын хороонд хандах болсноо мэдэгдлээ.
Тэд Д.Тэрбишдагва, Ч.Улаан нарын томилсон харьяа яамд агентлагууд болох Гаалийн Ерөнхий газар түүний харъяа байгууллагууд, Татварын Ерөнхий газар түүний харъяа байгууллагууд, Онцгой байдлын ерөнхий газар түүний харъяа байгууллагууд, Худалдан авах ажиллагааны газар, Мэргэжлийн хяналтын ерөнхий газар түүний харъяа байгууллагууд, Алтанбулаг худалдааны чөлөөт бүс зэрэг байгууллагуудад ажиллаж байсан өмнө тус намын харьяалалтай 50 орчим удирдах албан тушаалтныг ажлаас үндэслэлгүй халсан.
Дээрх албан тушаалтнууд нь төрийн албаны өргөсөн тангарагтаа үнэнчээр хандаж, хариуцлагатай, үр дүнтэй ажиллаж байсан . Иймд МАН-аас томилогдон ажиллаж байгаа эрх бүхий албан тушаалтан болох Шадар сайд У.Хүрэлсүх, Сангийн сайд Ж.Эрдэнэбат нарт хариуцлага тооцож, төрийн албан хаагчийн хэлмэгдүүлэлтийг таслан зогсоох, Төрийн албаны тухай хуулийн дагуу шалгуур хангаж манай намаас томилогдон ажиллаж байсан хүмүүсийг буцаан ажилд нь эгүүлэн авах, хэрэв монгол төрийн хуулийг үл тоон хариуцлагаа ухамсарлахгүй бол томилогдсон албан тушаалаас нь өөрсдийг нь огцруулах хүртэлх арга хэмжээг авч өгөхийг хүсэлт гаргаж байна гэв.
М.Оюун
Сэтгэгдэл0
МАХН-ын нөхөд та нарынгаа хэзээ дуугарах бол гээд л харж байлаа.Бид шудрага үнэнчээр ажиллаж бөйсан.Идэж уух хообий байхгүй.МАХН-аа байнга дэмжиж явдаг.
АН МАН -ын ал хошного нэг болжээ.
Унаж байгаа намын хойноос хөөцөлдөөд яах нь вэ дээ. Та нар дуугүй л байсан бол том оноо авах байсан юм даа. Хэдэн хүнийг халаа л биз. Гээнэ дээ ч бий, гоондоо ч бий гэгчээр ийм жаахан асуудлаар оролдоод нэр төрөө унагах хэрэггүй байсан юм. Маргааш сонгууль болно гэвэл танай намд Монголчууд бүгд өгөхөд бэлэн байгааг та нар ойлгохгүй байна гэж үү. ТБД гээд яривал ам руугаа ус цацуулна шүү.
Та нар юу гэж гоншигноод байгаа юм бэ, та нар ч гэсэн гаалийн байгууллагаар тоглоо биз дээ, улс төрчид та нар бүгд адилхан, цаана нь ар өврийн хаалгагүй жирийн албан хаагчдын амьдрал хохирч байна.
Албан тушаалын халаа солио хийгчид өөрсдөө хулгайчууд байдаг юмшүүдээ!!Коммунист хулгайч улс ард түмнийг мөлжих хулгай хийж болох бүх сувгыг дээрэмдэж олсон мөнгөөрөө дахин сонгогдох гэж улайрч байна.Адилхан хий хоосон төр гээчийг барихчаамай болж байхад хэн хэнээ хэлэлтгүй чадлынхаа хирээр цөлмөнө.Цөлөмсөөрч ирсэн юм.Энэ бол хуурамч ардчилсан коммунист ёсоо!Дуугүй бай!
Hohi chini ta nar