Улаанбаатар/МОНЦАМЭ/. Роснефть компани Монгол Улсад экспортлох газрын тосны  хилийн үнийг  нэмсэн байна.
Тодруулбал, 80 автобензин 28 ам.доллароор нэмж тонн тутамд 666 ам.доллар болгосон бол, 92 автобензин 28 ам.доллароор, тонн тутамд 696 ам.доллар, 95 автобензин 28 ам.доллар, тонн тутамд 746 ам.доллар, дизель түлш 45 ам.доллар, тонн тутамд 677 ам.доллароор өсгөжээ.
Түүнчлэн Ашигт малтмал, газрын тосны газраас гаргасан мэдээгээр энэ сарын 5-ны байдлаар улсын хэмжээнд дунджаар ердийн хэрэглээний 38 хоногийн газрын тосны бүтээгдэхүүний нөөцтэй байна.
Тодруулбал, А-80 автобензин 97, Аи-92 автобензин 36, дизелийн түлш 33, ТС-1 онгоцны түлш 29 хоногийн нөөцтэй байна.
 
Б.Заяа
Эх сурвалж: Монцамэ агентлаг