ВАШИНГТОН. /ВВС/. Сэтгүүлчид рүү дайрч, давшилсан Дональд Трампын үйлдэлтэй тэмцэж, хэвлэлийн эрх чөлөөг бэхжүүлэх зорилгоор АНУ-ын хэвлэл мэдээллийн 300 гаруй байгууллага кампанит ажил өрнүүлж эхэлжээ.
Хэвлэлийн мэдээллийн байгууллагын эсрэг явуулж буй Д.Трампын “бохир дайн”-ыг АНУ даяар буруушаах уриалгыг “The Boston Globe” сонин өнгөрсөн долоо хоногт гаргасан байна.
АНУ-ын Ерөнхийлөгч Д.Трамп тус байгууллагын нийтлэлийг “хуурамч” хэмээн тохуурхаж, “иргэдийн дайсан” гэж сэтгүүлчид рүү дайрчээ.
Хэвлэл мэдээллийн байгууллагууд ч гэлтгүй НҮБ-ын шинжээчид уг асуудалтай холбогдуулан сэтгүүлчдийн эсрэг хүчирхийллийн асуудлыг хөндөөд байгаа ажээ.
"АНУ-ын Засаг захиргаа хэвлэл мэдээллийн байгууллагууд руу дайрч, давшлахын аюул" гэсэн сэдвээр нийтлэл гаргана гэж “The Boston Globe” сонин амлаад, ийм нийтлэл гаргахыг хэвлэл мэдээллийн бусад байгууллагуудад уриалжээ.
АНУ-ын сонингууд, Их Британийн “The Guardian” сонин зэрэг том, жижиг, олон улсын гэсэн тодотголтой хэвлэл мэдээллийн 350 орчим байгууллага энэ уриалгад нэгдээд байна.
Д.Нямтулга
Эх сурвалж: "Монцамэ" агентлаг
Сэтгэгдэл0
Хэвлэлүүд биш үнэнд гүйцэгдсэн худалч эзэд нь л нэгдэж байгаа юм. Хэвлэлүүд өөрсдөө эздийнхээ даалгавраар propoganda хийж, санаатайгаар fake news тараадаг нь үнэн шүү дээ. Үүнийг одоо аль ч улсын жирийн хүмүүс мэддэг болсон.
Трамп зөв юм хийж яваа хүн