"Centеrra Gold" компани Бороогийн алтны уурхай, Гацууртын ордоо  35 сая ам.доллараар үнэлэн Сингапурт бүртгэлтэй OZD ASIA PTE компанид худалдсанаа албан ёсоор зарлаад буй билээ.
Үүнтэй зэрэгцэн OZD ASIA PTE-ийн эзэн нь хэн бэ? гэдэг асуулт олны сонирхлыг ихээхэн татаж байна. Тэгвэл OZD ASIA PTE-ийн гүйцэтгэх захирлаар Эрдэнэбаатарын Дөлгөөн гэх Монгол залуу ажилладаг тухай зарим эх сурвалжууд өгүүлж буй юм. Тэрээр "Сахал" Эрдэнэбилэгийн медиа компанийг удирддаг Э.Долгионы төрсөн дүү гэх бөгөөд хэсэг хугацаанд Улаанбаатар банкинд ажиллаж байсан ажээ. Үүнээс үүдэн "Гацууртын" ордыг"  35 сая ам.доллараар худалдан авсан OZD ASIA PTE-ийн ард "Сахал" Эрдэнэбилэг байж мэдэх тухай таамаг улс төрийн хүрээнд тараад байна. Энэ нь баттай бус мэдээлэл болохыг онцлоё.
 
П.Мандах