ЖДҮХС-г “цөлмөсөн” УИХ-ын гишүүд нэр бүхий албан тушаалтнуудын асуудлыг хуулийн байгууллагаас шалгаж байгаа. Улсын Ерөнхий прокуророос ЖДҮ-гийн нэгдүгээр багийнхан буюу дөрвөн гишүүнийг эгүүлэн татах асуудлыг өнгөрсөн долоо хоногт чуулганд танилцуулсан. УИХ-ын гишүүн Д.Дамба-Очир, Б.Ундармаа, Л.Энхболд, Г.Солтан нарын нэр эхний ээлжид орж ирлээ. Бусад гишүүд, төрийн өндөр албан тушаалтнуудын хэргийг шалгаж байгаа бөгөөд удахгүй парламентад оруулж ирнэ гэдгийг Улсын Ерөнхий прокурор М.Энх-Амгалан онцолсон.
УИХ-ын чуулганаар ЖДҮХС-гаас албан тушаалаа урвуулан ашиглаж зээл авсан гишүүдээ явуулах эс явуулах асуудлыг шөнө дөл болтол хэлэлцсэн ч дөрвөн гишүүнд ангийн нөхөд нь хариуцлага тооцож чадаагүй. Өөрөөр хэлбэл, хуулийн байгууллагаас ЖДҮ эрхлэгчдэд очих ёстой бага хүүтэй зээлийг дундаас нь авсан явдал нь гэмт хэрэг мөн. Мөрдөн шалгах ажиллагаанд УИХ-ын гишүүний халдашгүй байдал нөлөөлж байна гэсэн үндэслэлийг зааж оруулж ирсэн ч парламент ЖДҮ-гийн нэгдүгээр багийнхныг авч үлдлээ. Тэд ЖДҮХС-гаас зээл авсан нь гишүүдийн буруу юу, үгүй юү гэсэн байдлаар хаацайлаад өнгөрлөө.
УИХ-ын гишүүн, ХХААХҮ-ийн сайд асан Б.Батзориг энэ асуудлаар байр сууриа илэрхийлэхдээ энэхүү зээлийг зорилтот бүлгийн хүмүүст олгосон гэж мэдэгдлээ. Түүний хэлснээр бол ЖДҮ-чин гишүүд зорилтот буюу эмзэг бүлгийнх болж таарч байгаа юм. Уг нь УИХ-ын гишүүн Л.Энхболд ББСБ-тай, Г.Солтан “Монгол шаазан” гэх томоохон компанитай, харин Д.Дамба-Очир “Лүн-Очир” гэх компанитай, мөн Б.Ундармаа арилжааны банкаас гадна эмнэлэгтэй гээд УИХ-ын гишүүдийн хамаарал бүхий компанийг жагсаавал урт дараалал гарна. Тэгэхээр ийм хөрөнгөтэй улстөрчид ХХААХҮ-ийн сайд асан Б.Батзоригт эмзэг, зорилтот бүлгийнх гэж үнэлэгдэж байгаа гайхалтай юм.
Б.Батзориг цааш нь ярихдаа ЖДҮХС-гаас давхардсан тоогоор 900 орчим тэрбум төгрөг олгогдсон байдаг. Зээлийн эргэн төлөлт боломжийн хэмжээнд явж байгаа. Яагаад гэхээр зорилтот бүлгүүдэд очдог юм гэлээ. Түүний хэлснээр зорилтот бүлэг гэдгийг тодруулъя. Уг нь бол аливаа нэгэн бүлэгт төрийн бодлогоор зохицуулалт хийгдсэн хүмүүсийг зорилтот бүлэг хэмээн тодорхойлдог юм байна.
Тухайлбал, Засгийн газрын тэтгэлэг зөвхөн онц сурсан оюутнуудад олгогдох ёстой. Муу сурсан бол энэ тэтгэлгийг олгохгүй. Энгийнээр тайлбарлавал ердөө л энэ. Тэгэхээр ЖДҮХС-гийн зээлийг 1.5 тэрбум төгрөгийн борлуулалттай жижиг компаниудад олгодог. Тэгэхээр парламентад орж ирж байгаа асуудал нь УИХ-ын гишүүд энэ зарчмыг зөрчин албан тушаалаа урвуулан ашиглаж, өөрт болон бусдад давуу байдал олгосон л асуудал юм.
Тухайлбал, УИХ-ын гишүүн Д.Дамба-Очир ЖДҮХС-гаас “Сафир стоун” компанид 1.2 тэрбум төгрөгийн санхүүжилт авсан байдаг. Ингэхдээ ямар нэгэн барьцаа хөрөнгөгүйгээр зээл авсан байжээ. Энэ талаар Ерөнхий прокурор М.Энх-Амгалангийн тэмдэглэлд дурдсан байна. Харин Г.Солтан гишүүний хүүгийн компани зээлийн материал бүрдүүлж өгөх хугацаанд жижиг дунд үйлдвэрээр бүртгэгдээгүй байсан. Тэгэхээр зээл авах шаардлагыг хангаагүй байжээ гэсэн үг. Зээлийн материалд бүрдүүлж өгсөн бичиг баримтыг нотариатаар батлуулж өгөх ёстой.
Гэтэл зүгээр хуулбарлаад өгсөн байна. Ингээд зээлийн мөнгө гишүүний эхнэрийн данс руу ороод банканд хүүлэгдсэн гэдгийг мөн прокурор хэлсэн. УИХ-ын гишүүн Л.Энхболдын хувьд төрөөс авсан зээлээрээ хувийн өрөө даржээ. Анх зээл авахдаа төсөл хэрэгжүүлье гэж бодоогүй юм байна. Харин өөрийнхөө бусдаас авсан зээлийг буцааж төлөх зориулалтаар авах үйл ажиллагаа өрнөжээ гэдэг нь мөрдөн байцаалтын явцад шалгагдаж нотлогдоод байгаа юм билээ. Харин УИХ-ын гишүүн Б.Ундармаагийн хувьд зээлээс хасагдсан байсан компанийн нэрээр зээл авчээ. Түүний дэмжиж 800 сая төгрөгийн санхүүжилт авсан гэх “Доктор МЭИК” ХХК урд нь сонгон шалгаруулалтаас хасагдсан байжээ.
Ийнхүү УИХ-ын нэр бүхий дөрвөн гишүүнийг хуулийн үндэслэл зааж, эгүүлэн татах гэсэн ч парламент хамгаалаад үлдлээ. ХХААХҮ-ийн сайд асан нь хүртэл зорилтот бүлгийнх байсан хэмээн өмгөөлөв. Улсын Ерөнхий прокурор М.Энх-Амгалан “Би гэмт хэрэг мөн гэж үзэн оруулж ирсэн. Яагаад гэхээр ард нийтийн тэгш байдалд өөрийн албан тушаалаа урвуулан ашиглаж халдсан байна” гэж хэлээд ч хуулийн “баг” ялагдлаа. Харин ЖДҮ-г цөлмөсөн зорилтот бүлгийн нэгдүгээр багийн дөрвөн гишүүн бүрэн эрхтэйгээ үлдэв.
Т.Батсайхан
Эх сурвалж: "Зууны мэдээ" сонин
Сэтгэгдэл0
Гол толгойлсон хүн нь засгийн газрын тэргүүн ерөнхий сайд энэ хүн ерөнхий сайд болсон төлбөрөө ингэж төлсөн болохоор энэ хулгайч нар яах ч гүй зүгээр ингэж шуугиж байгаад чимээгүй болох байх
Хүрэлсүхээс даруй салахгүй бол урьд МАН -г түйвээсэн одоо Монгол улсыг түйвээж эхэлж байна.
Эмзэг бүлгийнхэн гэж өрөвдмөөр хөөрхийлөлтэй хүмүүс байх юм даа.
Hun bish yum uu?
Улсын Ерөнхий прокурор М.Энх-Амгалангийн хэлснээр өнгөрсөн 2018 онд ЖДҮХС-д 1041 төслийн материал ирснээс “шаардлага хангахгүй” гэсэн шалтгаанаар 431 төслийг үлдээжээ. Үлдсэн 431 төслөө дахин шүүж үзээд 134-т нь зээл олгосон байна. Гэтэл дээрх дөрвөн гишүүнд хамааралтай зээлийн төслүүд бүгд эхний шатандаа хасагдсан байсан байгаа юм. Тэгэхээр шаардлагаа хангасан дөрвөн азгүй иргэний төслийг хааж эдгээр төсөл орж ирсэн гэсэн үг.
Ed nar bas hvnsnii tolanaar hool yndaa zalgyyldag bh ni hoorhii
50саяын төсөл оруулаад 20 саяыг 2жилийн дараа авдаг жирийн ард түмэн энэ шудраг ёс уу
Hurelsuh ene hediigee hamgaalj ochuuhen bodol zorilgoo avch uldeh ni hoorhiileltei
Эхлээд МАНАН бүлэглэлээс салцгааяа. Дараа нь муу ЖДҮЧИД нарыг зайуульяа
ЖДҮ чидээс сална гэхээр Хүрэлсүхээс л сална гэсэн үг болж байна.
Ингэж төөрөлдөхгүй шүү.Эд нар бол МАНАН ч мөн.ЖДҮ ч мөн. ямар хорлонтой хууль хийж байна гэж бодож байна.Төрийн эсрэг ажиллаж байгаа гэмт бүлэглэл.Нэгэнт шалгаад тогтоочихоод байхад МАНАН-гийн дараа болно гэж тэнэгтээд яах вэ.Бушуухан явуулах шаардлагатай.
Ингэж төөрөлдөхгүй шүү.Эд нар бол МАНАН ч мөн.ЖДҮ ч мөн. ямар хорлонтой хууль хийж байна гэж бодож байна.Төрийн эсрэг ажиллаж байгаа гэмт бүлэглэл.Нэгэнт шалгаад тогтоочихоод байхад МАНАН-гийн дараа болно гэж тэнэгтээд яах вэ.Бушуухан явуулах шаардлагатай.
бараг хоосон хонодог гэж тайлбар өгдөг ичдэггүй хулгайч нар шүү дээрээс нь Цэрэнбат, Содбаатар нарыг шалгахгүй юугаа хийгээд байгаа юм бээ Хүрэлсүхээ.
БОЛОХГҮЙ БАЙГАА ТӨР ЗАСГИЙГ ТҮЙВЭЭЖ, ЖУРАМД НЬ ОРУУЛАХ ЁСТОЙ.
estoi hereg algaa,tegeed gishuun geed huuli batlaad margaash ingeed ajildaa orood irne gej bodohoor mongold torsondoo gomdoj suuh yum daa
Их хурлын 40 гишүүн зэрэг ЖДҮ -ээс өөр төсөл барьчихсан,төсөл ч үгүй байж бүгд 950 сая төгрөгийн зээл авна гэдэг бол зохион байгуулалттай хэрэг. Үүний баталгаа нь эд нэг бүлэг болчихоод Хүрэлсүхээр хамгаалуулаад хуралдаа ч сууж чадахаа больсон явдал. Хүрэлсүх эд нарыг шалгуулахыг хүсэхгүй байгаа гаас харагдаж байна.Эд нар эхлээд уучлалт гуйгаад мөнгөө төлөөд байсан бол.Одоо би ямарч буруугүй гээд мөнгөө төлөхөө больсон.Энэ бүлэглэл Хүрэлсүхийг сайд болоход кнопоо худалдсан.Одоо ч кнопоо хүссэн хүсээгүй толгойлогчийнхоо далд дарахаас өөр аргагүй байдалд орчихоод байгаа. Энэ бол маш аюултай байдал руу их хурал орж байна гэсэн үг.
Хүрэлсүх сайн байна аа, МАНАН-аас салгаж чадах ганц хүн бол Ерөнхий сайд мөн шүү, Миеэ-ээс салж шударга шүүх цагдаатай болбол энэ улс аяндаа хөгжөөд эхэлнэ. Шударга төртэй болбол ЖДҮ, зэргийн зөрчлийг арилгана даа, Гол нь улсын олон зуун тэрбумын үнэтэй орд газрыг лиценз, хувьчлах нэрээр дээрэмддэг бүлэглэлийг устгах нь 1 номерийн зорилго
Хүрэлсүх сайн байна аа, МАНАН-аас салгаж чадах ганц хүн бол Ерөнхий сайд мөн шүү, Миеэ-ээс салж шударга шүүх цагдаатай болбол энэ улс аяндаа хөгжөөд эхэлнэ. Шударга төртэй болбол ЖДҮ, зэргийн зөрчлийг арилгана даа, Гол нь улсын олон зуун тэрбумын үнэтэй орд газрыг лиценз, хувьчлах нэрээр дээрэмддэг бүлэглэлийг устгах нь 1 номерийн зорилго
Хүрэлсүх сайн байна аа, МАНАН-аас салгаж чадах ганц хүн бол Ерөнхий сайд мөн шүү, Миеэ-ээс салж шударга шүүх цагдаатай болбол энэ улс аяндаа хөгжөөд эхэлнэ. Шударга төртэй болбол ЖДҮ, зэргийн зөрчлийг арилгана даа, Гол нь улсын олон зуун тэрбумын үнэтэй орд газрыг лиценз, хувьчлах нэрээр дээрэмддэг бүлэглэлийг устгах нь 1 номерийн зорилго