sonin.mn
Сэтгэгдэл (0)
Улаанбаатар /МОНЦАМЭ/. Жүдо бөхийн насанд хүрэгчдийн 2019 оны ДАШТ-ий тав дахь өдөр /2019.08.29/ эрэгтэйчүүдийн 90 кг болон эмэгтэйчүүдийн 70 кг жингийн барилдаан болж манай 2 жүдоч хүчээ сорино.
2018 оны Азийн наадмын мөнгө, Тбилисийн Гран при тэмцээний хүрэл медальт ОУХМ Г.Алтанбагана 90 кг-д барилдах бол 18 настай залуу тамирчин Ц.Энхчимэг эмэгтэйчүүдийн 70 кг-д ур чадвараа сорино.
 
 
Ц.Энхчимэгийн хувьд анх удаа ДАШТ-д оролцож байгаа бол Г.Алтанбагана гурав дахь удаагаа оролцож байгаа бөгөөд 2017 оны ДАШТ-д амжилттай оролцон, шилдэг наймд шалгарч байв. Энэ жилийн ДАШТ-д С хэсэгт багтсан бөгөөд эхний өрсөлдөгч нь Италийн Н.Мунгай юм. Ц.Энхчимэг А хэсэгт орсон бөгөөд Португал улсын жүдоч Б.Тимотой барилдаж хэн ялсан нь Бельгийн бөхтэй барилдах юм. 
 
 
Д.Өлзийсайхан
Эх сурвалж: Монцамэ агентлаг