Улаанбаатар /МОНЦАМЭ/. “Токио 2020” зуны XXXII олимпын наадамд оролцох Монголын үндэсний шигшээ баг тамирчдын спортын болон ёслолын хувцасны загварыг пүрэв гарагт танилцуулав.
 
 
Үндэсний шигшээ багийн бүрэлдэхүүний ёслолын болон спортын хувцас, дагалдах хэрэгслийн загвар сонгон шалгаруулах уралдааныг салбарын яамнаас зарлаж, дүнг нь гаргасан юм.
 
 
Өнгөрсөн “Рио-2016” олимпын наадмын Монголын үндэсний шигшээ багийн хувцас нэлээд шүүмжлэл дагуулж байсан билээ. Харин 2020 оны Токиогийн олимпын наадамд хар хөх, цагаан өнгийг хослуулсан монгол загварынх байхаараа илүү өвөрмөц онцлог харагдаж байгаа аж.
 
 
Д.Өлзийсайхан
Эх сурвалж: Монцамэ агентлаг