сонин mn
Сэтгэгдэл (23)
Жүжигчин У.Цогтбаяр нийгмийн сүлжээгээр дамжуулан, "Өнөөдөр уг нь хүүгийн маань төрсөн өдөр байлаа. Гэвч нэгхэн өдрийн дотор шүүх хурал болж, хорих шийдвэр гаргалаа. Хоригдохоор боллоо. Гэхдээ гарч ирээд Засгийн Газар сайн ажиллаж байна, Х.Нямбаатар сайн мундаг ажиллаж байна гэж хэлж чадахгүй. Хэд хоног бясалгана. Намайг хууль зөрчөөгүйд итгээрэй." гэсэн билээ.
 
Энэ тухай Баянгол, Хан-Уул, Сонгино Хайрхан дүүргийн эрүүгийн хэргийн анхан шатны шүүхийн Тамгын Газар: "Цогтбаярт 2023 оны 5 дугаар сарын 23-ны өдөр Хан-Уул дүүргийн Эрүүгийн хэргийн анхан шатны шүүхээс 7 хоногийн хугацаагаар баривчлах шийтгэл оногдууллаа.
 
Хан-Уул дүүргийн цагдаагийн газрын хоёрдугаар хэлтсээс  хэрэг бүртгэлийн ажиллагаа явуулж түүний эхнэр З.Хүслэнгийн гомдлын дагуу У.Цогтбаярыг 2023 оны 4 дүгээр сарын 28-ны өдөр гэртээ согтууруулах ундааны зүйл хэрэглэсэн үедээ эхнэр З.Хүслэнг цээртэй үгээр доромжлон, хэрүүл маргаан үүсгэж, 00-ын өрөөний хаалгаа эвдэж танхайрсан, мөн 2023 оны 4 дүгээр сарын 30-ны өдөр согтууран тагтан дээрээ гарч амиа хорлоно гэж гэр бүлийн хүмүүсээ айлгаж, модоор цонхоо хагалсан мөн хадам ээжээ цээртэй үгээр доромжлон танхайрсан гэх үндэслэлээр түүнийг 10 цагийн хугацаагаар албадан сургалтад хамруулж, 7 хоногийн баривчлах шийтгэл оногдуулав." гэжээ.