sonin.mn
“Нүүрсний хэрэг”-т холбогдон яллагдагчаар татагдсан УИХ-ын гишүүдийн бүрэн эрхийг түдгэлзүүлэх эсэхийг ид хэлэлцэж буй нөхцөл байдалтай холбоотойгоор сэтгүүлч, эрх зүйч О.Батханд байр сууриа илэрхийлсэн байна.
 
Тодруулбал тэрээр: "УИХ-д ихэвчлэн хэт баяжсан, хулгай хийдэг, хувийн ашиг сонирхолоо шүтдэг хүмүүс суулгадаг. Тэд нар нь 10 төгрөгөө 20 төгрөг болгох тухай боддог болохоос 7 буудлын жирийн монгол айлын талхыг дээрэмдэж,  хөлжиж баяжиж байгаагаа огт боддоггүй. Тас хар гартай цагаан бээлийтэй улс төрчид МАН, АН, Хүн ялгаагүй бүгд алга болбол таарна. Ер нь он удаан жил улс төрд ноёрхсон нийгмээ гуйланчлал болгож, өөрсдөө баяжсан хүмүүс. Сонгуулиар мөнгө тарааж ард түмнээ хуурч УИХ-ын гишүүн болдог. Сонгогчдод тараасан мөнгөө хэд дахин нугалж олохын тулд гишүүн болоод хулгайгаа хийж эхэлдэг. Хулгай хийсэн үйлдэл бүртээ худал хэлнэ, ард түмнийг бүр басамжлан доромжилж худал хэлнэ.
 
УИХ-д суусан зарим хулгайчдын баяжсан шалтгаан нь дандаа эх орны хөрсийг сэндийчиж, газрын гагнаасыг тасдана. Ард түмэн биш юмаа гэхэд байгаль эх та нарыг харж л байгаа.
 
Савнаасаа хальсан хөрөнгө хүнд балаг л авчирдаг. Нүүрстэй, байгалийн баялаг, лиценз хулгайтай холбоотой, өсөхдөө өлөн өсөөд улсаас хулгай хийдэг бүх улс төрчийг толгой дараалан аль нам гэдгээс үл хамааран зайлуулах хэрэгтэй. Л.Оюун-Эрдэнэ сайд өөрөө чин шударгаар бүх ашиг сонирхлоо орхиод хийж чадвал түүхэнд алтан үсгээр бичигдэн үлдэнэ. Гурван сая ард түмнээ сонгох  уу, УИХ-ын гишүүн хулгайчдаа сонгох уу гэдгээ бодох цаг” гэжээ.