Цахим засаглалд шилжих, хүнд суртал, авлигагүй төрийн үйлчилгээг бүрдүүлэх үндэсний хорооны ажлын хүрээнд Ерөнхий сайдын ажлын алба, Төрийн албаны зөвлөл, Сангийн яам, Хөдөлмөр нийгмийн хамгааллын яам, Хууль зүй, дотоод хэргийн яам хамтран “Төрийн албаны гүйцэтгэлд суурилсан цалингийн шинэчлэл” уулзалт хэлэлцүүлэг зохион байгууллаа.
Засгийн газрын үйл ажиллагааны хөтөлбөрт Төрийн албан хаагчийн үйл ажиллагааг үнэлэхдээ ажлын гүйцэтгэл, үйлчлүүлэгчийн үнэлгээ, ёс зүй, сахилга хариуцлагын шалгуур болгож, ёс зүйн зөрчил гаргасан төрийн алба хаагчид хүлээлгэх хариуцлагыг чангатгах зорилт тусгагджээ.
Уулзалт хэлэлцүүлгээр төрийн албан хаагчдын ажлын үнэлгээний журмуудыг яаралтай шинэчлэх, хэрэглэгч буюу үйлчлүүлэгчийн үнэлгээг шалгуур үзүүлэлтийн нэг хэсэг болгох, хөндлөнгийн нөлөөлөлгүй бодитой, шударга үнэлдэг болгох, ажлаа чанартай хийсэн ч, сул ажилласан ч нэгэн ижил сүлжээний тогтмол цалин авдгийг өөрчлөх, иргэнээ дагасан чанартай үйлчилгээнд суурилсан цалин, урамшууллын өөрчлөлт хийх санал, хувилбаруудыг хэлэлцлээ.
Энэ үеэр Ерөнхий сайдын Хууль зүйн бодлого хариуцсан зөвлөх Л.Цэдэвсүрэн “Төрөөс цалин хөлс авдаг 198000 албан хаагч байна. Удирдлагын академиас хийсэн төрийн албан хаагчийн ажлын үр дүнгийн үнэлгээний судалгаанаас үзэхэд, хамгийн сайн, хангалттай буюу А, В үнэлгээг төрийн албан хаагчдын 90 гаруй хувь нь авч байна гэжээ. Энэ үнэлгээ бүрийн цаана урамшуулал, шагнал, нэмэлт цалингийн асуудал давхар явж байдаг. Гэтэл иргэдийн дунд явуулсан судалгаагаар төрийн албан хаагчдын ажлын чадварыг сайжруулах, ёс зүйтэй байх, хариуцлагатай байхыг шаардсан, ажил сул, хангалтгүй байгааг илэрхийлсэн илэрхийлэл давамгай байна.
Монгол Улсад чадварлаг-мэргэшсэн-сэтгэлтэй-санаачилгатай-ёс зүйтэй-шударга төрийн албан хаагч л ажиллах ёстой. Хийсэн ажилдаа гаргасан үр дүндээ, иргэнд хүрсэн чанартай үйлчилгээндээ тохирсон цалин хөлсийг төрийн албан хаагч авах ёстой” гэлээ.
Иймд ажлыг бодитоор шударгаар дүгнэдэг, хэрэглэгчийн үнэлгээ авдаг байхаар холбогдох журмуудыг шинэчлэн сүлжээний тогтсон цалингийн системийг өөрчлөх юм байна. Энэ ажлыг 2022 оноос хэрэгжүүлэхээр төлөвлөжээ.
Сэтгэгдэл0
Бүр мангартаад эхэллээ.
Захиргааны ерөнхий хуульдаа өөрчлөлт оруулахгүйгээр хол явахгүй.Төрийн албан хаагч захиргааны шийдвэрээ хуульд нийцсэн, иргэний эрхийг хангах ажиллагааг хийсэн, төрийн захиргааны шийдвэр гаргаж байгаагаа хууль, судалгаанд үндэслэн тайлбарладаггүй, тайлбарлаагүйгээс үүдсэн хариуцлагын механизмгүйгээс өнөөдрийн энэ завхрал үүдэлтэй.Хаанд үнэнч зүтгэхээ жанжид хэрхэн тангараг тавьж тангараг зөрчвөл өөрийн амиар болон үр удмынхаа бүхий л амиар төлдөг байсан уламжлалын өнөө цагийн хувилбар л хэрэгтэй...
Toriin alban xaagch geed boon xynd syrtal medleggyu xariytslaggyi xymyys bx um. Onoodor 1 um byrtgyylex gex ogloo 10 -2 tsag xyrtel stress tygjrel dynd yavlaa. Tsahim bolgood xymyysee tsoolmoor um
Дэд сайдуудыг цомхтгох,яамдыг нэгтгэх Энхамгалан сайдын саналыг дэмжээч ээ
КА МАН ГИШҮҮН БИШ БОЛ АРЧИГДАНА. НАМЫН ГИШҮҮД ЦҮНХ БАРИГЧИД Л ҮЛДЭНЭ ГЭДЭГ НЬ ТОДОРХОЙ ШҮҮ ДЭЭ. НАМ БУСЧУУД БҮР ГУДАМЖИНД ГАРНА .
Дарга нам дагасан ажил хийдэггүй хов зөөгчдөө илүү цалин хангамжтай болгох эхлэл тавигдаж байна. Даргад хэн таалагдана гэж бодож байна
Тойрон хүрээлэгчид л нэмэгдэнэ.Цаас бөмбөг ихсэнэ.хуучирхаг үзэл бна.Цалинг шууд нэмж ижил тэгш ханд