sonin.mn
Сэтгэгдэл (6)

УИХ-ын гишүүн асан Ж.Батзандан ШИНЭ намаас гарч, АН-д нэгдэж буйгаа мэдэгдсэн холбоотойгоор ШИНЭ нам мэдээлэл хийлээ.


ШИНЭ намын дарга Ц.Гантулга энэ үеэр: “Өнгөрсөн хоёр хоногийн хугацаанд Ардчилсан Намын зүгээс ШИНЭ намыг өөрийн намтай нэгдсэн мэтээр мэдээлэл тараасан. Тиймээс ШИНЭ нам анх яаж байгуулагдсан талаар мэдээлэл өгөх зүйтэй гэж үзлээ.

Анх 2019 оны есдүгээр сарын 16-нд ШИНЭ намыг 113 төрийн бус байгууллага, мэргэжлийн холбоод хамтран Монголыг МАНАН дэглэмээс аврах, шинэ нийгмийг цогцлоох эрхэм зорилготойгоор анх байгуулсан.


 Анх 801 хүн гарын үсэг зурснаар байгуулагдсан байсан нам одоо 24 мянган гишүүнээ үнэмлэхжүүлсэн, 50 гаруй мянган дэмжигчтэй, өдөр тутмын үйл ажиллагаагаа академик түвшинд явуулж байгаа улс төрийн хүчин болоод байна.

Намын анхны дарга Ж.Батзандан АН-д орж буйгаа мэдэгдсэн. Тэр бол хувь хүний сонголт. Цөөн хэдэн хүн улс төрийн өөр нам, хүчинтэй хамтрах боломжтой гэж хэлснээр 24 мянган гишүүн болон олон зуун мянган дэмжигчдийн итгэлийг өөрчилнө гэж байхгүй.

 Бид хувь хүнтэй холбоотой асуудлыг буруушаахгүй. 

ШИНЭ намын даргын хувиар хэлэхэд ганц хоёрхон хүн биднийг төлөөлөхгүй. ШИНЭ нам бүтэн, цул хэвээрээ байгаа учраас 2024 оны сонгуульд амжилт гаргана гэж үзэж байгаа.” гэв.


С.Сарнай