sonin.mn
Сэтгэгдэл (11)

"Магнай Трейд" группийн өв залгамжлагч Г.Дашням МАХН татан буугдах үеэр тус намын 30 хувийн квотыг ашиглан, МАН-д элсэж, улмаар МАН-ын Бага Хурлын гишүүн, Социал Демократ Монголын Залуучуудын холбооны Дэд Ерөнхийлөгч болсон билээ.

Үүнээс хойш ихээхэн хэмжээний санхүүжилтыг тус намд хийсэн гэгддэг. УИХ-ын 2024 оны сонгуульд 10-р тойрогт МАН-аас нэр дэвшин өрсөлдсөн ч ялагдсан. Ялагдмагцаа өөрийнхөө сошиал хуудсаар Д.Цогтбаатар, М.Оюунчимэг нар луу дайрч, хуурай агсам тавьж байв.


Төд удалгүй Х.Нямбаатар түүнийг өөрийнхөө зөвлөхөөр томилсон юм. Энэ үеэрээ Г.Дашнямыг НИТХ-д нэр дэвшүүлнэ, хэрэв НИТХ-д сонгогдвол Нийслэлийн Засаг Даргын орлогчоор томилно гэж хүртэл амласан гэдэг.


Гэвч МАН-ын удирдлагууд түүнийг хуурчээ.


НИТХ-ын сонгуульд Сүхбаатар дүүрэгт түүнийг нэр дэвшүүлэхээр урьдчилан тохирсон байсан боловч уг тойрогт Монгол Улсын Ерөнхий Сайд, МАН-ын дарга Л.Оюун-Эрдэнийн зүгээс МАН-ын Нарийн Бичгийн Дарга Х.Алтай, эдийн засагч Б.Дөлгөөн нарыг, УИХ-ын гишүүн, Монгол Улсын Сайд, ЗГХЭГ-ийн Дарга Н.Учралын зүгээс НОСК-ийн захирал М.Говьсайханг, МАН-ын Нарийн Бичгийн Дарга Д.Сумьяабазарын зүгээс үнэртэй ус үйлдвэрлэгч Б.Ану-Үжин гэх охиныг тус тус зүтгүүлэн, МАН-аас нэр дэвшүүлжээ.

Ийнхүү МАН-д маш их санхүүжилт хийсэн гэгддэг Г.Дашням тус намаас тодорхой албан тушаал авч чадалгүй үлдэж байна.


Х.Нараа