Пүрэв - 05 сарын 01,
2025
АСТАНА, 2025 оны тавдугаар сарын 1 /RIA Novosti/. Казахстаны компаниудад эсвэл үнэт цаасанд 300 мянгаас доошгүй ам.долларын хөрөнгө оруулсан гадаадын иргэдэд “алтан виз” олгоно гэж тус улсын Гадаад хэргийн яам мэдээлжээ.
Шинэ нөхцөлийн дагуу Казахстаны компаниудын дүрмийн сан болон дотоодын үнэт цаасанд 300 мянгаас доошгүй ам.долларын хөрөнгө оруулсан гадаадын иргэд хөрөнгө оруулагчийн виз мэдүүлэх хүсэлтээ цахимаар өгөх боломжтой.
Энэхүү "алтан виз"- ийг авснаар тус улсад 10 жил хүртэл оршин суух эрхтэй болох ажээ. Европын орнууд, АНУ, АНЭУ, Сингапур зэрэг олон улсад хэрэгжүүлдэг ийм визний хөтөлбөрүүд нь хөрөнгө оруулалт, технологийг татах үр дүнтэй хэрэгсэл болох нь батлагдсан гэдгийг Казахстаны ГХЯ онцолжээ. Шинэ визийн журам албан ёсоор нийтлэгдсэнээс хойш 10 хоногийн дараа хүчин төгөлдөр болно.
Д.Жаргал
Эх сурвалж: "Монцамэ" агентлаг
Сэтгэгдэл2
АНУ-ын алтан карт нь хөрөнгө оруулагчдад доорх боломжуудыг олгодог болчихмоор байна. 1. Татварын хөнгөлөлт, 2. Иргэншил авах, 3. АНУ-д гэр бүлээрээ цагаачилж насан туршдаа хязгааргүй оршин суух. 4. Гэр бүлээрээ АНУ-ыг орхин гадагшаа удаан хугацаагаар аялах амрах. Хамгийн гол шаардлага нь хөрөнгө оруулагчийн бизнес нь тогтвортой байх.
5сая доллараа өгөөд очоочдээ