Баасан - 04 сарын 26,
2024
БЭЭЖИН./Хinhua/. АНУ, БНХАУ-ын худалдааны хэлэлцээний төлөөлөгчдийн тэргүүн нар утсаар ярих үеэрээ хоёр орны хооронд байгуулсан худалдааны гэрээний эхний үе шатны тохиролцоог хэрэгжүүлэх таатай уур амьсгалыг бүрдүүлэхээр тохиролцлоо гэж Хятадын төв телевиз мэдээлжээ.
БНХАУ-ын Төрийн зөвлөлийн шадар сайд Лю Хэ, АНУ-ын худалдааны төлөөлөгч Роберт Лайтхайзер, АНУ-ын Сангийн сайд Стивен Мнучин нар утсаар ярьсан байна.
“Макро эдийн засаг, нийгмийн эрүүл мэндийн салбарт хамтын ажиллагааг бэхжүүлэх шаардлагатай байгаатай талууд санал нэгдлээ. Түүнчлэн худалдааны хэлэлцээрийн эхний үе шатыг хэрэгжүүлэхийн тулд таатай уур амьсгалыг бүрдүүлж, хүчин чармайлт гаргана гэдгээ илэрхийллээ” гэж Хятадын төв телевизийн мэдээлэлд дурджээ.
Талууд мөн цаашид холбоо харилцаагаа үргэлжлүүлж, үйл ажиллагаагаа зохицуулахаар тохиролцжээ.
Д.Жаргал
Эх сурвалж: Монцамэ агентлаг
Сэтгэгдэл0
Хятад улс худалдааны дайнд ялагдсандаа өс санаж АНУ-аас хариугаа авахын тулд нууц лаборатори дээрээ корона нэртэй вирус зохион бүтээж, вирусээ америк улс руу халдвар тараасан байх магадлалтай.
Баримттай нотолгоотой зүйл бичиж байхыг зөвлөе.Энэ талын ямарч мэдлэг мэдээлэлгүй байж улс хоорондын асуудлыг өөрийнхөөрөө дүгнэх нь урт хэл хүзүү ороох гэгч болж мэднэ шүү!!!