ЖЕНЕВ. /TASS/. Коронавирусний вакцин, оношлуур, эмчилгээний арга хэрэгслийн хүртээмжийг нэмэгдүүлэх “ACT Accelerator” олон улсын хөтөлбөрийг санхүүжүүлэхэд яаралтай 4.3 тэрбум ам.доллар шаардлагатай байгаа тухай ДЭМБ мэдэгдэв.
“Хөтөлбөрийг хэрэгжүүлэхэд нийт 28.2 тэрбум ам.доллар, яаралтай 4.3 тэрбум ам.доллар шаардлагатай байна. Энэ санхүүгийн хэрэгцээг хангаж чадахгүй бол бага, дунд орлоготой орнууд коронавирустэй тэмцэх арга хэрэгсэлд хүрэх үйл явц саатна.
Ингэснээр цар тахал эдгээр орнуудад төдийгүй дэлхий дахинд эдийн засгийн ноцтой үр дагавар авчирна” хэмээн мэдэгдэлд дурдав. Коронавирустэй тэмцэх арга хэрэгслийн хүртээмжийг нэмэгдүүлэх “ACT Accelerator” олон улсын түншлэлийг ДЭМБ, Европын Холбоо, Франц, Билл Гейтс, Мелинда Гейтс нарын буяны сан 4 дүгээр сарын 24-нд эхлүүлсэн. Энэхүү санаачилга нь “COVID-19”-өөс урьдчилан сэргийлэх, оношлох, эмчлэх аюулгүй, үр дүнтэй технологийг үйлдвэрлэх, ашиглахыг хөгжүүлэх үйл явцыг хурдасгах олон улсын түншлэл, хамтын ажиллагаа юм хэмээн ДЭМБ мэдэгдсэн билээ.
Э.Аянзаяа
Эх сурвалж: Монцамэ агентлаг
Сэтгэгдэл0
:ДЭМБ гэж мөнгө нэхэхээс өөр ид шидгүй шал дампуу байгууллага юм аа.
Ямарч мөнгөгүйгээр ,үнэгүйгээр хичнээн ч жилээр вакцин авах ганцхан боломж байгаа энэ нь КРЫМ-ОРОСЫНХ гэж хүлээн зөвшөөрөх,ингэснээр барууныханд өчнөөн долларын өрөнд орохгүйгээс гадна Монголынхоо Хүн Ардыг хорт тахлаас үүрд хамгаална,Монгол Хүн байвал Монгол Улс ,Монгол Газар Нутаг байх болно,харин Монгол Хүнгүйгээр юу ч биш1д Монгол Хүн болохоос барууны эрх ашиг биш
Оросуудад 2сая вакцин бүр 4 сая вакцин юу ч биш хэдхэн цагийн л үйлдвэрлэл КРЫМ-ОРОСЫНХ гэж хүлээн зөвшөөрөх нь тэртээ тэргүй БОДИТ ЗҮЙЛ ,энд буруутах юу ч байхгүй,хэрэг дээрээ америкчууд зөвшөөрөөд л байгаа ,тиймээс бусдаас урьтаж "ашиг"гаргаж хийх хэрэгтэй,хоцорвол ямарч үнэ цэнэгүй болно