Улаанбаатар /МОНЦАМЭ/. УОК-ын өнөөдрийн хуралдаанаар, бүх шатны сургууль, цэцэрлэгийн сургалтыг есдүгээр сарын 1-нээс үе шаттай нээх асуудлаар дахин төлөвлөгөө боловсруулахыг чиглэл болгосон талаар БШУ-ны сайд Л.Цэдэвсүрэн мэдээлэв.
Монгол Улсын Шадар сайдын тушаалаар, БШУЯ-наас 2020-2021 оны хичээлийг есдүгээр сарын 1-нээс эхлүүлэх эсэхийг судлаж санал, дүгнэлт гаргах ажлын баг байгуулж ажиллажээ. Ажлын багт төрийн бүх байгууллага ажиллаж холбогдох санал, дүгнэлтээ өнөөдрийн УОК-ын хуралдаанд танилцуулсан байна. Ажлын багаас хэд хэдэн хувилбар гаргасан бөгөөд хичээлийн жилийг эхлүүлэх үе шат, дэс дарааллыг дахин боловсруулж маргаашийн Засгийн газрын хуралдаанд танилцуулж эцэслэн шийдвэрлүүлэхийг УОК-оос үүрэг болгожээ.
2019-2020 оны хичээлийн жилийг 75 өдөр цахим хичээл явуулж дуусгасан байна. Статистик тоогоор, сургуулийн өмнөх насанд хамрагдах ёстой буюу 2-5 насны 305 мянган хүүхэд, ЕБС-д хамрагдах 682 мянган сурагч, их дээд сургуульд суралцах 150 мянган оюутан байна. Засгийн газрын хуралдаанаар, 2020-2021 оны хичээлийг жилийг эхлүүлэхтэй холбоотой тодорхой шийдвэр гарсны дараа БШУЯ-наас тусгайлсан хэвлэлийн хурал зохион байгуулна хэмээн БШУ-ны сайд Л.Цэдэвсүрэн мэдээлэв.
С.Мөнхбаатар
Эх сурвалж: Монцамэ агентлаг
Сэтгэгдэл0
МАН-ын ждүчин хулгайч нар Зайлцгаа өмхий хар авлигачид..Та нар биднийг захирахгүй шүү...Май сда
ШИЙДВЭР ГАРГАЧДАА! Дунд сургуулийн Бүх ангийн хүүхдүүдийг АНГИ ДЭВШҮҮЛЭХГҮЙГЭЭР ДАВТАН СУРГАХ ГАРЦААГҮЙ ШААРДЛАГА БАЙНА.Хүүхдүүд маань өнгөрсөн 2019-2020 оны хичээлийн жилд ханиад, Ковидын хөл хорио гээд бараг хичээллэсэнгүй. ТЭР ТЕЛЕ ХИЧЭЭЛ ЧИНЬ ОЛИГТОЙ БОЛООГҮЙ, ихэнх хүүхэд нь түүнийг үзээгүй! ЧАНАР, ЧАНАР, БАС ДАХИН ЧАНАР. Хүүхдүүдэд: АНГИ ДЭВШИХ НЬ ЧУХАЛ БИШ, СУРАХ ЁСТОЙ ЮМАА Л БАТТАЙ СУРАХ НЬ ЧУХАЛ! Үр хүүхдийнхээ ирээдүйг боддог л юм бол тэднийг зайлшгүй давтан сургах учиртай. Үгүй бол цаг нь ирэхээр юун ЭЕШ, хүссэн оноогоо авах хүүхэд гарахгүй. Үүнийг олон нийтэд ойлгуулах ямар арга байна? Түгээж өгнө үү.