Хорьдугаар зууны босгон дээр монголчууд бид нийгмийн шинэ сонголт хийсэн. Тэр бол хойт хөршөө түшиж, тусгаар тогтнолоо сэргээх сонголт байсан. Тэр нь зөв бодлого болсныг түүх гэрчилсээн.
Хорьдугаар зууны өндөрлөх үед монголчууд бид ахиад нийгмийн шинэ сонголт хийсэн. Тэр нь нийгэм алгаслах романтик том мөрөөдлөө орхиж (хөрөнгөт нийгмийг алгасан нийгэм журамд шилжих) зах зээлийн тогтолцоонд орох сонголт байсан.
1990 оноос энэхүү шинэ сонголтыг монголын залуу үе шаардаж, ахмад үе маань хүлээн зөвшөөрсөөн. Тийнхүү зах зээлийн тогтолцоог баримтлахаар шийдэж эрх барьж байсан Монгол Ардын Хувьсгалт нам олон зүйл дээр буулт хийж ардчиллын сэтгэлгээгээр нийгэм журмын сэтгэлгээгээ халсан.
Тэгээд 1960 онд батлагдсан "Бүгд найрамдах монгол ард улсын үндсэн хуульд", "Бүгд найрамдах монгол ард улсын төр, нийгмийг удирдан чиглүүлэгч хүч бол бүхнийг ялагч ленинист онолыг үйл ажиллагаандаа удирдлага болгодог Монгол Ардын Хувьсгалт нам мөн" гэдэг заалтаас МАХН өөрөө татгалзсан билээ.
Тэгээд "Монгол үндсэн хууль" шинээр боловсруулах ажилд орж 1992 онд "Монгол улсын үндсэн хууль" боловсруулан бүх ард түмэнээр хэлэлцүүлэн, ард түмнээс сонгогдсон 470 депутатын хамтлагаар Ардын Их Хурлаар 70 гаруй хоног хэлэлцүүлэн батлуулсан билээ.
Энэ бол одоо түүх болжээ. (Хорь гаруй жил өнгөрсөн учраас) тэрхүү (1992 оны) шинэ Үндсэн хуулийн эхэнд нь "Эх орондоо хүмүүнлэг, иргэний ардчилсан нийгэм цогцлуулан хөгжүүлэхийг эрхэм зорилго болгоно. Үүний учир Монгол улсын Үндсэн Хуулийг даяар олноо зарлан тунхаглаж байна" гэсэн тунхаг үг орсон билээ.
Ингээд Монгол улс "капитализмыг алгасан социалзм байгуулна" гэсэн түрүүчийн Үндсэн хуулийн зорилтоо өөрчлөж "Зах зээлийн нийгмийн тогтолцоонд" орохоор зорьсон билээ. Зах зээлийн тогтолцоо гэдэг бол үнэн хэрэгтээ "капитализм" гэдэг бид бүхний (монголчуудын 70 жил муулсан капиталист тогтолцоог хэлсэн хэрэг билээ).
Монгол улс шинэ үндсэн хуулийн тодорхойлсноор, БНМАУ биш МУ (Монгол Улс) тэр үед хөрөнгөт нийгэм байгуулахад бэлэн байсан уу гэвэл огтхон ч бэлэнгүй байлаа. Капиталист нийгэм байгуулаад 200 орчим жил тэр замаар явсан Америкийн нэгдсэн улс тэргүүтэй өрнөдийн орнуудыг шүүмжлэхээс биш туршлагыг нь огтхон ч мэдэхгүй байсан цаг.
Шүүмжлэхдээ "Улаан орос буюу" хойт хөршийнхөө үгээр л ярьдаг байсан цаг. Гэтэл хойт хөрш маань "коммунизмыг устгах нь миний зорилго байсан" гэж мэдэгдэл хийсэн Михайл Горбачевийн удирдлагад орчихсон цаг байлаа. Гэвч монголчууд хойт хөршийгөө дуурайдаг, түүнтэй ам нэг асан зуршлаасаа салж чадаагүй байлаа.
Тэгээд л "зах зээлийн харилцааны тогтолцоонд орно" гэж шийдэцгээсэн болой. Тэр харилцаанд ороход монголчууд бэлэн байсан уу? гэвэл огтхон ч бэлэнгүй байлаа. Харин ам хэлээр бол бэлэн байсан тул "Хэзээд бэлхэн" гэж үр хүүхдүүдээ (пионерүүддээ) хүмүүжүүлсээр байсан тэр үгээ "хэзээд бэлэн" гээд л эцэг, эх нь хэлээд "зах зээлийн тогтолцоог" сонгон авч билээ.
Гэтэл тэр үеийн монголд зах нь байсангүй, зээл нь харин байсан. Хойт хөрш оросуудаасаа зээл авчихсан, түүнийг нь "их өр" гэж анх монголчуудын залуу үе нь нэрлээд ахмадуудыгаа "их өр тавьсан" гэж зэмлэн муучилцгаах "муна" болгон ашигласан юм.
Гэтэл үнэн хэрэгтээ Зөвлөлт орост монголчууд өртэй биш тэд монголд өртэй байлаа. Учир нь гэвэл хамгийн энгийн баримт дурдахад орост жил бүр амьдаар нь тууварлан нийлүүлж байсан нэг хонины үнэ нь монголд оросоос өгч байсан хүүхдийн тоглоомын хаймран хонь, ямааны үнээнээс хямд байсан юм.
Тэр үед манай дэлгүүрүүдэд гарч байсан орос хаймран тоглоомын үнэ нь 15 төгрөг, харин биднээс орост хөлөөр нь тууварлан Эрхүүгийн мах комбинатад тушааж байсан амьд хонь 5 рубль үхэр, адуу 15 рублээр тооцдог байсан юм даа.
Гэтэл ахмад үеийнхээ эсрэг залуу үе нь өөлөх хэрэглүүр болгон "их өр тавьсан" хэмээн муулж, тэрийг нь ч албан тушаалд дэвшисэн ахмад үе нь "зөвшөөрсөн" болж тэр "өрийг" хүчингүй болгох юм уу ядаж багасган төлж нэрээ "цэвэрлэх" хуурамч оролдлого хийж эхэлсэн юм.
Тэрнийг нь ч "ах нар" маань дуртайяа ашиглан 2002 онд өрийг цэглэх шоу (үзүүлбэр) хийж ерөнхий сайд асан Касьянов манай Н.Энхбаярыг "аргалан" "их өр" гэгчийг барагдуулсан мэтээр зарлаж, манайхан (Энхбаярыг дагалдагчид) угтан баясч, бас зарим нь "алтан хөшөө босгоход ч багадана" хэмээн хөөрцгөөж билээ.
Гэтэл хэдхэн жилийн дараа Оросын холбооны засгийн газар ази, африкийн бусад орнуудын "өр" гэгчийг Зөвлөлт засгийн үеийн явдал учир хүчингүй болгосноо зарлаж билээ. Манайх жаахан тэсвэртэй, бас ухаалаг хөдөлсөн бол тэр өр ердөө л "хүчингүй" гэж зарлагдах байсан юмсан.
"Өргүй" гэдгээ манай сэхээтнүүд тэр үед хэвлэлд нэг бус удаа бичиж байсан боловч "өр цайруулсан нэр" зүрхийг хүсэгч "дөчин мянгатынхан" тэрийг тооцоонд огт аваагүй билээ. (Өнөөдөр гэтэл 9, 8 их наяд төгрөгийн гадаад өртэй болчихоод байна)
Гэтэл "40 мянгатыг" барьж (орон сууцнууд шүү дээ) байгуулах ажлыг манайд албан ёсны айлчлалаар ирсэн ЗХУКН-ын товчооны гишүүн Микоян (төлөөлөгчдийн тэргүүн) Тасганы овоон дээрээс Улаанбаатарыг хараад "эсгий хот" гэж барууныхны бичдэг нь үнэн юм байна гэдгийг нүдээр үзэж бараг л ичихдээ хүрээд эргэж очсон хойноо "орон сууцны 40 мянгатыг" бариулахад нөлөөлсөн гэдэг юм.
Тэрхүү "дөчин мянгатын боловсон орон сууцанд" тэр үеийн манай улс төрчид, эрдэмтэд, сэхээтнүүд орж суусаны дараа төрсөн хүүхдүүд нь 1990-ээд оны ахмад үеэ голж, элдвээр муучлан, Сүхбаатарын талбай дээр "өлсгөлөн зарлан" суулт хийснээр тэр үеийн МАХН-ын улс төрийн товчоо бүрэн бүрэлдэхүүнээрээ огцорсноор "Ардчилсан хувьсгал" мандсан домог буй болсон билээ.
Тийнхүү хөрөнгөт ертөнцийг дууриан "зах зээлийн тогтолцоог" сонгосон тэр тогтолцоонд ороход монголын ард түмэн бэлэнгүй байлаа. Учир нь тэдэнд хувийн өмч хөрөнгө байсангүй.
Зах байгуулан мөнгө саах туршлага байсангүй. Хүүхдийг нь үнэ төлбөргүй сургадаг, өвчилбөл үнэ төлбөргүй эмчилдэг, тэтгэвэрт гарвал мөнгөн тусламж үзүүлдэг байсан цаг. Харин хувийн өмчтөн гэвэл үзэн яддаг сэтгэлгээ ноёрхсон үе байлаа. Гэтэл сонгохоор шийдсэн нийгэмлэг нь "хувийн өмчтөнгийн нийгэмлэг" байсан хэрэг.
Тэгэхээр "хувийн өмч, хувийн үйлдвэр, хувийн эмнэлэг, хувийн сургуулийн" гэхчилэн тогтолцоонд ороход "усанд сэлж чаддаггүй хүнийг усанд шидсэнтэй адил" үйлдэл хүлээж байв. Түүнийг арга буюу ойлгохдоо "шилжилтийн үе" гэж нэрлээд "хувьцаа" олгох гэдэг аргаар иргэдээ хөрөнгөжүүлэхээр зүтгэсэн юм.
Гэтэл хувийн өмч эзэгнэх дадлагагүй хүмүүс нь хувьцаагаар олж авсан өмчөөсөө мөнгө саах чадваргүй байснаас олон үйлдвэр, аж ахуйн газар "хаалгаа барьсан" билээ. Хувьцааны үр дүнг 20 жил өнгөрөхөд бас л сайн мэдрээгүй явсаар байна.
Арай овсгоотой нь хөдөлмөрөөр биш "хувилгадасаар" хөрөнгөжих зам сонгосон юм. Тэр нь "буяндаа бузар оруулах" зам байлаа. Иргэн бүрд "хувьцаа" олгосон гэх боловч хог түүж амьдардаг ядуучууд, хоногийн хоолоо арай хийн олдог дундчууд манай хүн амын олонхи болсон хэвээрээ байна,
Зах зээлийн харилцааны тогтолцоонд орж аж төрөхөд манайхны сул тал нь илүү жин дарсаар хорь гаруй жил өнгөрлөө.
Монголчууд бидний сул тал:
1. Төрийн удирдах хүчний улс төрийн эр зориг, алсын биш ойрын хараа
2. Эдийн засагчдын хуурамч, хийсвэр итгэл нь зах зээлийн тогтолцоо өөрөө зохицуулна гэдэг баримтлал
3. Чинээлэг хүмүүсийн давхрага буй болговоос тэр нь нийгмийг тэтгэнэ гэдэг гэнэн итгэл
4. Ард түмэн нь удирдлагын ам харж, тэдэнд итгэж, гэнэн томоотойгоор тэсвэрлэн суух идвэхгүй хандлага
5. Өмчгүй, өмч эзэгнэх дадлагагуй, өмчөө аривжуулах овсгоот сэтгэлгээгүй, хувийн өмчтөн гэгдэхээс айдаг байсны гай дайрсан
6. Итгэл үнэмшил нь дампуурснаас баримжаа алдсан
7. Хятадын хүн амын 80 хувь нь хөдөө ажиллаж тэрбум хагас хүнээ тэжээж байхад монголын хүн амын 80 хувь нь хот сууринд сууж тариа, ногоо тарихгүй, мал өсгөхгүй атлаа гурил, мах шаарддаг.
8. Гадаадаас лууван, вандуй, өргөст хэмх, лооль гэхчилэн үжрэшмэл, шимгүй хөрсөнд элдэв бордоогоор тэтгэж ургуулсан хүнсний ногоо зөөж иддэгээс сульдаа, шүүдэст эмгэгшил, цус багадалтад өртсөөр байдаг.
9. Цөс хөөх, цус шингэлэх, нян нядлах, дотор цэвэрлэх үйлчилгээтэй олон тооны хүнсний зүйл монгол хүний хоолны таваг дээр алга, харин бадгана, хүйтэн хийг аривжуулах бурам, чихэр бол энд тэндээс зөөж таваг дээрээ овоолсоор байна.
10. Уул нь монгол ээзгий цөс хөөдөг, тараг ходоодны хүчлийг өндөржүүлж, ходоодон дахь ялзрах урвалыг багасган, хордлогоос хамгаалдаг, сүү, шар тос биеийн шимийг тэтгэж, ааруул бяслаг кальци, фосфор, уургийн дутагдлыг нөхөж, айраг ядаргааг гаргадаг уламжлалт хүнс тэжээл атал үүнийгээ үл тоомсорлон кока кола, элдэв янзын шүүснүүд гаднаас зөөж хүүхдүүдээ "гүзээлүүлсээр" байгаа маань бидний бэлэнчлэх сул тал юм.
11. Дахин сэргээгдэх баялгийн зургаан эх булагтай атлаа түүнийгээ ашиглах бодлого хэрэгжүүлэхийн оронд мөдхөн ёроол нь харагдаж барагдахад экологийн гүнзгий хохирол, байгал орчны эдгэхүйеэ бэрх шарх сорви, хөрс, агаарын хор үлдээх чиглэлээр гадаадынханд найр тавин бөхөлзөж "үлдэгдэл", "өвдөл цөвдөл" горьддог улс төрчидтэй
12. Улс төрчдийн хяналтгүйгээс дур зоргоор аашлах нөхцөл үүсч, боловсон хүчний сонголт хямарч (шилдэг туршлагатайчууд нь хуучинсаг гэж ад үзэгдсэнээс) бялдууч, зальхай, ашиг завшаанч этгээдүүд эрх тушаалд дэвшсэн
13. Дагалдангийн сэтгэлгээ, бэлэнчлэх хандлага, дуурайн хуулбарлах зан авир, хөнгөмсөг чанар, хээгүй байдал, итгэмтгий хүүхдэрхэг цайлган зан авир
14. Өөрийгөө голж, гадныхны өмнө бөхөлзөх, гадаадын болгон сайн гэж хуурагдах хүүхдэрхэг сэтгэлгээнд автагдах нь зэрэг гол сул тал юм
Давуу тал гэвэл:
1. Юмыг хурдан тусгадаг, сониуч зантай, авьяастай
2. Олон сая малтай, тэр нь таван төрөл (Говь хангай, хээрт зохицсон) бөгөөд сүү, мах, ноос, арьс шир бусад бүтээгдэхүүн тэр ч байтугай аргал, хоргол нь түлш түлээнд хэрэг болдог баялагтай.
3. Нэг хүнд ноогдох малын тоо, газар нутгийн хэмжээгээр дэлхийд дээгүүр орох баялагтай, тэр нь нөхөн үржих, төлжих ч чадвартай
4. Цэвэр ариун байгаль орчинтой, урвалзүйн болон бусад гаднын нөлөөнд ороогүй онгон хөрс шороо, ус ургамалтай
5. Хойт болон урд (номхон) их, далайнуудад усаа нэмэрлэдэг голуудтай, хулан, хавтгай, тахьнаас эхлээд мазаалай (говийн баавгай) бөхөн, цаа буга, хүдэр, минж болон шар чөцүүлээс эхлэн олон төрлийн ховор хулгана, хар өвс, эрэвгэр дэрэвгэрээс эхлээд гоёо, хармаг, чирийн мод гэхчилэн ховор ургамал,
жимс ногоотой, хүн хорхой, олгой хорхой гэхчилэн хаана ч байхгүй хорхой шавьжтай гэхчилэн тоочиж баршгүй ховор юмс агуулсан гурван бүсийн орны хувьд "Дэлхийн зоопарк" болгож "ахимсын" хор үл хүргэх зэргэмжинд дархлагдах боломжтой орон
6. Төрөл бүрийн үлэг гүрвэл болон бусад ховор эртний амьтдын яс, өндгийг хөрсөн дороо агуулсан, буган чулуу, хүн чулуу, хадны зураг бичиг зэрэг түүх соёлын ховор өв дурсгалыг хөрсөн дээрээ хадгалсаар буй орны хувьд ч гэсэн Монгол улс өөр бусдаас онцгой билээ.
Ийм нөхцөлд зах зээлийн тогтолцоо өрнөдийн буюу Европ, Америкийн жороор биш монголчуудын бариа засал, эм тангаар (байгалийн гаралтай) илааршуулж, хэрэглэгчийн тоо маш цөөнийг харгалзан, гадаадын хэрэглэгчдийн хэрэгцээнд тохирсон мал аж ахуйн гаралтай (ноос, ноолуур, арьс шир гэхчилэн) бүтээгдэхүүнийг дэлхийн стандартаар боловсруулж, түүгээрээ "дангаарших" бодлого чухал байна.
Вискийгээр Голланд, Коньякаар Франц гэхчлэн дангаарших болоод байгаа юм чинь "ноолуураар" Монгол даяаршлын ертөнцөд "дангааршиж" бүрэн боломжтой.
Эдийн засгийн сонирхол нь оюуны сонирхлыг хавчиж, "биеийн бөхийг" биш "Ухааны бөхийг" барилдуулж" "уяаны морийг" биш "оюуны морийг" уралдуулж сурваас энэ бүхнийг чадмой.
Сул талаа сулруулж, давуу талаа давруулж, нэг санаа нэгдмэл хүчээр ажиллавал монголчууд бид төв Азийн зулай дээр бамбар асааж чадмой. Ингэхийг өөр хэн ч биш бид өөрснөө шийдвэрлэх ёстой.
Монгол Улсын Хөдөлмөрийн Баатар, Ардын Уран Зохиолч, сэтгүүлч, доктор, профессор Л.Түдэв
Сэтгэгдэл0
Баярлалаа. Үүнийг л сайн ойлгож бодууштай, хэрэгжүүлэхэд дээр дооргүй анхаараасай.
Женко Баттулга гэж бөх баина, дээд боловсролгүй, боловсрол надад хэрэггүи гэсэн хүншүүдээ. Нэр, Гар, Сэтгэлээр баахан луйвар хийж хөрөнгөжсөн. Энэ хүн АН-аас 2 дахиа сайд боллоо, АН-ын ганц лидэр гээ биздээ. 1 жилийн дараа ерөнхий сайдаар яригдаж баигаа. АН-ын энэ нүдний булаанууд ерөнхий саидаар тавина шүү. Дараа нь Ерөнхийлөгчид зүтгүүлэнэ.
Женко Баттулга гэж бөх баина, дээд боловсролгүй, боловсрол надад хэрэггүи гэсэн хүншүүдээ. Нэр, Гар, Сэтгэлээр баахан луйвар хийж хөрөнгөжсөн. Энэ хүн АН-аас 2 дахиа сайд боллоо, АН-ын ганц лидэр гээ биздээ. 1 жилийн дараа ерөнхий сайдаар яригдаж баигаа. АН-ын энэ нүдний булаанууд ерөнхий саидаар тавина шүү. Дараа нь Ерөнхийлөгчид зүтгүүлэнэ.
mongoliin ungursun niigmiin bolood odoogiin tuuhiig nevt harj baigaa manai ahmad ueiin mundag seheeten hundee.
Èéì õ¿ì¿¿ñèéíõýý ¿ãèéã ñîíñîõ ìàø çºâ. Òýõã¿é áîë áèä ÷èíü õààøàà ÿâàõàà ìýäýõã¿é òýíýã áîëíî.
Америк маягаар засаглана гэж аймаг бүрт эрх мэдлийг хувааж монгол орныг маань хагалан бутаргаж хүч чадлыг нь сулруулах улмаар сөнөөх бодлоготон Эрлэгдоржоос салцгаая. Цөмийн зэвсэггүй бүс нутаг гэж хошгируулаад цөмийн түүхий эд болох ураныг бэлтгэн нийлүүлэгч нь болохоор ханцуй шамлан зүтгэж байгааг ам ажил нь алд дэлэм зөрнө гэхээс өөр юу гэхэв.
Ebe gees saliya
Гэхдээ бас ингэж хамаагүй туйлширч болохгүйэ. Манайх өрөө 98 хувиар хөнгөрүүлж төлж байх тэр үед Орос улс зүүн өмнөд ази, африк, латин америкийн 20-иод орны өрийг хэдэн хувиар төлж барагдуулах дээр тохиролцоонд хүрч янз бүрийн хэлбрээр төлүүлсэн. Эдгээр орнууд ихэвчилэн 80, 83 гэхчилэн хувиар хөнгөлөлт авч төлсөн байхад монгол шиг 98 хувийн хөнгөлөлт авсан орон байгаагүй юм. Хэдхэн жилийн өмнөх явдлыг ингэж гуйвуулж ярьвал эрт урдны түүх яаж үнэн зөвөөрөө яригдах юм? Эдгээр орнууд хөнгөлөлт авсан жагсаалтаараа сонин хэвлэл дээр гарч байсан. Монгол тасархай 1-рт нь жагсаж байсан. Орос шиг л бай л да гэдэг хэлц эндээс гарч байсаныг мартах болоогүй байна. 98 хувиас болж монголд хэт хөнгөлөлт үзүүлсэн байна гэдэг асуудал босч оросын дотоод болон гадаадад бөөн асуудал үүссэн. Монголтой хэлэлцээ хийсэн Касьяанов тэргүүтэй улсууд ч үүнээсээ болж хусуулсан. Энэ хүний улс төрийн карьер үндсэндээ үүгээр дууссан. Бусад орнууд ч барьцах маягийн хэл ам гаргасан байдаг. Тэгэхэд оросууд харин эр хүн шиг хариулсан байдаг юм шү. Монгол бол бидэнтэй 2 дайнд хамт тулалдсан. Дэлхийн 2-р дайнд чадлын хирээр тусалсан, халх голд японыг хамтдаа ялсан. Олон талын өвөрмөц харилцаатай. Өрийн асуудал бол ганц э/з-ийн асуудал биш улс төр- эдийн засгийн асуудал гэсэн чиглэлээр хариулт өгч амыг нь тагласан байдаг юмаа. Үлдсэн бүрэн чөлөөлсөн гээд байгаа улсууд нь өр төлөх найдваргүй улсууд байсан юм. Түдэв гуай ухаантай хүн ул суурь сайтай юм ярих хэрэгтэй. Том уурхайнууд нээгдэхээс өмнө энэ өрийг шийдсэн нь маш чухал асуудал болсон юм. Тэгээгүй бол өдийд өрөндөө барьцаалагдаад Таван толгой энэ тэрд орост давуу тал өгөх энэ тэр бол юу ч биш байх байсан юм. Би Энхбаярыг дэмжигч биш. Нэг гараараа сайн юм хийчихээд нөгөө гараараа хууль бус юм хийж болохгүй. Их өрийг дарсан нь Энхбаярыг шоронгоос суллах үндэслэл болж болохгүй. Энэ бол хоёр тусдаа асуудал. Харин нэг муухай юмыг дурдах хэрэгтэй. Өр дарсанаас болж тэр үеийн МАХН-ын нэр хүнд их өссөн нь АН-д хүнд цохилт болсон. Тиймээс АН-ын зүгээс "их өрийг булхай луйвраар дарсан, Энхбаяр Касьянов 2 ханцуй дотроо өөр юм тохирсон ч гэх юмуу эсвэл, угаасаа 100 хувь хөнгөлөх байсан юм гэхчилэн яриа хөөрөө элдэв нийтлэл гаргаж байсанаас тэртэй тэргүй сэтгэл дундуур байсан оросын тал өрийг эргэж сөхөх хэмжээнд ч хүрч болзошгүй нөхцөл үүсгэхийг оролдож байсан нь дэндүү хүний мөсгүй явдал болж байсан юм шүү АН-ынхаан. Та нарт намын чинь эрх ашиг чухал болохоос монголын эрх ашиг 2-рт байдгыг энэ явдал маш тодорхой харуулсан. Энхсайхан, Баабар нар иймэрхүү юм маш их бичиж байсан нь түүхийн шарласан хуудсанд өдий төдийгөөрөө байна.
Оросын их өрийг тэглэхэд манай тусгай албаны ажилчид дипломчдын гавьяа юм Энхбаярт зүгээр аз таарсан Харин баатруудын гавьяаг Энхбаяр дээрэмдээд төлөх ёстой үлдэгдэл мөнгийг нь хусаад идчихсэн бодит үнэн юм Үүнийг нь сөрөг намынхан улс төрдөө ашиглах нь ойлгомжтой шүү дээ
Гэхдээ энэ доор бичсэн сэтгэгдэл дээр маш зөв бичсэн байна. Үүнийг Түдэв гуай хүлээн зөвшөөрч байгаа бол Түдэв гуай сэтгэгдлээ бичээрэй. Мөн манайхан нэг дутагдал нь юмнаас ишлэл аваад түүнийгээ дурдаад явбал баримтай шүү дээ
Дээх хүнтэй санал нэг байна. Бид ер нь хичнээн цамнаад цамнаад хоёр хөршийн хажууд юу юм бэ? Ялаа батгана л биздээ. Улс орон байтугай айл улсууд хүртэл эвсэг найртай амьдрахыг урьтал болгодог биздээ. Гэтэл овлигогүй зарим хүн-хогонцруудын бичиж, ярьж байгаа юм нь даанч авах юмгүй, мэдлэг, боловсрол нооль заасан юм байх юм. Хоёр хөрш үнэхээр том учраас бидний үе үе мангартхыг тоохгүй байгааг ухаантай хэн ч гсэн харж байгаа буйзаа.
202 21 105 ta ynexeer zub uxaantai bair suurinaas gargalgaa gargajee,ingej bichij tailbarlax xyn daanch xobor bolson doo...nam dagaj daldaganasan zolbinguud yu ch gej tyyxiig guibuulj medex tsag irsen dee...
хэдий МАН -гийн н кадр ч гэлээ түүхийг яг түүхээр нь бичсэнд маш олзуурхууштай одоогийн МАН шал өөр шуналтангуудын үүр болсоон эрхэмсэг доктор авхай минь
ТӨГСГӨЛИЙГ МАШ МУНДАГ ХИЙЖ БАЯРЛАЛАА МАН Д ИЙМ МУНДАГ ӨӨРИЙГӨӨ ЯЛСАНД ОДООНЫ МАН ГИШҮҮД МУУР ДЭВШҮҮЛСЭН Ч ДАГААД УГТААД ГҮЙДЭГ ӨӨРИЙН ГЭХ ТОЛГОЙГҮЙ МАН ЮУ ГЭНЭВ ЗӨЬ ГЭЭД ЗҮТГЭДЭГ ХҮН ЗОНБИ БОЛСОН НЬ АЛТАН ҮНЭН ,,,,,,,,,,,,,,
Өвгөн доктор Элбэгээг дэмжиж байгаа бололтой юм аа, зүйтэй. аргагүй л шинэ цагийг мэдэрч байна шүү, сэхээтэн хүн тийм л байдаг
маш сайн бичсэн бна. цагтаа Цэдэнбалын тойрон хүрээлэгч бсан хүн Орсын эсрэг ингэж бичнэ гэдэг эрхгүй хүндэлмээр санагдлаа. нэгдэл гэдг чинь ерөөсөө Орсыг махаар хангахын тулд байгуулагдсан юм шүү дэ. Агуу орсын их гүрний бодлого.
Түдэв гуай уг нь овоо л гэгээрсэн хүндээ. Бид ер нь нөгөө 13-р зууны алтан үе, алтан ургийнхныхаа өвийг гаргаж ирэхгүй бол болохгүй болоод байна шүү дээ. Тэр дээр үед төрийн зүтгэлтэнд тавьж байсан шалгуурыг өнөөгийн төрийн зүтгэлтнүүд хангахгүй байна гэж бодооч. Тэгвэл тэд нар нь хэн бэ??? Алтан ургийнхан хаа байна. Тэд зүгээр л гудманд алхалж явна. Тэд удахгүй байраа эзлэнэ гэж найдаж байна. Тэгэхгүй бол энэ улсын тусгаар гэдэг лөөлөө буюу ёс төдий хүүхэлдэй болох нь гарцаагүй боллоо.
....1980 ond bichsen bol bolomjiin l statya baina. odoo ch ulig bolj dee...
Л.Түдэв гуайг дагалдагчид нь өнөө үеийн топ соён гийгүүлэгч гэх юм билээ. Одоо улс төрд эргэж орж байгаа бололтой. Сонгуулийн сурталчилгааны үеэр хэн нэгэнд тал засдаг, түүх рүүгээ нулимаад байдаг хүнийг соён гэгээрүүлэгч гэхгүйлдээ. Монголчуудыг өөрийгөө таньдаг болгох талаар Сайн, Муу талыг нь энэ мэтээр сайн хэлж өгч байвал улс орондоо тус болноо. Манайхны хувь хүмүүсийн муу талын жинхэнэ мөн чанар нь ичих булчирхайгүй, оросоор совесть гэдэг, англиар conscienсe гэгч юм огт байхгүй, хүн чанар байхгүй, учрыг нь олоогүй байж сармагчин шиг дууриадаг, ноён хуруугүй савсагнуур занд нь байдгийг хэлэх хэрэгтэй.
Түдэв, Очирбат хоёр ерөнхийлөгчид өрсөлдөхөд Элбэгдорж Түдэвийг дэмжиж байсныг сайн санаж байна.
Tudev guai arai l goomoi bichjee Ih ur teglesen asuudal bol yaah argagui tsagaa olson az bailaa. Elbegdorj ene ORNIIH 22 jijig uls bolgoh bodlogo barij bna Ter dalimd ni kazahuudiig tusgaarlah bodlogotoi baih Bid um l bol urd hurshhuu harddag Ter ch utgaar urd zugiin hun gej harddag Harin elbgee bol kazah um uu shinjaanii suurin tagnuul bish uu
Tudev guai shig bai l daa. Odoogiin MAH neg l; bishee. Uul ni bol Tudev guaig l devshuulsen bol shuud garah baisan. MAH garuudad tiim uhaan daan ch ditaj Elbegdorjid AZ tohiov
hedhen asuudliig shiidehed Mongol uls bosloo daanch uragshgui noyond uhaangui albaduutai uls bolchood bdag.
ediin zasagchid mini uy bodoj yavna daa. mongol ylsaa gadaadiin orond oruulaad bas gazar nutgaa syitgej hedehn huniig bayajuulaad bas niit humuusee yaduuruulaad baigaag unen zovoor ni meregjil negtei humuusiinhee medleg bas eh oron ard tumnee gesen setgeleer tootsoo sudalgaand syyrilsan odoogiin unen bodit aldaag ni ezentei ni helchih medlegtei ediin zasagchid alga uu. ene yls torchdod ta nariin meregjliin tuslamj yaraltai heregtei baina shuu dee. yragshgyi shunaltai butelgyi geree heleltseenees bolood yls ornii buren erh aldagadahad hyreed bina shuu dee.
MINII TITEM UG SHIG HOOSON BISH BAIGAAA NI SAISHAALTAI
АН МАН хоёр монголд дүр эсгэсэн ардчлалыг нэвтэрүүлж дарангуйлалаас ч аюултай эх ороноо худалдах, ард түмний өгсөн татвар, өмчийг хувааж цохих ажлыг тун ч эрчимтэй хийсэн. АН МАН-ын толгойд гарсан луйварчид шүүх засаглалаар өөрсдийн луйварчдаа хамгаалуулахаар ерөнхийлөгчид ээбээ, батэрдэнийг үхэн хатан зүтгүүлж байна. монголчууд ирээдүйдээ санаа тавьдаг бол гуравдагч намаас дэвшигчид шүүх засаглалыг атгуулж тэр ерөнхийлөгч нь их хуралд итгэл үзүүлэх эсэх талаар санал асуулга явуулахад их хуралд итгэх хүн ховор гарах байх. дараа нь сонгууль явуулж АН МАН-ын их хуралд сууж өөрсдийгөө мөнхлөж дархалсан луйварчдаас салж төр цэвэрших байх.ардчилсан гэж гайхуулсан жилүүдэд аборт гэдэг нэрээр 37 оноос 2-3 дахин олон ирээдүйн иргэдийг маань алж устгаж дарангуйлалын үеээс илүү хэлмэгдүүлэлт хийснийг бүү март мартвал сөнөнө