sonin.mn
Сэтгэгдэл (31)

Энэ талаар бодох, бичих хэрэггүй ч байж болох... Ямар ч болов цөөн зүйл өгүүлье. Түүхэнд үлдсэн баримтуудаас үзэхүл дурдсан хийрхэлд зарим еврей хүн, зарим арий хүн, зарим англо-сакс хүн, зарим америк хүн автаж, идэвхтэй субъект нь болж байжээ. Тэд ихэвчлэн мөнхүү угсаатнуудын элит давхрааны төлөөлөгчид, улстөрчид байв. Тэд өөрсдөө иймэрдүү хийрхэлд автаад, уг үзэл санаагаа хүчлэн сурталчилж, хүмүүсийн тархийг угааж, тэднийг материаллаг хүч болгон ашиглаж дэлхийд жанжлах гэж оролдсоор иржээ. Тэдний үзэл санаа, зорилго, арга барил, үр дагавар нь ихэд төсөөтэй байгаа нь анхаарал татдаг юм. Тэд аман дээрээ нийт хүн төрөлхтөнд сайн сайхныг амлаж шуугиулдаг. Гэхдээ цаанаа хорон санаа, зорилгоо нууцлаад “баг өмсөн, дүр эсгэн” залуусыг төөрөлдүүлж эхэлдэг.


“Хүний эрх, чөлөөт байдал, тэгш эрх" хэмээсэн уриа, лоозон нь ч үндсэндээ далд зорилго, утга, санаа, сөрөг үр дагавраараа адилавтар: Уламжлалт нийгмүүдийг эвдлэх, сандчаах, хаос байдлыг үүдэх, түүхэн тогтсон дэглэм, журмыг үгүйсгэх, хөл толгойгүй болгож байгаад эрхэндээ оруулах, таарч тохирох аргаар бүх баялагт нь эзэн суух, хүн ардын нь дотор элдэв хагарал үүсгэх, олон нам байгуулж талцуулах, ухамсар дорой, гэнэхэн хэсгийг нь элдвээр төөрөлдүүлэх... иймэрдүү л үр дагавар, ул мөр үлдээсээр иржээ. 


“Еврей угсаатан, арийчууд, англо-саксууд, америкчууд бол бурхдаас шилэгдэж тодорсон хүмүүс, бусад угсаатнууд бол бүдүүлэгчүүд, доод заяатнууд, тэд ганцхүү биднээр удирдуулж, бидэнд үйлчилж амьдрах ёстой” гэх үзэл санааг дотроо, цаанаа нууж бусадтай харилцах нь тэдний “үндсэн болоод төсөөтэй шинж, ёс сурхтахуун нь юм.


” Энэ бол ердийн амбийц, жирийн өрсөлдөөн, эрүүл сэтгэлгээ биш. Хийрхэл нь яван гүнзгийрсээр, эс бүтсэний хонзон, өшөө авалт, бүр архаг өвчин болон хүндэрдэг нь түүхээр нотлогджээ. Дээр дурдсан хийрхэл мэтийг тусгасан, сурталчилсан ном, бүтээлүүд ч буй. Жишээ нь “Сионы мэргэдийн протоколууд (24 протокол)” гэх мэт. Хийрхэгчдийн заримын нь түүхэн хувь заяа, угсаа гарваль ч төсөөтэй. Тэд бусдын газар нутгийг булаан эзэлж, уугуул хүн амыг нь дарангуйлж, алж хядаж, өөрсдөө эзэн сууж, бүр эрэмшин танхайрч өрөөл бусадруу ч халдаж, түрэмгийлж эхэлдэг. Тод жишээ нь Америкийн цагаан арьстангууд, өнөөгийн израильчууд юм. Тэд зөвхөн өөрсдийнхөө л ашиг, сонирхлыг дээдэлдэг, бусдыг өрөвдөх сэтгэл тун ч бага. Өнөөдөр гэхэд л Трампын давтан давтан хэлдэг үг нь “Америкийн ашиг, сонирхол л нэгдүгээрт” гэх үг болов. 


1939 онд “Арийчуудын ашиг, сонирхол л нэгдүгээрт” гэж Гитлер тунхаглаж байв. Өнөөдөр гэхэд л “Барууныхны ашиг, сонирхол л нэгдүгээрт” гэж Европын холбоо, Нато тунхаглаж байна. АНУ, Израиль хоёр дуу нэгтэйгээр “Бид л хүчирхэг, бүхнээс дээгүүр” хэмээх болжээ.


Ихэд хардсан улстөр судлаачид “еврейчүүд, арийчууд, англо-саксууд бүхнээс дээгүүр” гэх хийрхэл дахиад дэгдлээ хэмээн дүгнэх болов. Харин хятадууд, энэтхэгчүүд, оросууд ингэж хийрхэхгүй байгаа юм. Дэлхий нийт энэний амьд гэрч нь болоод сууцгааж байна... Барууныхан гэгдэх цогцолбор хүч дотроо хамгийн их “туршлагатай, хорон санаатай”нь англо-саксууд юм. Одоогийн АНУ бол 200 гаруй жилийн өмнөх Английн нэг муж, колони нь шүү дээ. Энэ муж тусгаар улс болоод, эзэн-боолын нийгмээ иргэний дайн хийж байж халаад, Бүгд найрамдах улс болоод, арьс өнгөөр гадуурхах, хүйсээр гадуурхах согогоо орхиод удаагүй байгаа шинэ, залуу төр улс, нялхсын алдаа, өвчинд байсхийгээд л нэрвэгддэг, улстөрийн үнэт уламжлал, туршлагаар маруухан л хүч шүү дээ. Харин англичууд бол бусдыгаа зажлахгүй залгичих хүч гэдгээ бараг л нэг мянга шахам жилийн туршид дахин давтан нотолсоор ирсэн тун ч эвгүй субъект...


Төр улсын хувьд түүх нь 200 гаруйхан жил (АНУ), нөгөө нь 80 ч хүрэхгүй жил (Израиль) хоёр субъект арай “буруугаар сэхэгсдийн алдаа”-нд автаад хэтэрхий сэхүүн ааш, авир гаргаад байгаа юм биш биз? Өөрийн эрхгүй л иймэрдүү бодол төрөх болов. Гэхдээ “урд ургасан чихнээс хойно ургасан эвэр” гэх үг бас бий...


Газын зурвасхан нутаг “эмэгтэйчүүд, хүүхдүүдийн хамгийн том оршуулгын газар” болж байгаад АНУ, Израиль хоёр аль аль нь огтхон ч санаа зовохгүй байгааг дэлхий нийтээрээ харж, гайхаж байна шүү дээ!АНУ, Израиль хоёр дэлхийн бөмбөрцгийн хоёр талд оршдог, хэн хэндээ ил далд гол түшиг, холбоотон болдог, хэн хэнийхээ алдаа, дутагдлыг мэдээгүй мэт өнгөрөөдөг, тэд хамтарч, хавсаадаад юу ч хийж мэдэх, хэнийг ч хохироож, мэдэх чулуун зүрхтэнгүүд. Энэ шинж, байдлыг нь олон улс орон таньж, ойлгоод тэдэнтэй жийрхэнгүй харьцах, болгоомжлох болжээ. Тэд хавь орчиндоо ихэрхүү, дээрэнгүй, даргархаж ханддаг. Энэ хоёр улс өөрсдийгөө ардчилсан орон гэх авч албан ёсны төр, засаг нь яг хэрэг дээрээ бол чинээлэг, элит давхрааныхны хүсэл, сонирхлыг илэрхийлдэг гүнийн төр, засагдаа л захирагдмал байдаг. Бүр хоёуланг нь хамтатган гартаа атгаж байдаг нуугдмал хүч ч байх магадлал нэн өндөр.


Банк-санхүү, зэвсгийн аж үйлдвэр, хэвлэл-мэдээлэл, цэрэг-тагнуулын олигархи бүлэглэл л энэ хоёр оронд эцсийн шийдвэр гаргадаг гэх хардалт ортой ч байж мэднэ. Европ болон Азид болж өнгөрсөн дайнуудын ихэнхийн нь далд, нууц эзэд, өдөөгчид нь АНУ, Английн элит давхрааны хийрхэгчид байсан гэх хардлага ч мөн ортой.


Энх тайвнаар, эрх тэгш харилцан зэрэгцэн орших гэсэн хүн төрөлхтний өнийн хүсэл зуун зуунд л элдвээр зөрчигдөж иржээ. НҮБ буй болоод ч мөнхүү хүсэл, тэмүүлэл зөрчигдсөөр, хөсөр хаягдсаар байна. Аливаа зөрчлийг дэвэргэдэг, гал дээр тос нэмдэг, дайнаас ашиг олдог, дайнаар хүслээ хангадаг тэр хүч, хүмүүс өнөөдөр хаана байна, тэд хэн бэ? Арай өнөө хийрхэгчдийн үлдэгдэл, залгамж үе нь биш биз? “Хийрхэл, оролдлого, ялагдал, өш хонзон; дахиад л хийрхэл, оролдлого, ялагдал, өш хонзон” гэх үзэгдэл давтан сэргэж ч байж болох шүү дээ! Барууныхан болон Оросын хооронд хэдэн ч удаа дайн дэгдэв дээ? Энэний шалтгаан, үндэс нь улиран үлдсээр л байжээ гэсэн үг. Мөнхүү шалтгаан, үндэс хэзээ, хэрхэн алга болох юм бэ? Энэчлэн бодох тооцох юм тун их байна.


Энэ бүхэн монголчууд бидэнд огт хамаагүй биш шүү! Олуулаа нийлж, нэгдэж чадсандаа омойтоод (Европын холбоо, НАТО) дайныг шатлан өргөтгөсөөр дэлхийн дайнд хүргэх, цөмийн зэвсэг хэрэглэх, Оросод цохилт өгөх гэсээр цөмийн сүйрэл авч ирэх болчимгүйтэл ч хаяанд ирчихлээ.


Өмнө дурдсан хийрхэл ба энэ дайн хоёр холбоотой ч юм шиг санагдах болов... Урд өмнөх олон дайны мөрөөр, олон ялагдлын өш хонзонгоор, энэ удаад олуулаа нэгдэж, хүчээ зангидаж чадсан, мөн АНУ-аас хамгийн их хөнөөх чадалтай зэвсэг худалдан авах боломжтойг тооцож, Трампын шуналд нь түшиглэж Барууныхан гэгдэх орнуудын гэнэхэн, харалган улстөрчид боломжгүй нь тодорхой ялалтанд итгээд юу ч хийж мэдэхээр байна. Украинаар гар, хөлөө хийж Оросын аюулгүй байдалд заналхийлэл учруулах, Оросыг задлах, бутлах оролдлого нь Европын холбооны улсуудын эдийн засгийг доройтуулж, дотоодод нь олон зөрчил тарьлаа. Энэ хүнд байдлаасаа тэд гарахад ч хэцүү болчихлоо.

 


Судлаач, профессор Д.Чулуунжав