Улаанбаатар /МОНЦАМЭ/. Ази тивийн оюутны сагсан бөмбөгийн 3х3 төрлийн оюутны аварга шалгаруулах тэмцээн Тайваны Кинмень хотод тавдугаар сарын 9-нд эхэлсэн бөгөөд манай эрэгтэй, эмэгтэй баг нэг хожил, нэг хожигдолтой байна.
Энэхүү 5 дахь удаагийн тэмцээнд БНХАУ, БНСУ, Иран, Хонконг, Макао, Малайз, Филиппин, Индонез, Тайванийн багууд өрсөлдөж байна. Эрэгтэйчүүдийн “А” хэсэгт БНСУ, Хонконг, Малайз, Тайвань, Монголын багууд багтсан бөгөөд манай эрчүүд Малайзыг хожиж /21:18/, Тайваньд хожигдсон /17:16/. Өнөөдөр БНСУ, Хонконгийн багтай тоглоно.
Харин манай эмэгтэй баг Иран, Хонконг, Тайвань, БНХАУ-ын багтай нэг хэсэгт багтсан. Тэд Хонконгийн багийг хожиж /14:13/, Ираны багт хожигдоод /19:12/ байна. Өнөөдөр Тайвань, БНХАУ-ын багтай шийдвэрлэх тоглолтууд хийнэ. Азийн оюутны аварга шалгаруулах тэмцээнд Р.Гантулга дасгалжуулагчтай МУИС-ийн сагсан бөмбөгийн эмэгтэй шигшээ багийн тамирчид оролцож байгаа юм.
Монголын эрэгтэй баг Ази тивийн оюутны АШТ-ээс алт, мөнгө, хүрэл медаль хүртэж байсан юм. Манай эрэгтэй багийг А.Тулга дасгалжуулж байна. Тус тэмцээний медалийн төлөөх тоглолтууд бямба гарагт буюу тавдугаар сарын 11-нд болно.
Д.Өлзийсайхан
Эх сурвалж: Монцамэ агентлаг
Сэтгэгдэл0
Zaluuchuuddaa amjilt husie.
Манай эрэгтэйчүүд уржнан билүү нодлин билүү ёстой баллаж өгсөн тоглолтуудыг харж хөөрч байж билээ. Одоо тэгсэн чинь бас охидууд маань дутахгүй үзэлцэж байгаа юм байна. Монголчууд багийн тоглолтод гавьдаггүй гэсэн хуучны ойлголт, байдал одоо өөрчлөгдөж байгаа юм билээ. Жишээ нь, манай хөлбөмбөгчдийн ур чадвар мэдээж хэрэг Европын болон Латин америкийн топ улсуудын хэмжээнд биш ч бусад улсуудаас хол дутахааргүй илт сайжирсан байдаг. Саяхан л гэхэд Хойд Солонгост ганцхан бөмбөгөөр хожидсон гэдэг бол итгэмээргүй амжилт байлаа.