Бямба - 04 сарын 20,
2024
ПАРИС. /France24/. Францын Засгийн газрын тэтгэврийн шинэчлэлийг эсэргүүцсэн жагсагчдын шинэ давлагаа мягмар гарагт үргэлжилж, эрх баригчдын мэдээлснээр улс даяар 1.27 сая хүн жагсаалд оролцжээ.
Тус улсын цагдаагийн газраас мэдээлснээр, зөвхөн Парис хотод гэхэд 87 000 хүн жагсаалд оролцсон байна. Энэ удаад жагсагчдын тоо хоёр долоо хоногийн өмнөх жагсаалынхаас давжээ. Францын хотуудад хоёр долоо хоногийн өмнө болсон жагсаалд улс даяар нийт 1.2 сая хүн оролцсон байна.
Үйлдвэрчний эвлэлүүдийн удирдлагууд тэмцлээ үүгээр зогсоохгүй гэдгээ мэдэгдэж, хоёрдугаар сарын 7, 11-нд дахин эсэргүүцлийн жагсаал зохион байгуулахаар төлөвлөжээ. Тэтгэврийн шинэчлэл нь Францын Ерөнхийлөгч Эммануэль Макроны сонгуулийн өмнөх гол амлалтуудын нэг юм. Энэ шинэчлэлийн үндсэн санааг Францын Ерөнхий сайд Элизабет Борн тайлбарлахдаа, тэтгэврийн насыг 62-оос 64 болгож нэмэгдүүлнэ, мөн тэтгэврийн санд шимтгэл төлөх хамгийн доод хугацааг 43 жил болгож уртасгана гэжээ. Үүнээс гадна, тэтгэврийн доод хэмжээг сарын 1 200 евро болгож нэмэгдүүлнэ гэж Засгийн газар амлаж байгаа аж.
Францын тэтгэврийн сангийн төсвийн алдагдал 2030 он гэхэд 20 тэр бум еврод хүрнэ гэж таамаглаж байгаа тул энэ алдагдлаас зайлсхийх шаардлагатай гэж Э.Борн мэдэгджээ. Харин үйлдвэрчний эвлэлүүд, хэт барууныг баримтлагч “Үндэсний нэгдэл” нам, зүүний чиг баримжаатай улс төрчид засгийн газрын шинэчлэлийн төлөвлөгөөг зөвтгөх аргагүй хэт хатуу гэж үзэж байгаа аж.
Энэ шинэчлэл нь Францад ажил хөдөлмөр эрхэлж буй бүх хүнд, тэр дундаа ажлын гараагаа эрт эхлүүлсэн хүмүүст хүнд цохилт болно гэж Үйлдвэрчний эвлэлийн удирдлагууд мэдэгдэж байгаа юм. Учир нь ажлын гараагаа эрт эхлүүлсэн хүмүүс Франц улсын хүн амын дундаж наслалтаас богино насалдаг аж. Хэрэв тэтгэврийн шинэчлэл нь парламентад олонхын дэмжлэгийг авч чадахгүй бол Ерөнхий сайд Үндсэн хуулийн 49.3 дугаар заалтыг ашиглан санал хураалт явуулахгүйгээр уг хуулийг баталж болдог байна. Энэ тохиолдолд Засгийн газарт итгэл хүлээлгэх эсэх талаар санал хураалт явуулахгүй байна.
Д.Одон
Эх сурвалж: "Монцамэ" агентлаг
Сэтгэгдэл0
Тэнэг европчууд америкийн хуурамч ардчилал болон европын холбоо зэргийг дагаж далдганааснаар улам хохирч байна. Европчуудад хоёр сонголт байна. Эх орон газар нутгаасаа ардчилал европын холбоо хоёрыг хөөн зайлуулж, эх орон газар нутаг тусгаар тогтнолоо авч үлдэх. Эсвэл ардчилал европын хоёроо дагаж далдганаад эдийн засгийн хямрал үнийн өсөлт дүрвэгсдэд газар нутаг эх орноо алдах хоёр сонголт байна.
Энэ бол нэг их шийдэж ядаад байх асуудал биш шүү дээ.
tenegteed bai malaa. medehgui baij dandaa burah yumaa. odoo fransd ajil hiij bgaa tsoorch hvn am ni hogshirood tetegver abch bgaa ih bolood l ter za. hvvhed mbaga torj hvmvvs ni urt naslaad l 80-90 hvrch ter boltoloo tetgever abaad l. getel tetegveriin san hoosorch boon or bolood bgaa da. evropiin bvh oronii tetegveriin sanguud ortoi dampuursan geed bna. gantshan hii olborloj baijson norvega uls tetegveriin san aldagdalgui yum bna.. hudalaa gevel ideree geed zaluugiin youtbue-d oruulij bui hoprongo oruulaltiin bichleguudiig vzeerei de.mundag zaluu shuu bolovsoroltoi geed l..
франц ямар сайхан улс байлаа орос франц хоёр ахан дүүс байсан франц хэл англи хэлээс илүү ямар дэлбэрсэн милый хонгор шиг хэл билээ дюма жорж санд бальзак виктор гюгю амтархан уншаад салахгүй франц испани голлан италийн уран зуруг хөгжмийг сонсоод толгой татахгүй арван наймдугаар зуунд орос орон бүхэлдээ францаар ярьж байв пушкин дубровсийн кирил троекурович охин франц гэрийн багштай УКРАЙН ОРСЫН ХЭРҮҮЛД ФРАНЦ БҮҮ ОРООРОЙ ФРАНЦ ПОЛЬШ БИШЭЭ
Ажилд авахад нас заадаг гэхээр аргагүй