сонин mn
Сэтгэгдэл (24)
УИХ-ын гишүүн, Монгол Улсын сайд, Түгжрэлийг бууруулах үндэсний хорооны дарга Ж.Сүхбаатар Засгийн газрын хуралдаанаас гаргасан шийдвэрийг танилцууллаа. 
 
Энэ үеэрээ "Та гэр хороололд эмийн сан бага байдаг нь түгжрэлийн шалтгаан болж байна гэсэн байна лээ" гэсэн сэтгүүлчийн асуултанд тэрээр:
 
 
"Би түгжрэлтэй тэмцэх нэгдсэн бодлого, зохицуулалтыг хийж байгаа. Сүүлийн үед 3,4 удаа постууд гараад явж байгаа. Түүний араас эсвэл зураг дээр нь өөр тайлбар биччихдэг. Эсвэл үгний араас залгаад нэг өгүүлбэр биччихдэг. Тэр бичлэг дээр түгжрэл үүсэх нөхцөл болж байна гэсэн үг байхгүй.
 
 
Миний цахим хуудас руу ороод харах юм бол Эрүүл мэндийн сайд эрүүл мэндийн салбарын өвөлжилтийн бэлэн байдлыг ярилцах хүрээнд С.Энхболд сайдад асуулт тавихдаа, би түгжрэлийн асуудал хариуцаж байгаа учраас бүх юмтай орооцолдох юм.
 
Тухайлбал Тэнгэр телевизийн "Дата дуран" нэвтрүүлгээр хотын төвийн 272 хүнд нэг эмийн сан ноогдож байхад гэр хорооллын 600 гаруй хүнд нэг эмийн сан ноогдож байна, одоо тэгээд гэхэд "одоо тэгээд" гэдгийг нь салгачихаад, эмийн сан, эмийн хүрэлцээ ямар байгаа юм бэ? гэж түгжрэлтэй холбоогүй асуулт тавиад явсан юм. Заавал намайг элий балай хүн байгаа юм шигээр харагдуулах улстөрийн зорилготой шүү дээ. 3 сарын өмнө УИХ-ын гишүүнээр ажиллаад явж байхад зүгээр л байсан биз дээ. Гэтэл Засгийн газарт орчихсон чинь л хэл ам нь олдохоо болиод, алингаа алдаад явж байна гэдэг бол улстөрийн зорилготой л асуудал шүү дээ. " гэж хариулжээ.
 
 
М.Чой