сонин mn
Сэтгэгдэл (35)
УИХ-ын 2020 оны сонгуулийн дараа гэнэт тодорсон од гэгдэх Обуна буюу Б.Болор-Эрдэнэ Харилцаа холбоо, мэдээллийн технологийн газрын дарга, Цахим хөгжил, харилцаа холбооны дэд сайдаар ажиллаж байгаад өнгөрөгч оны 11 дүгээр сард өөрийн хүсэлтээр ажлаасаа чөлөөлөгдсөн билээ.
Эрхэм хатагтай  Б.Болор-Эрдэнийн олон жил хичээж гадаад сурсан, Оксфордын их сургуулийн тэтгэлэг хоёр удаа авсан,  бүтэн цагийн ажлынхаа хажуугаар Оксфордод сурах тэтгэлэг авахын тулд нэг жилийн турш маш их хөдөлмөрлөсөн гэх мэтээр ярьж, Оксфордоос тэтгэлэг авсан гэж Монголчуудыг хуурч байсан нь саяхан ил болсон.
 
Гэвч ичих, санаа зовохыг үл мэдэх тэрээр Боловсролын зээлийн Сангаас 32 мянган ам.долларын зээлээ баригдмагцаа төлснөө бараг л баатарлаг үйлс бүтээсэн мэт өөрийнхөө сошиал хуудсанд бичсэн билээ.
 
Тэр бүү хэл түүний талаарх хачирхалтай яриа МАН-ын цагаан байшинд дэгджээ. Б.Болор-Эрдэнэ буюу Обуна үй олон хэл аманд орж буйгаа үл хайхран, УИХ-ын 2024 оны сонгуульд нэр дэвшихээр бэлтгэл ажлаа эхэлсэн байна. Тэр бүү хэл МАН-ын өнөөгийн удирдлагыг байгаа цагт 2024 онд УИХ-ын сонгуульд нэр дэвших хүссэн тойргоо буюу тэр бүү хэл өөрөө л хүсэх юм бол намын жагсаалтын эхний 20-т ч багтах эрхээ авч чадах юм гэнэ.  Ямар учиртай бүсгүй МАН-д ийм эрх дархтай болсон нь ихээхэн хачирхалтай юм.
 
Д.Дандархүү