БАРНАУЛ. /TASS/. ОХУ-ын Алтайн хязгаарын захирагч Виктор Томенко БНХАУ-тай харилцан худалдаа хийх ложистикийн шинэ чиглэлийг Азийн авто замын сүлжээгээр /Asian Highways/ Баруун Монголын нутгаар дайруулан бий болгохыг санал болгожээ.
Энэ тухай Төв Азийн хамгийн том эдийн засгийн төвүүдийн нэг болох БНХАУ-ын Шинжаан Уйгурын Өөртөө Засах Орны /ШУӨЗО/ ардын засгийн газрын дарга Эркин Туниязтай лхагва гарагт цахимаар хийсэн хэлэлцээний дараа бүс нутгийн засгийн газрын хэвлэлийн алба мэдээлсэн байна.
Алтайн хязгаарын засгийн газрын санаачилгаар Ташанта-Такешикан хэсгийн АН-4 (Asian Highways-4) чиглэлээр тээврийн компаниудын төлөөлөгчдийн оролцоотой Баруун Монголд экспедиц зохион байгуулсан байна. Экспедицийн үр дүнд замын чанар шаардлага хангасан, шаардлагатай дэд бүтэц бэлэн байгаа нь батлагдсан болохыг Томенко мэдээлжээ.
“Ноён Тунияз танд энэ хэсгийг хурдан нээхэд хамтран дэмжлэг үзүүлэхийг санал болгож байна. Энэ нь Алтайн хязгаар, Шинжааны худалдаа, эдийн засгийн хамтын ажиллагааг ихээхэн эрчимжүүлж, манай бүс нутгуудын худалдааны хэмжээг нэмэгдүүлэхэд хувь нэмэр оруулна гэж үзэж байна" гэж Томенко Хятадын талын төлөөлөгчид хандан хэлсэн байна.
Одоо Алтайн хязгаар нь Хятадтай экспорт-импортын үйл ажиллагаагаа Транссибирийн төмөр замаар Өвөр Байгалын хязгаарын нутгаар дамжуулан явуулдаг. Харин ШУӨЗО-д бүтээгдэхүүнээ Монголоор дамжуулан хүргэснээр тээврийн зардал эрс багасах юм. Томенкогийн хэлснээр, Алтайн бизнесийн төлөөлөгчид, тэр дундаа томоохон тээвэрлэгчид Барнаулаас 1.5 мянга орчим км урт ложистикийн шинэ чиглэлийг ашиглахад бэлэн байгаагаа илэрхийлжээ. Алтайн хязгаараас Хятадын зах зээлд нийлүүлдэг гол бараа бүтээгдэхүүн бол хөдөө аж ахуйн бүтээгдэхүүн, кокс, модон материал юм. Харин Хятадаас тус бүс нутаг машин, тоног төхөөрөмж, химийн бүтээгдэхүүн, хөдөө аж ахуйн машин механизм импортолдог байна. Алтайн хязгаар мөн Хятад руу хүнсний бүтээгдэхүүн болон вагон, уурын зуух, дизель хөдөлгүүр, цахилгаан тоног төхөөрөмж зэрэг аж үйлдвэрийн барааны экспортыг нэмэгдүүлэхийг зорьж байгаа аж.
Д.Жаргал
Эх сурвалж: "Монцамэ" агентлаг
Сэтгэгдэл0
баруун аймгийн цахилгааны шугам дагасан кызил улаангом ховд завхан говь алтайн төмөр зам яасан юм болдоо
Авто транзитаас монголд юу ноогдох бол.
Алуурчин путлер бгаа цагт юу ч яриад хэрэггүй бх а
Путин гэж нэрийн ч зөв биччихэж чаддаггүй шизотой юмуу.
Хоёр хөрштэйгээ найрсаг хамтын ажиллагаа хөгжүүлвэл бидэнд ашигтай. Мэдээж бидэнд хаялга байж таарна.
Алтай уул аймгын даргын мереедел медхен Монголоо нийлвэл болж байнааа
Бид мэдээ ч үгүй байхад хоёр хөрш маань манай нутгааи зам тавиад худалдааны эргэлтийн хэмжээгээ нэмнэ гэчихсэн үү?
Сайн ч юм бишдээ
Азийн Түрэг Монгол үндэстнүүдийн дунд тэднийг ад үзэж европ гэж гайхуулдаг Оросын нутаг байдаг нь түүхийн эмгэнэл.
Нэгэнтээ л Зах зээлийн эдийн засгийг хөгжүүлэх болсон юм чинь энэ шийдлээ түргэн хэрэгжүүлэх нь зөв ажил болно доо!
Энэ зам Азийн автозамын сүлжээнд хамрагддаг олон улсын чанартай зам. Цагааннуур-Өлгийн хооронд 30 орчим км зам хараахан дуусаагүй байгаа гэсэн. Монголын байгууллагууд ч энэ замаар урагшаа хойшоо гархаас гадна транзит тээвэрт үйлчилгээ үзүүлж оролго олох боломжтой
Оросоос салсан хойно нь зам тавья одоогоор бидэнд ашиггуй Алтай уул аймагаа авч байгаад болье