Монгол Улс БНХАУ-тай дипломат харилцаа тогтоогоод 74 жил болж байна. Энэ хугацаанд улс төр, нийгэм-эдийн засаг, хүмүүнлэгийн олон салбарт хамтын ажиллагаа амжилттай өрнөж буйн нэг чиглэл нь залуучуудын байгууллага хоорондын хамтын ажиллагаа юм. Энэ хүрээнд Монголын залуучуудын холбоо санаачлан Монгол-Хятадын залуучуудын худалдаа, эдийн засгийн хамтын ажиллагааны нийгэмлэгтэй хамтран 3 дугаар сарын 16-18-ны өдрүүдэд Улаанбаатар хотноо “Монгол - Хятадын бизнес эрхлэгчдийн форум”-ыг зохион байгуулж байна.
Тус форумд БНХАУ-ын хувийн хэвшлийн 200 орчим бизнес эрхлэгчид оролцож, уул уурхай, сэргээгдэх эрчим хүч, банк санхүү, барилга, хөдөө аж ахуй гэсэн таван салбарт үйл ажиллагаа явуулж буй Монголын бизнес эрхлэгчтэй холбоо тогтоон, төслүүдтэй нь танилцаж, хамгийн багадаа 1 сая ам.долларын хөрөнгө оруулалтаа хийнэ.
Форумын талаар Монголын Залуучуудын холбооны ерөнхийлөгч Б.Сэргэлэнбаатар “ Монголын залуучуудын холбоо эдийн засгийг солонгоруулах, ажлын байрыг нэмэгдүүлэх зорилгоор энэхүү арга хэмжээг зохион байгуулж байна. Өнөөдрийн оролцож буй БНХАУ-ын хөрөнгө оруулагчид маань аялах, судалгаа хийх зорилготой биш, зөвхөн хөрөнгө оруулалтаа хийхээр ирсэн. Уг хөрөнгө оруулагчдыг Хятад улсдаа өр зээлгүй гэх мэт тодорхой шалгуураар сонгосон онцлогтой. Хэрвээ хөрөнгө оруулагч тал, хөрөнгө оруулалт горилогч тал харилцан тохирсон бол эхний ээлжинд төслөө танилцуулах, нарийн мэдээллээ өгөх бүрэн боломжтой. Монголын залуучуудын холбооноос энэ форумын үр дүнд багадаа 200 сая долларын хөрөнгө оруулалт хийгдэх болов уу гэсэн хүлээлттэй байна. Хоёр хоногийн өмнө хөрөнгө оруулагчид ирсэн. Надад ирсэн мэдээллээр өмнө ирсэн зарим төлөөлөгчид 100 сая долларын хөрөнгө оруулалт хийгдэх нь тодорхой болсон гэх таатай мэдээлэл хүлээж аваад байна. Хөрөнгө оруулалт хийх гэрээ зурсан байгууллагуудын гэрээний хэрэгжилт, баталгаажих хүртэл манай холбоо тууштай ажиллах болно” гэв.
Энэ өдөр Хууль зүйн сайд Х.Нямбаатар Гадаадын хөрөнгө оруулалтын эрх зүйн орчин, өнөөгийн нөхцөл байдлын талаар илтгэл тавьсан бол Нийслэлийн Засаг дарга бөгөөд Улаанбаатар хотын захирагч Д.Сумьяабазар "Улаанбаатар хотын хөрөнгө оруулалтын бодлого, шийдлийг БНХАУ-ын хөрөнгө оруулагч нарт танилцууллаа. Түүнчлэн Хүнс, хөдөө аж ахуй хөнгөн үйлдвэрийн яамны Дэд сайд М.Ганхөлөг хөдөө аж ахуйн салбарт хэрэгжүүлж буй бодлогын томоохон арга хэмжээ, хөрөнгө оруулалт хийж, хамтран ажиллах боломжтой төслүүдийн талаар танилцууллаа.
Форумын үеэр Монголын 100 гаруй бизнес эрхлэгчид БНХАУ-ын 200 гаруй хөрөнгө оруулагч нартай холбоо тогтоож, төслөө танилцуулан, эхний өдөр 17 компани 258 сая ам.долларын хөрөнгө оруулалт татлаа.
БНХАУ нь Монгол Улсын тэргүүлэгч хөрөнгө оруулагч улс. Өнөөдрийн байдлаар тус улс нь манай улсад 5.4 тэрбум ам.долларын хөрөнгө оруулалт хийсэн байна. 1990 онд 41.2 сая ам.доллар байсан хоёр улсын худалдааны эргэлт 2022 оны гүйцэтгэлээр 11 тэрбум ам.долларт хүрсэн бөгөөд Монгол Улсын Ерөнхийлөгч У. Хүрэлсүх 2022 оны 11 -р сард БНХАУ-д айлчлах үеэрээ хоёр улсын Төрийн тэргүүн нар ойрын хугацаанд Монгол - Хятадын худалдааны эргэлтийг 20 тэрбум ам.долларт хүргэх тал дээр дээд түвшиндээ санал нэгдсэн.
Монгол Улсад БНХАУ-ын 200 бизнес эрхлэгч, хөрөнгө оруулагчдыг урьж байгаа явдал нь сүүлийн 10 жилд буюу 2010 онд БНХАУ-ын Төрийн зөвлөлийн ерөнхий сайд Вэнь Жяабаогийн айлчлалаас хойш зохион байгуулж буй хамгийн том бизнесийн арга хэмжээ юм.
Түүнчлэн Монгол - Хятадын бизнес эрхлэгчдийн форум нь хоёр улсын гадаад худалдааг өргөжүүлэх, Монгол дахь хөрөнгө оруулалтыг нэмэгдүүлэх, бүс нутгийн байгаль орчны чиглэлд хамтын ажиллагааг өргөжүүлэхэд нэн чухал арга хэмжээ юм.
Тус арга хэмжээ нь гурван өдрийн туршид үргэлжилнэ.
Сэтгэгдэл(6)
https://www.youtube.com/watch?v=OOTWbfyfQzc
Энэ холбооных нь удирдах зөвлөлийн гишүүн хүүхэн нь өөрөө ёс зүйгүй, бузар булай байж болох юм уу. Тэр Ану-Үжин гээд Үжин үнэртэй ус хийдэг айлын нөхрүүдтэй явалддаг, засардаггүй заваан хүүхнээ зайлуулаач ээ. Ийм хүнээр залуучуудыг төлөөлүүлмээргүй байна.
БАРУУНЫХАН МОНГОЛД БАЙНГА САНУУЛЖ БАЙГАА ШҮҮ. МОНГОЛ УЛС ХЯТАДААС ЗУУН ХУВЬ ХАРААТ БОЛЖ БАЙНА ГЭЖ. ТА НАР ТИЙМ Л МУНДАГ ЮМ БОЛ ЯГ ИЙМЭРХҮҮ ЮМ БАЙГУУЛААД БАРУУНЫ ХӨРӨНГИЙГ ТАТААЧ МАЛНУУДАА. МОНГОЛЫН БАЯЛАГИЙГ ЦӨЛМӨХ ЦЭВЭРХЭН АРГА ШҮҮ НААДАХ ЧИНЬ. БАРУУНЫ ЮМ ОРУУЛЖ ИРЖ ХЯТАДАД ГАРГАХ ХЭРЭГТЭЙ БАЙМААР ЮМ УГ НЬ.
Өнөөдрийг хүртэл Монгол Улс 200 сая долларыг Оюу Толгойн бүтээн байгуулалтаас орлого болгон авдаг байжээ. Ингээд “Далд уурхай”-н бүтээн байгуулалт дууссанаар тэрхүү 200 сая долларын татаас ч мөн дуусч байгаа юм байна. Манай Данх-ын үлээж байгаагаар бид өнөөдрөөс эхлээд жинхнээсээ мөнгөөр бөөлжих юм гэсэн. Гэтэл тэр нь жинхэнэ үлгэр юм байна. Оюу Толгойгоос ашиг авах ажиллагаа эхлэх нь харин үнэн тэр нь мөн л 200 сая доллар байх аж. Далд уурхай ашиглалтанд орлоо гээд Монголд ирэх ашиг нэмэгдэхгүй. Гэсэн атлаа олборлолт хэмжээ хязгааргүйгэр нэмэгдэж, жилд 500 мянган тонн зэс алт мөнгөө гаргаж зарна. Энэ нь 4 тэрбум доллар болно. Харин монголд үлдэх ашиг нь мөн л 200 сая доллар. Харин Рио Тинтогийн луйварчид 4 тэрбум доллар буюу Монгол мөнгөөр 15 их наяд төгрөг хармаална. МУ-ын бүх хүнд энэ мөнгийг хувааж үзвэл нэг хүнд 4 сая 375 мянган төгрөг ноогдох тийм их хэмжээний мөнгө аж. Гэвч тэр их мөнгө Монголд биш Рио тинтод очиж, харин бидэнд өчүүхэн жижиг шавхруу болох 200 хан сая доллар аж.
Заадаа, юу л бол, юу л хийх бол?!!! Терийн бодлогоор зангидаж, шаардлагатай зуйлд херенге татах болохоос хэн дуртай нь юу дуртайгаа хийх ч аюултайдаа.
Энгээд колончлол лавширлав. Манай эрх баригчид урвагчид шүү дээ