sonin.mn
Сэтгэгдэл (18)

Лувсаннамсрайн Оюун-Эрдэнэ бол 1992 оноос хойших Монголын шинэ үеийн түүхэнд хамгийн удаан хугацаанд Ерөнхий сайдын албыг хашсан улс төрч. Гэвч энэ урт хугацаанд ард түмний нүдэнд харагдахуйц бодит үр дүн, сэтгэлд хүрсэн бүтээн байгуулалт бараг хийгдсэнгүй.


Томилогдсоноосоо л хойш элдэв сүржин уриа, "Таван Ш", "Шинэ Сэргэлтийн бодлого" гэх мэт гоё нэртэй элдэв шоу хийж байсан ч бодит үр дүн огт гараагүй юм. Түүний Засгийн Газрыг удирдсан дөрвөн жилд Монголын эдийн засаг бодитоор 30 орчим хувиар уруудсан нь нүдэн дээр ил.


Нөгөөтэйгүүр Л.Оюун-Эрдэнийн хэлсэн элдэв тэнэг мангуудуу гэмээр үгс Монголчуудыг гайхшруулж ирсэн нь нууц биш. "Миний хоолны хордлого хөл рүүгээ орчихсон байна лээ" гэх түүний эрүүл бус гэмээр яриа одоо ч олон нийтийн дунд онигоо болон яригддаг.


Мөн Ерөнхий Сайд байхдаа хэлсэн: "400 сая жуулчин Монголд авчирна, тамхи татаад гудамжинд хаявал торгуулийг нь 50 сая болгоод л болоо, хэрэв Ерөнхий Сайд байх хугацаагаа сонго гэвэл би хэзээ ч энэ цаг хугацааг сонгохгүй байсан, амаргүй, цаг нь болохоор зарлана, атаархал гэж ядаргаатай юм байна. бүлэглэлтэй тэмцэж байна" гэх мэт түүний олон яриа олон нийтийн дунд мааз, онигоо, шог ярианы хэллэг, залуусын дунд бол сошиал meme болон үлджээ.


Ерөнхий Сайдаас огцорсоноосоо хойш Л.Оюун-Эрдэнийн сэтгэл зүй бүр л тогтворгүй болсон бололтой, элдэв хачин зүйлс улам их ярих болов.


Хамгийн сүүлд гэхэд л өнгөрсөн Баасан гарагт Улсын Их Хурлын Төрийн байгуулалтын байнгын хорооны хуралдаанаар Монгол Улсын Ерөнхий сайдыг огцруулах саналыг хэлэлцэх үеэр түүний хэлсэн: "Би уг нь дуугүй л яваад байсан юм. Өнөөдөр ил тод ярилцах цаг нь болж байх шиг. МАН 2024 оны сонгуульд дэлхий дээр ганцаараа олонхын санал авсан. " гэсэн үгс бас л олон нийтийн гайхшралыг төрүүлэх нь тэр. Учир нь түүний энэ яриа ямар ч бодит үндэслэлгүй болохыг тэр дор нь мэргэжлийн fact check төвүүд баталсан юм. Товчхондоо бол Ерөнхий Сайд асан, УИХ-ын гишүүн Л.Оюун-Эрдэнэ үг хэлэх бүртээ л олон нийтийн элэг доог болдог болжээ.


Н.Балжир