Үндэстэн дамнасан хахууль авлигын тоон үзүүлэлтээрээ Бразил улс тэргүүлсэн байна. Олон улсад авлигын эсрэг мөрдлөгө, мөрдөн байцаалтын чиг хандлагыг судлах “ТРАСЕ” байгууллагын 10 дахь удаагийн хууль сахиулах ажиллагааны жилийн тайланд дурдсанаар хил дамнасан авлигын тархалт өндөртэй улсуудыг нэрлэжээ. Үүнд Бразил, Энэтхэг, Ирак, Нигери, Хятад улс багтжээ. 2019 онд үндэстэн дамнасан хээл хахуулийн эсрэг авч хэрэгжүүлж буй арга хэмжээний хувьд харьцангуй удаашралтай жил байсан бөгөөд мөн АНУ болон дэлхий дахинд гадаадын албан хаагчдын хээл хахуультай холбоотой хэргийн тоо буурсан байна. Санхүүгийн үйлчилгээний салбарынхан АНУ-ын авлигатай тэмцэх байгууллагын гол анхаарлын төвд байдаг боловч 2019 онд олборлох үйлдвэрлэлийн салбартай холбоотой мөрдөн шалгах ажиллагаа илүү их байлаа. Мөн түүнчлэн тус улсын сансар судлал, батлан хамгаалах, аюулгүй байдлын салбарынхныг үндэстэн дамнасан хээл хахуулийн хэрэгтэй холбогдуулан шалгах мөрдлөгийн тоо нэмэгдсэн байна.
2019 оны эцсийн байдлаар Бразил улсын үндэстэн дамнасан хээл хахуулийн хэрэгт шалгагдсан дотоодын албан тушаалтнуудын тоо хамгийн их байсан ба үүний дараа Энэтхэг, Хятад улс эрэмбэлэгдлээ гэж тус тайланд дурджээ.
1977 оноос хойш БНХАУ үндэстэн дамнасан авлигын хэрэгт авч хэрэгжүүлж буй 110 гаруй мөрдөн шалгах ажиллагаа явуулсан үзүүлэлтээрээ тархалт өндөртэй орны тоонд багтжээ.
Эх сурвалж: "Монголын үнэн" сонин
Сэтгэгдэл0
Манайх яагаад ороогүй байдаг билээ?.Эхний 5-д багтах улс бол яах аргагүй Монгол.
манайх элбэгдоржийн авлигын аймшигт хэргийг дараад мэдээлээгүй юм байх даа. мэдээлсэн бол манайх эхний 5-д байтугай юм болно. гадны улсууд авлиыгн хэргээр төрийн өндөр албан тушаалтнаа ялладаг боловч мөнгөн дүн нь юун элбэгдоржийн хулгай хажууд нь өчүүхэн юм харагддаг. гэхдээ л авлига бол авлига хулгай бол хулгай гээд шударгаар шийтгэж харагддаг
Баяр, Элбэгдорж, Сайханбилэг, Баярцогт тэргүүтэй манай үндэстэн дамнасан авилгачид дэлхийд дээгүүрт орохоор хэрэг хэрэг хийсэн доо. Даан ч шалгаад хянаад, шүүгээд шийдчихэж чадах хууль шүүхгүй учраас дотроо өтөөд дарагдаад бхйж байна.
Харин тиймээ тэр тал дээр дэлхийн хамгийн арчаагүй улс бол монгол