Өнгөрсөн мягмар гарагийн орой фэйсбүүк дэх "Medee.mn" хэмээх нэр бүхий хуудаст "Хотын дарга нар албан өрөөндөө зодоон хийж нэгнээ алах шахжээ" гэсэн гарчигтай мэдээ нийтлэгджээ. Нийслэлийн ИТХ-ын дарга С.Амарсайхан албан өрөөндөө архидан согтуурч, төлөөлөгч Н.Батсүмбэрэл нь НЗДТГ-ын Бодлого төлөвлөлтийн хэлтсийн дарга Г.Өлзийбаярыг зодож, бэртээсэн гэх агуулгатай байв, тус мэдээ. Улмаар нэр бүхий зарим цахим хэвлэл, "С1" телевиз үнэн, худлыг нягтлалгүй, нэг талын байр сууринаас хандаж тухайн мэдээллийг олон нийтэд түгээсэн юм.
Энэ талаар өнөөдөр НИТХ-ын Тэргүүлэгчдийн Нарийн бичгийн дарга бөгөөд Ажлын албаны дарга Б.Батбямба, НЗДТГ-ын дарга М.Отгонбаяр, НЗДТГ-ын Бодлого төлөвлөлтийн хэлтсийн дарга Г.Өлзийбаяр нар хэвлэлийн бага хурал хийж, гүтгэлгийн шинжтэй худал мэдээлэл тараасан хүнийг олж тогтоолгохоор цагдаагийн байгууллагад хандаж буйгаа хэллээ.
Нийслэлийн ИТХ-ын Тэргүүлэгчдийн Нарийн бичгийн дарга бөгөөд Ажлын албаны дарга Б.Батбямба "Өчигдрөөс хотын удирдлага, тухайлбал, НИТХ-ын дарга С.Амарсайханы өрөөнд хэсэг бүлэг хүн согтуурч, танхайрсан гэдэг мэдээлэл түглээ. Тус хэрэг болсон гэх өдөр хурлын даргын өрөөнд олныг хамарсан уулзалт болоогүй гэдгийг хурлын Нарийн бичгийн даргын хувьд хариуцлагатайгаар хэлье. Бусдын нэр хүндийг гутаан, доромжилж зориудаар хуурамч мэдээлэл түгээсэн хүмүүсийг олуулахаар бид хуулийн байгууллагад хандсан. Олж тогтоосны дараа олон нийтэд мэдээлэх болно" гэв.
НЗДТГ-ын дарга М.Отгонбаяр "НЗДТГ-ын байр төрийн тусгай хамгаалалттай обьект. Монгол Улсын Ерөнхий сайдын захирамжаар төр, захиргаа байранд согтууруулах ундаа, түүнийг хэрэглэсэн хүнийг оруулдаггүй. Цахим ертөнцөд түгж буй мэдээлэл ор үндэсгүй, тийм зүйл болоогүй" хэмээв.
Харин төлөөлөгч Н.Батсүмбэрэлд зодуулан, хүнд бэртсэн гэгдээд байгаа нийслэлийн ЗДТГ-ын Бодлого төлөвлөлтийн хэлтсийн дарга Г.Өлзийбаяр хэвлэлийн бага хурлын үеэр "Цахим хэвлэлээр явж байгаа мэдээлэл худал. Намайг зодуулж, хүнд бэртсэн гэсэн байна лээ. Миний бие өдгөө ямар нэгэн бэртэлгүй, эрүүл, албан үүргээ гүйцэтгэж явна" гэсэн юм.
Дашрамд дурдахад, www.Medee.mn вэбсайтын хамт олон фэйсбүүк дэх 1200 дагагчтай "Medee.mn" хуудсыг байгууллагынх нь нэр, логог ашигласан хуурамчаар үйлдсэн хуудас болохыг мэдэгдсэн юм.
Сэтгэгдэл0
Galgui Utah baidaggui gez Oreos zuir og bdag gesen
том мөнгөөр тохирчихсон уу тохироогүй бол гүтгэсэн эзнийг олоод зарлаарай
Энэ эрхэмүүд ажлынхаа байран дээр байж байгаад хүнд гүтгүүлнэ гэж юу байхав өрөвдмөөр юм.Нэг сэжүүр байгаа юм байлгүй дээ хүн тэр тусмаа төрийн албан хаагч төрийн байгуулгыг гүтгэдэг ямар толгой нь эргэчихсэн амьтан бэ
Тэр байтугай төрийн хамгаалалтанд байдаг яаманд юу боллоо энэ ноход ч хотын дарга болох гээд нэгнээ яаж ч магадгүй эд нарын үгэнд итгэх хүн бнуу
МОНГОЛД ДАРГА ГЭДЭГ ҮГИЙГ ЛАЛРУУШКА ГЭЖ СОНСОГДДОГ БОЛТОЛ НЬ АЖИЛЛАЖ БАЙГАА БҮХ ГЭРУУД БОЛ ХОГИЙН ХУЛГАЙЧУУД
Harvaas arhichin tsaraitai garuud bna sh dee keke
Ulziibayar zoduulsan l gej baina lee dee
Амарсайхан бол алуурчин шуму тарханы тураалтай тэнэг утапнбаатарын ухруудийн Дарга сөнөж байгаа монгол улс
Харваас гөлийсөн нүдтэй архичид байна шдээ.Хэдэн төгрөгөөр албан тушаал худалдаж авцгаасан бол?
Гүтгэсэн эздийг нь олж яаралтай зарлаарай. Гүтгэгчдэд сургамж болог.!!!