sonin.mn
Сэтгэгдэл (0)
НЬЮ-ЙОРК. /CNN/. БНАСАУ уран баяжуулах техникийн хүчин чадлыг 25 хувиар нэмэгдүүлэх зорилгоор цөмийн томоохон цогцолбортоо шинэ байгууламж барьж байна гэж "CNN" телевиз уг объектын хиймэл дагуулаас авсан зураг болон шинжээчдийн дүгнэлтээс эш татан мэдээлжээ.
Наймдугаар сарын 3, есдүгээр сарын 1, 14-ний өдөр авсан хиймэл дагуулын хар цагаан зургуудад ямар нэг байгууламж барьж байгаа явцын дүрс буужээ. Хувийн хиймэл дагуул эзэмшдэг Америкийн "Maxar Technologiesу" компаниас мэдээлснээр, БНАСАУ-д хамгийн томд тооцогддог Йонбён дахь цөмийн цогцолборын нутаг дэвсгэрт барилгын ажил явагдаж байгаа аж.
 
"Барьж буй байгууламжид мянга хүртэл центрифуг" байрлуулах боломжтой гэж Калифорнийн Монтерей хот дахь “Middlebury” олон улсын судлалын хүрээлэнгийн профессор, зэвсгийн мэргэжилтэн Жеффри Льюис үзэж байна. Түүний үзэж байгаагаар, уг байгууламж ашиглалтад орсноор Пёньян цэргийн зориулалттай цөмийн материал үйлдвэрлэх хүчин чадлаа 25 хувиар нэмэгдүүлэх боломжтой болно.
АНУ-ын Ерөнхийлөгч Жо Байдены засаг захиргаа Йонбёнд шинэ байгууламж барьж байгаа талаар мэдэж байгаа гэж "CNN" мэдээлэлтэй эх сурвалжаас эш татан тэмдэглэжээ. Энэ нь Умард Солонгосын удирдагчид зэвсгийн уран гарган авах төлөвлөгөөтэй байгааг илтгэж байж магадгүй гэж Вашингтон үзэж байгаа аж.
БНАСАУ Йонбён дахь цогцолбортоо плутони үйлдвэрлэх реакторыг дахин ажиллуулж эхэлсэн байж магадгүй гэж “The Wall Street Journal” сонин наймдугаар сарын сүүлчээр мэдээлжээ.
 
 
Д.Жаргал
Эх сурвалж: Монцамэ агентлаг