Нийслэлийн Засаг дарга бөгөөд Улаанбаатар хотын Захирагч Д.Сумъяабазар өнөөдөр БНСУ-ын Соёл, спорт, аялал жуулчлалын яам /ССАЖЯ/-ны төлөөлөгчидтэй уулзлаа. Уулзалтын үеэр Улаанбаатар хотын Нийтийн төв номын санг сэргээн засварлах төслийн талаар санал солилцов.
БНСУ-ын ССАЖЯ-ны ерөнхий менежер Ким Сын Жон тэргүүтэй төлөөлөгчид нь Хилийн чанадад нийтийн номын сан байгуулах төслийн хүрээнд Улаанбаатар хотын Нийтийн төв номын санг сэргээн засварлах төслийн суурь судалгааг хийх зорилгоор Монголд хүрэлцэн иржээ. Төсөл хэрэгжүүлэгч байгууллагаар Солонгосын номын сан cоёлыг дэмжих агентлаг шалгараад буй аж.
Төслийг хамтран хэрэгжүүлснээр нийслэл Улаанбаатар хотын номын сангийн үйлчилгээ, боловсон хүчний чадавх, барилга байгууламж, тоног төхөөрөмж, уншигч хүлээн авах хүчин чадал нэмэгдэж, тусгай хэрэгцээт иргэдэд хүртээмжтэй, олон улсын жишиг номын сан болно гэдгийг талууд хэлж байв. Мөн тус номын санг сэргээн засварласнаар иргэд сурч боловсрох, чөлөөт цагаа зөв зохистой өнгөрүүлэх орчин бүрдэхээс гадна жуулчдыг ч татах ач холбогдолтой гэдгийг Хотын дарга онцоллоо. Иймд уг төслийг нийслэлийн зүгээс бүх талаар дэмжиж, холбогдох байгууллагууд нягт уялдаа холбоотой ажиллана гэдгийг тэрбээр илэрхийлсэн юм.
Сэтгэгдэл(2)
энэ ямар номын сн хаана байдаг вэ нийтийн төв номын сан гэж юуг яриад байнаа хотоор дүүрэн сиу шиг монгол хүний ходоодны ракны эх үүсвэр бэлэн гомон хоолны өндөр үнэтэй монгол идэж сураагүй дэлгүүр шиг солонгос номоор дүүргэж баяжихна уу
niitiin teb nomiin san gej yamar nomiin san bainaa,hyychin stalinii heseetei odoo Renchin gyai heseetei ter nomiin san biz dee!!!Odoo sineer ehlej barij ehleh yum hemeesen bilee!harin ter yu bolj baidag bol?....yynd l ardyyd bid haraagaan tolidoj syyna.Mongol ylsad maani nomiin sangyyd mas heregtei ter dyndaa ter anhnii teb nomiin sangiin sine barilaga l chyhal baina?....