Монгол Улсын Ерөнхий сайд Л.Оюун-Эрдэнэ ард иргэдээ уриалж “Ковид-19”-ийн эсрэг вакцин хийлгэснээр үе шаттай вакцинжуулалт албан ёсоор эхэллээ. Ерөнхий сайдын хэлсэн үгийг хүргэж байна.
Элэг нэгт монгол ахан дүүс ээ.
Өнөөдөр 2021 оны 02 дугаар сарын 23. Шинэ Засгийн газар бүрдэж ажилдаа ороод 25 хонож байна. Өнгөрсөн хугацаанд манай Засгийн газар олон улсын шилдэг туршлагад үндэслэсэн, өнөөгийн нийгэм, эдийн засгийн нөхцөл байдалд тохирсон, шуурхай, шийдэмгий, шинэ бодлого дэвшүүлж амжилттай ажиллалаа.
Бүх нийтийн бэлэн байдлын зэргийг өнөөдрөөс цуцалж байна. Улаан түвшнээс Шар түвшинд шилжиж, нийт иргэн, аж ахуйн нэгж, байгууллагын 95 хувь нь амьдралын энгийн горимд орж байна. Тулж ирсэн сорилтын өмнө үндэстнээрээ нэгдэн зогсож чаддагийн бас нэгэн тод жишээг хамтдаа бүтээж чадлаа.
Хөл хорионы үед төр, засгийнхаа шийдвэрийг хүндэтгэж, бас ойлгож хүлээн авч, тэвчиж байсан ард иргэд, нийслэлчүүддээ талархал илэрхийлье. Мөн өргөсөн тангарагтаа үнэнч зүтгэсэн төрийн бүх байгууллагын ажилтан, алба хаагчиддаа чин сэтгэлээсээ баярлалаа.
Өнгөрсөн өдрүүдийн хөл хорио бидэнд дараах гурван үр дүн өглөө гэж Засгийн газрын тэргүүний хувьд үзэж байна.
1. Эхний үр дүн: Бид өвчний тархалтыг хумьж чадлаа.
“Нэг хаалга-Нэг шинжилгээ”-нд 411 мянган өрхийн тус бүр нэг хүнийг хамруулахаар төлөвлөсөн ч 523 мянган хүнээс шинжилгээ авлаа. Энэ ажлын үр дүнд халдварын 122 тохиолдол, далд 33 голомтыг илрүүлж чадлаа. Нэг үгээр хэлбэл 122 хүнээр цааш дамжин тархах эрсдлийг хааж, айл өрх бүрийн дэлгэрэнгүй мэдээллийн нэгдсэн системтэй боллоо.
“Хаашаа явж байгаагаа мэдэхгүй хөлөг онгоцны дарвуулыг ямар ч аясын салхи үлээгээд нэмэргүй” гэсэн үг байдаг. Тэгвэл “Нэг хаалга-Нэг шинжилгээ” бид хаана байгааг, маргааш хаашаа явах стратеги боловсруулах суурь судалгаа болж чадсан гэдгийг онцлон тэмдэглэхийг хүсч байна.
2. Хоёр дахь үр дүн: Вакцинжуулалт эхлэх суурь нөхцлийг бүрдүүлж чадлаа
Вакцинжуулалт өнөөдрөөс эхэллээ. Монгол Улс вакцинжуулалтаа эхэлсэн Ази тивийн эхний улсуудын нэг болж чадлаа. Вакцинжуулалт ингэж шуурхай шуурхай шийдэгдэхэд өмнөх Ерөнхий сайд У.Хүрэлсүхээс БНЭУ-ын Ерөнхий сайд Н.Моди-д илгээсэн захидал чухал үүрэг гүйцэтгэснийг онцлон тэмдэглэе. Оюун санааны хөрш Энэтхэгийн ард түмэн, Засгийн газарт монголчуудынхаа өмнөөс гүн талархал илэрхийлье. Эрхэм Элчин сайд М.П.Сингх таньд баярлалаа. Мөн вакцины Ажлын хэсгийн ахлагчаар ажилласан Сангийн сайд асан Ч.Хүрэлбаатар болон албаны бусад хүний хичээл зүтгэл өндөр байсныг тэмдэглэн хэлэх нь зүйтэй. ДЭМБ-ын Суурин төлөөлөгч Сергей Диордица, НҮБ-ын Суурин зохицуулагч Тапан Мишра, НҮБ-ын Хүүхдийн сангийн Суурин төлөөлөгч Алекс Хайкенс нар энд байна. Олон улсын стандартад нийцсэн вакцинаар хангахад дэмжлэг үзүүлсэн Та бүхэнд талархал илэрхийлье. Цаашид вакцин нийлүүлэх хандивын болон худалдааны хэлцэл хийж байгаа ОХУ, БНХАУ, Европын Холбоо, БНСУ, Япон Улсын Засгийн газарт талархаж байгаагаа илэрхийлье.
Монгол Улсын Засгийн газар хүн амынхаа 60 хувь буюу 18-аас дээш настай иргэдээ вакцинд богино хугацаанд, шуурхай хамруулна. Вакцинжуулалт сайн дурын үндсэн дээр хийгдэнэ гэдгийг дахин хэлэхийг хүсч байна. Гэхдээ аюулт цар тахлаас эрүүл мэндээ, эдийн засгаа хамгааж чадах хүн төрөлхтөний олсон цорын ганц зам бол вакцинжуулалт гэдгийг онцлон хэлье.
Тиймээс ч иргэдээ уриалж ДЭМБ-ын батламжилсан Оксфордын АстраЗенека вакцины анхны тунг хийлгэлээ.
3. Гурав дахь үр дүн: Эрүүл мэндээ хамгаалах, эдийн засгаа сэргээх төлөвлөгөө хэрэгжих суурь нөхцөл бүрдлээ.
Вакцинжуулалттай зэрэгцэн “Эрүүл мэндээ хамгаалах, эдийн засгаа сэргээх 10 их наядын цогц төлөвлөгөө”-г хэрэгжүүлж эхэлнэ. Энэ төлөвлөгөө эдийн засаг -6 хувь агшсан байгааг өөрчилж, 70 орчим мянган ажлын байрыг сэргээн, зах зээлд эргэх байсан ч гацсан 8 их наяд төгрөгийг эргэлтэд оруулж цусны эргэлтийг сэргээнэ гэдэгт бүрэн итгэлтэй байна. Өнөөдрөөс бид шинэ, гэхдээ идэвхтэй эрүүл мэндийн хэмнэлд шилжин орж байна. Одоо иргэд, аж ахуйн нэгж, байгууллагын хариуцлага, хамтын хүчин чармайлт бүхнийг шийдэх учиртай. Зөвхөн өөрийнхөө төлөө биш, улсынхаа эрүүл мэнд, эдийн засгийн төлөө иргэн Та халдвар хамгааллын дэглэмээ ягштал мөрдөөрэй, зайгаа бариарай, амны хаалтаа зүүгээрэй, дархлаагаа дэмжээрэй, вакцинд бас хамрагдаарай гэж уриалж байна. Зөвхөн өөрийнхөө байгууллага биш, нийт иргэн, аж ахуйн нэгж, эдийн засгийн төлөө ажил олгогч Та хариуцлагатай байгаарай, халдвар хамгааллын дэглэмээ яв цав мөрдүүлж, ариутгалаа хийлгэж, хүн хоорондын зайг бариулаарай. Ажилчдаа вакцинжуулах чиглэлээр хувийн хэвшлийнхэн Засгийн газартай хамтарч ажиллаарай. Ингэж чадвал бид хаагдсан бүхнээ эргүүлэн нээж чадна. Хаагдсан бизнес, хаагдсан хичээл сургууль, хаагдсан хил хязгаар, хаагдсан том хөрөнгө оруулалт, хаагдсан аз жаргалтай амьдралын хэмнэлээ эргүүлэн олж авч чадна. Монгол ахан дүүс ээ. Цаг наашилж байна, хаврын улирал ирж байна. Шинэ цаг ирж байна. Шинэ цагт бид шинэ хандлагаар ажиллаж, шинэ бодлого хэрэгжүүлэх болно. Монгол Улсын Засгийн газар эс үйлдэл хийхгүй ээ. Цаг алдалгүй хүнд, амаргүй, давс мэт шийдвэрүүдийг үргэлжлүүлэн гаргах болно. Өнгөрсөн 12 хоногийн хөл хориог 98 хувь хамтдаа хийж чадсан шигээ ирээдүйн томоохон шийдлүүдэд ч гэсэн Засгийн газартаа эргэлзэлгүй итгэж, бидэнтэй хамт байхыг Ерөнхий сайдын хувьд уриалж байна. Хамтын хүчээр цар тахлын эсрэг сөрөн зогсож, хаагдсан бүхнээ нээж, алдсан боломж бүхнээ эргүүлж авахын төлөө хамтран зүтгэцгээе гэж монголчууддаа уриалж байна. Баярлалаа.
Сэтгэгдэл0
Занданшатар хятад вакцин хийлгэх юм уу?
150.000 биш 250.000 тун юм биш үү.Зөв мэдээлэл өгөөч бас зөвшөөрөлгүй хятад вакцин энл ямар хамаа байна.
Тоо нэгжийг бүгдээрээ андуурдаг Монголчуудын араншин дургүй хүргэдэг. Нэг юм давтан давтан хэлээд байхад л зөрүүлж буруу ойлгож чадна гэдэг бас авьяас ч юм уу? Ганц хотын дарга нь нэмж хасаж чадахгүй байх нь аргагүй ш дээ.
Вакцин тариулаад хүн үхвэл хариуцлагыг нь хэн хүлээх вэ? Хариуцлага хүлээх хүнээ эхлээд ил болгочих .Тэгсний дараа тариулья.
Чи угаасаа вакцин хийлгэхгүй байх нь зөв хүн байна.
Ард Түмэн: З,Энхболдийн хэлсэн үгийг сайн унш даа ,Ардчилсан Нам гэдэг чинь Монголчуудын нам биш Англи нам тэдний хууль дүрмээр явдаг ,хөлсний боолуудын нам юм байна шүү дээ?????Дүрмийн дагуу ялагдсан АН-ын дарга нараа л солих болохоос, дүрмээ өөрчилж болохгүй. АН сайн дүрэмтэй, бараг л Английн Консерватив намын дүрмийн орчуулга юм. Хэд хэдэн газар монголчилсон болохоос биш 100 гаран жилийн түүхтэй Консерватив намын дүрэм юм. Сайн ажилладаг, сонгуульд ялдаг дүрэмтэй учраас тус намын дүрмийг 2017 онд орчуулж авсан. Энэ дүрмээр намын гишүүд нь бүх шатны намын даргаа сонгодог юм. гэж Шууд ,мн сайтад ярилцлага өгч дээ
Зөв зөв. Юм хийж байгаа хүнийг ажил амжуулж байна гэхээс өөр юу гэхэвээ . Бидний гол зэвсэг амны хаалт, гарын ариун цэвэр, зай барилт, эрүүл ахуйн зөв дадлууд байсан бол одоо дээр нь вакцин нэмэгдлээ. Энэ ч нэг алхам нэг амжилт шүү. Сайхан цаг ирэх болтугай. Бид чадна.
Англи, Амехикт үнэнч бууны нохой гэдгээ батлан харууллаа.
Англи, Америкт үнэнч бууны нохой гэдгээ батлан харууллаа.
Унэгуй вакцин авч ард тумэндээ шахадээ. Чи ч яахав эмнэлгийн тусгай хамгаалвлтанд байгаа. Хамгаалвлтанд байдаггуй ард тумэн яахав. Батлагдаагуй хятад вакцинийг 76эргуу эхлээдхийлгээрэй.
Mash saihan ug hellee.Pragmatic. USA-iin "State of the art" ugtei tun adilhan tansag zuulhun ch shuluuhan sanagdlaa. Uuruu ugee bichsen um uu? Esvel "speech writer" - tai umuu? Odoo uuniigee amidrald "naaldtal" uldtel sain heregjuuleerei. Itgej b. Bayarlaj b. Huuk ahdaa bayarlaj yav. Shutej yav. Tushij yav.50 nas garaad l ESaid boloh bh daa gej bodoj blaa. Hun burt oldood baidaggui Ih huvi tavilan shuu. Ajil ih l baival ulam changaraad, zangarag suugaad, uurtuu ulam itgeltei bolj, Harvard tugssun hund delhiin asuudal hurtel jijigdeed irdeg um shuu.Ene ued l gene aldaj sagsuurch bolohgui , ulam dotogshoo setgej, teriigee jintei ch hovorhon gargaj yav. Uyangiin halil gonshignol 2 ayaandaa iluu, hooson, tsag ursen zuil l boloh amoi.Harin saihan hani ijil, olon ur huuhedee toiruulan, buren buten baigaa met baih ch neg l "gantsaardaad" bdg " geh". Amjilt.
Харвардын сургууль төгссөн гээд байгаа бэйз?
Харваард их сургуул төгссөн дипломынхоо хуулбарыг нийтэд тавьчихаач дээ, нууц биш биздээ.
nuuch amrag ter echnertee bas ter Zandanschatar tanar Chytad bakzine chiilge!!! tanar oruulj irsen.