КИЕВ. /Xinhua/. Украины дотоодын нийт бүтээгдэхүүн энэ онд зөрчил мөргөлдөөний улмаас хамгийн багадаа 35 хувиар агшина гэж тус улсын Ерөнхий сайд Денис Шмыгаль мэдээлснийг эш татан “Interfax” агентлаг уламжилжээ.
Швейцарт болж буй Украиныг сэргээн босгох асуудлаарх бага хурлын үеэр Д.Шмыгаль хэлэхдээ, Украины эдийн засаг зөрчлийн эхний долоо хоногуудаас үүдэлтэй “шок”-оос сэргэж эхэлсэн гэсэн байна.
Засгийн газар үр тарианы тариалалтыг “харьцангуй амжилттай” явуулж, баруун хилийн дагуу ложистикийг сэргээсэн гэж тэрбээр хэлээд, эдийн засаг олон сорилттой тулгарсан хэвээр байгааг цохон тэмдэглэжээ.
Улсын статистикийн газрын мэдээлснээр, 2022 оны 1-3 дугаар сард Украины ДНБ өмнөх оны мөн үеэс 15.1 хувиар буурсан байна.
Украины Үндэсний банкны тооцоогоор энэ оны хоёрдугаар хагаст эдийн засгийн агшилтын хурд арай бага байх боловч Украины бодит ДНБ жилийн хугацаанд 30 гаруй хувиар буурах төлөвтэй байна.
Э.Хулан
Эх сурвалж: "Монцамэ" агентлаг
Сэтгэгдэл0
Америк Оросоос хураасан 300 тэрбум долларыг нь Украйнд өгнө гэсэн.Бас Украйны дүрвэгчдийг хүлээн авсан улсуудад дүрвэгчдийн тоогоор нь өгнө.
jujigchin zaluugaa zailuulj Oros axdaa buuj og
Дайн Украины эдийн засгийг сүйрүүлэхгүй яах вэ дээ! Харин ч эдийн засаг нь 30 хувиар агшина гэдэг чинь харьцангуй гайгүй тоо юм. Сүйрсэн барилга байшин,дэд бүтэц, эзлэгдсэн газар нутгийг нь ажиглавал, эдийн засаг нь 50 хүртэл шахуу хувиар агшмаар юм. Харин ч бага сүйрэлтэй байгаа юм болов уу даа?!