Монгол Улсын Ерөнхий сайд Л.Оюун-Эрдэнэ ээлжит өглөөний уулзалтаа МУИС-ийн Хууль зүйн сургуулийн профессор, эрдэмтэн багш нартай хийлээ. Тэрбээр дэлхийн эдийн засаг, геополитик хурдацтай өөрчлөгдөж буй энэ цаг үед манай улс судалгаанд суурилсан урт хугацааны стратегитай байх нь чухал. Төрийн бодлогод эрдэмтэн судлаачдын үүрэг, оролцоо хэрэгтэй байгааг тэмдэглээд Монгол Улсын урт хугацааны хөгжлийн бодлого "Алсын хараа-2050", "Шинэ сэргэлтийн бодлого", авлигатай тэмцэх "5Ш" ажиллагаа зэрэг Засгийн газрын хэрэгжүүлж буй хөтөлбөр, арга хэмжээний талаар танилцуулж, хуульч, эрдэмтэд, багш нарын байр суурийг сонсож, хэлэлцүүлэг өрнүүллээ.
Тус сургуулийн профессор, багш нар Монгол Улсын Ерөнхий сайд сургууль дээр нь ирж, Засгийн газраас авч хэрэгжүүлж буй арга хэмжээнүүдийг танилцуулан, төрийн бодлогод хуульч, судлаачдын саналыг сонсож байгаад талархаж байлаа.
Уулзалтад оролцогчид их сургуулийн судалгааны ажилд зориулсан төсвийг олон улсын жишигт нийцүүлэн нэмэгдүүлэх, сургуулийн төсөв, төлбөрийн менежментийг шинэчлэх, Хууль зүйн сургуулийн байрны асуудал, эрүүгийн эрх зүйн салбарын хөгжил, суурь судалгаанд анхаарах, ШӨХТГ-ын ажлыг эрчимжүүлэх замаар өргөн хэрэглээний барааны үнийг тогтворжуулах, Сүм, хийдийн харилцааны тухай хуулийг шинэчлэх шаардлагатай зэрэг санал дэвшүүлэв.

Мөн Засгийн газрын тэргүүний манлайлан хэрэгжүүлж буй авлига, албан тушаалын гэмт хэргийг таслан зогсоох, далд эдийн засгийг ил тод болгох, шударга ёсны төлөөх тэмцлийг бүх талаар дэмжинэ гэв. Ерөнхий сайд багш нарын санал, зөвлөмжийг сонсон ярилцаж, Засгийн газраас хэрэгжүүлж буй “5Ш ажиллагаа” нь иргэдийн төрд итгэх итгэл, шударга ёсны мэдрэмжийг сэргээх зорилготой бөгөөд энэхүү үйл ажиллагааг үр дүнтэй хэрэгжүүлэхэд эрдэмтэн судлаачидтай хамтран ажиллах, олон нийтийн дэмжлэг хэрэгтэй гэдгийг онцлоод дэлхийн улс орнуудын авлигатай тэмцэж буй сайн туршлага, оюутан залуусын хүсэл эрмэлзлийг тусгасан санал зөвлөмж Засгийн газрын үйл ажиллагаанд ихээхэн дэм болно гэдгийг хэллээ. Мөн энэ үеэр Ерөнхий сайд МУИС-ийн Хууль зүйн сургуулийн Хүндэт дэвтэрт гарын үсэг зурлаа.

Уулзалтын үеэр МУИС-ийн Хууль зүйн сургуулийн захирал, профессор Б.Амарсанаа Хууль зүйн сургуулийн үйл ажиллагааны талаар товч танилцуулга хийсэн юм. 63 жилийн түүхтэй тус сургууль өдгөө хоёр тэнхим, нэг төв, гурван судалгааны нэгж, гадаадын нэр хүндтэй хамтран менежмент хийдэг Япон, Солонгосын эрх зүйн боловсрол, судалгааны төв гэсэн бүтэцтэйгээр үйл ажиллагаа явуулж байна. Хүний нөөцийн хувьд үндсэн багш нарын 73 хувь нь гадаад улсад суралцаж, эрдмийн зэрэг, цол хамгаалжээ.
Сэтгэгдэл(10)
Хуулийнхан математикт муу байгаа нь логик сэтгэлгээгээ бодит амьдралд зөв буулгаж чадахгүй байгаагаас харагдана.
Оюун-эрдэнэ өнгөрсөн намар ШУТИС дээр ирж баахан худлаа амлалт өгчихөөд таг болсоон. итгэлт байхгүй.
Хууль гэж юу юм. Туунийг яаж хэрэглэж хэрэгжуулэх юм. Юугаа ч мэдэхгуй том цолтой эрдэмтэн багш нар, яаж ашиглахаа мэдэхгуй терийн дээр зайдалсан хулгайч нар битгий хуцаад байгаач!!!
Наад заваан сургуулиа еед нь татаачээ!!! Дээд боловсролыг гутаасан байгууллагыхан МАН- д орж Терийн ордон тухлах болж!!!
Монголд хамгийн хоцрогдсон мэрэгжилтэн гэ вэл хуульчд байдаг Мон голоос өөр хэлгүй.Баруунд цол хамгаалсан хүн бараг байхгүй. .Худагны мэлхий шиг хүмүүс.Тиймээс монголд энэ бүх муу муухай зүйл газар авсан.
МУИС-ийн хуулийн сургуулийн эрдэмтэн багш нар бол зусар зулгуй цүнхчдийн арми. МАН-ын гар хөл. Гадаад хэл, эрдэм чадалгүй хувийн ашиг сонирхолд тулгуурласан мафийн бүлэглэл. Манай их дээд сургуулийн эрдэмтэн баш нар гэж ийм хамгийн зусар, бялдууч, чадал чансаагүй хоосон толгойнуудын арми болсон. МАНгасын мэргэн удирдлагаар...
ха ха нөгөө авчилагч хуульчдыг бэлтгэхэд хувь нэмэр оруулсан байхдаа ХЗСургууль. Муу байна танай сургууль ёс зүйтэй авилгач бус хуульчид бэлтгэж чадвал сайн сургууль мөн
Крөнхийлөгч У . Хүрэлсүх очсонсон бол ядаж : " Танар бүгдээрээ авлигачид , танарын шавь нар ч бүгдээрээ авлигачид " гэж хэлэх байсан даа ...
Хуурамч коммунист арга. 100 % дэмждэг өөрийн бодолгүй үе иржээ
танай сургуулийн тогсогчид энэ улсыг баллаж байна даа багш нараа