сонин mn
Сэтгэгдэл (1)
АХБХ-ны 20 хүртэлх насны Азийн Цомын тэмцээний "E" хэсгийн тоглолтуудыг Улаанбаатар хотноо МХБХ-ны шинэхэн талбайдаа өндөр түвшинд зохион байгуулж байгаа билээ. Энэ нь 2022 онд гарсаар МХБХолбооны хүлээн авч буй Олон улсын дөрөв дэх томоохон тэмцээн юм. Хэсгийн гурав дахь тоглолт өнөөдөр Монгол болон БНСУ-ын шигшээ багуудын хооронд боллоо. Тоглолтын өмнө АХБХ-ны Дэд Ерөнхийлөгч, МХБХ-ны Ерөнхийлөгч А.Ганбаатар болон БНСУ-аас Монгол Улсад суугаа Онц бөгөөд бүрэн эрхт Элчин сайд Ли Ё Хун нар нийт баг тамирчдад хүндэтгэл үзүүлж мэндчилэв. Тоглолтын өмнө хийсэн уулзалтын үеэр МХБХ-ны Ерөнхийлөгч А.Ганбаатар “Ази тивээ төлөөлөн Дэлхийн дэвжээнд өндөр амжилт үзүүлсэн, 2019 оны 20 хүртэл насны Залуучуудын ДАШТ-ны мөнгөн медальт БНСУ-ын багтай нэг группт таарч ийнхүү тоглож байгаа нь харилцан суралцах сайхан боломж болсныг талархан хүлээж авсан. Түүнчлэн Солонгосын Хөл Бөмбөгийн Холбоотой сайн харилцаатай хамтран ажиллаж ирсэн, цаашид ч улам ойр дотно нягт хамтран ажиллана гэж итгэж байна” гэв.