sonin.mn
Сэтгэгдэл (13)

УИХ-ын гишүүн А.Адьяасүрэн, АН, МоАХ-ы төлөөллүүдийн хамт УИХ-ын дарга Г.Занданшатарыг Үндсэн Хуулийн Цэцэд өгч буй талаараа мэдээлэл хийлээ.


Энэ үеэр УИХ-ын гишүүн А.Адьяасүрэн: " 2023 оны 7-р сард Засгийн Газар буюу Ч.Хүрэлбаатар сайдаас өргөн мэдүүлсэн Хөрөнгө Оруулалтын тухай хуулийн тухай асуудлаар Үндсэн Хуулийн Цэцэд гомдол гаргаж байна. УИХ хуулиа ягштал баримтлах ёстой. Энэ хуулийн төсөл нь угаасаа хуулийн бүрдүүлбэр болоогүй гэж үзэж байгаа." гэсэн бол 


АН-ын дэд дарга П.Галиндэв: "Ч.Хүрэлбаатарын санаачилсан хуулиар гадаадын төрийн өмчит компани Монголд хөрөнгө оруулалт хийхээр бол 34 хувиас хэтрэхгүй байхаар зөвшөөрөл авна гэдэг заалтыг байхгүй болгож байгаа. Тэгэхээр одоо Хятадын банк Монголд орж ирэхэд, Хятадын төрийн өмчит компани Монголд уул уурхайн төсөл хэрэгжүүлэхэд, харилцаа холбооны салбарт орж ирэхэд зөвшөөрөл авдаггүй болох нь. Тиймээс энэ хуулийн төсөл Үндсэн хууль, Үндэсний Аюулгүй байдлын үзэл баримтлалыг зөрчиж байна. Ийм ноцтой нөхцөл байдал үүсчихээд байхад МАН-ынхан яагаад дуугарахгүй байна вэ? Ч.Хүрэлбаатараасаа айгаад байдаг юм уу? Ч.Хүрэлбаатар УИХ-ын 2024 оны сонгуулийн дараа Монгол Улсын Ерөнхий Сайд, МАН-ын дарга болох юм гэсэн. Намынхан нь тэгж ярьж байна лээ. Үнэн юм байна " гэв.



Н.Отгончимэг