Бямба - 08 сарын 16,
2025
Монгол Улсын Ерөнхийлөгч Ухнаагийн Хүрэлсүх Олон улсын хүүхдийн эрхийг хамгаалах өдрийг тохиолдуулан Олон хүүхэд төрүүлж өсгөсөн эхийг урамшуулах тухай хууль болон Монгол Улсын Үндсэн хуульд заасан бүрэн эрхийнхээ хүрээнд зарлиг гаргаж, эхчүүдэд Алдарт эхийн одон гардууллаа.
Энэ жил улсын хэмжээнд 11,294 ээж Алдарт эхийн нэг, хоёрдугаар одон хүртэж байгаа бөгөөд өмнөх оноос 526-аар өссөн байна. Мөн одонгоо гардаж байгаа алдарт эхчүүдийн олонх нь 34-38 настай байна. Монгол Улсын Ерөнхийлөгч Ухнаагийн Хүрэлсүх хүн амыг өсгөж, ард түмнийхээ хөгжил дэвшилд хүч нэмсэн ээжүүдэд чин сэтгэлийн талархал илэрхийллээ.
Үр хүүхдээ эрдэм боловсролтой, эрүүл чийрэг, зөв сэтгэлтэй иргэн болгон өсгөж хүмүүжүүлсэн монгол ээжийн хөдөлмөр зүтгэлийн үр шимийг гэр бүл, ураг төрөл, удам судар, улс үндэстнээрээ хүртдэг учраас ээжүүдийн ач гавьяаг монгол төр алдаршуулан бахархдаг уламжлалтай гэдгийг хэлэв. Монгол төрөөс “Хүүхдийн мөнгө” олгож буй нь нийгмийн халамж бус, хүн амаа өсгөх, эх үрсээ дэмжиж байгаа төрийн бодлогын бодит илэрхийлэл гэдгийг онцоллоо.
Монгол Улсын Ерөнхийлөгчийн санаачилгаар “Эхийн алдар” одонг дагалддаг мөнгөн урамшууллыг хоёр дахин нэмэгдүүлэхээр Засгийн газар ажиллаж байгааг дуулгав.
Монгол Улсын Ерөнхийлөгч алдарт ээжүүдэд болон гэр бүл, үр хүүхэд, хань ижил, төрөл төрөгсдөд нь эрүүл энх, аз жаргал, сайн сайхан бүхнийг хүсэн ерөөв. 1949 онд хуралдсан Олон улсын ардчилсан эмэгтэйчүүдийн холбооны Бага хурлаас жил бүрийн 6 дугаар сарын 1-ний өдрийг дэлхий нийтээрээ “Хүүхдийн эрхийг хамгаалах өдөр” болгох уриалга гаргаж, 1950 оноос олон улс тэмдэглэж эхэлсэн түүхтэй. Монгол Улс 1952 онд энэ өдрийг “Хүүхдийн баяр” хэмээн нэрлэж анх тэмдэглэсэн бөгөөд 1995 онд “Эх үрсийн баяр”, 2003 онд дахин “Хүүхдийн баяр” болгож нийтээр тэмдэглэх баярын өдөр болгосон юм.
Сэтгэгдэл5
Амьдрал улам хэцүү болж байхад олон хүүхэд гаргаад шизото байх.
Энэ бол сайн байна.
Эхчүүдэд одон тараалгүй яахав,гэхдээ Ерөнхийлөгч болохдоо амалсан амлалтнаасаа нэгийнч болов биелүүлээч,хэвлэл мэдээллэр гараад байгаа ХБанкны,Сургалтын сангийн, нүүрсний,авлига,албан тушаалын гм маш олон Монголын хөгжлийн боломжийг алдагдуулсан,улсын эрх ашиг хохироосон Элбэгдорж,Хурц нартай холбоотой хэвлэлээ гараад буй хэргүүд яагаад Шүүх дээр очоод гацаад байдаг тэр нь зөвхөн нэр бүхий Элбэгдоржийн томилсон шүүгчид дээр очдог,гацдаг гэсэн юм яригдаад байдаг,тэр шүүгчдэд халдах эрх хуулиар зөвхөн таньд байдаг гэж боддог та огт ч тоохгүй суугаад байдаг,ард түмэн таныг юу гэх бол гээд хараад байдаг та бодож явна
Хүй Сю Жан Сүнээгээ хэзээ шагнах бол?
Ордоны урдуур үүдээр дүүрэн уйлаан майлаан цэцэг мэцэг болоод хотын бүх авгайчууул нөхөртэйгээ хамт ирчихсэн түгжирч мүгжирээд таг зогсчихсон байсан юм ийм учиртай байж ! Хороо хорин дээр нь л өгч хэвтэхгүй сүртэй гэдэг нь !