sonin.mn
Сэтгэгдэл (171)

Хоёрдугаар сарын 27-нд ОХУ-ын Ерөнхийлөгч Владимир Путин тус улсын Холбооны аюулгүй байдлын албаны хорооны жил тутмын хуралд оролцож, Орос, Америк хамтын ажиллагааны харилцаагаа сэргээхэд бэлэн болсон гэж мэдэгдэв.

Путин хэлэхдээ, "Оросын тал Америкийн шинэ Засгийн газартай харилцаатай байгаа бөгөөд хоёр орны харилцааг сэргээж, дэлхийн төлөв байдлын үйл явцад төвлөрсөн олон асуудлыг шийдвэрлэхийн тулд хичээн ажиллахад бэлэн байна гэжээ.


Орос, Америкийн яриа хэлэлцээнд зарим хүмүүс таагүй байгаа бөгөөд Барууны орнуудын зарим зүтгэлтэн нар өнөөгийн дэлхийн тогтворгүй байдлыг хэвээр хадгалж, Орос-Америкийн яриа хэлэлцээг эвдэх оролдлого хийхээр зэхэж байна гэж Путин онцлов. 
Орос-Америкийн яриа хэлэлцээнд хөндлөнгөөс оролцох Барууны орнуудын оролдлогыг арилгахын тулд дипломат болон тагнуулын бүхий л арга хэмжээг ашиглах ёстой гэж тэрээр мөн хэлжээ.


Украины хямралыг энхийн замаар шийдвэрлэхээс Орос улс хэзээ ч татгалзаж байгаагүй гэж Путин онцлоод, Европын болон дэлхийн аюулгүй байдлын салшгүй зарчмыг баримтлах, бусад орны аюулгүй байдлыг хохироож байж, өөрийн орны аюулгүй байдлыг хамгаалахаар оролдохгүй байхыг уриалав.

Путин хэлэхдээ, Орост террорист гэмт хэргийн тоо улмаар нэмэгдэж, үүнд Украины аюулгүй байдлын албаны төлөвлөсөн хэргүүд ихэнх тоог эзэлж байна гэв.


Г.Бямба