31 дэхь Ерөнхий сайдын танхимдаа урьсан Гадаад харилцааны сайд “битүү” сонголт байсан. Үнэндээ УИХ дахь эрх баригч намын бүлгийн ажлын албаны “гал тогоо”-г дөрвөн жил барьсан Н.Энхтайваныг Гадаад яамыг удирдана гэхэд гайхсан хүмүүс ч бас бус байв. Харин намтрыг нь харвал Н.Энхтайван төрд 25 жил ажилласны 15-д нь Гадаад харилцааны яаманд алба хашжээ. 1996 онд ГХЯ-нд мэргэжилтэн, атташегаас ажлаа эхэлж Монгол, Хятадын Засгийн газар хоорондын комиссын хариуцлагатай нарийн бичгийн дарга, Монгол Улсаас БНХАУ-д суугаа ЭСЯ-ны худалдаа, эдийн засгийн асуудал хариуцсан атташе, III, II, I нарийн бичгийн дарга, сүүлд Монгол Улсаас БНХАУ-д суугаа ЭСЯ-ны худалдаа, эдийн засгийн зөвлөх, ГХЯ-ны Гадаад худалдаа, эдийн засгийн хамтын ажиллагааны газрын захирлын алба хашсан. Мөн дундуур нь Худалдаа, үйлдвэрийн яаманд мэргэжилтэн, Газрын тосны хэрэг эрхлэх газрын дэд дарга, Төрийн өмчийн хорооны Тамгын газрын дарга, 2015 оноос Шадар сайдын зөвлөхөөр ажиллаж байгаад МАН-ын бүлгийн Ажлын албаны даргаар очсон байдаг. Харин боловсролын хувьд Политехникийн дээд сургууль, Бээжин хотын Худалдааны их сургууль, Шинэ Зеландын Велингтоны их сургууль төгсч, МУИС-д эдийн засгийн магистр, АНУ-ын Стрэйерийн их сургуульд бизнесийн удирдлагын магистр хамгаалжээ.
Н.Энхтайваныг очсон салбар бүртээ эдийн засаг, гадаад худалдаа хариуцаж, энэ чиглэлээрээ ч мэргэшсэн гэж үнэлэх хүмүүс намынхнаас эхлээд цөөн биш. Тиймдээ ч эдийн засгийн мэдлэг, туршлагаар нь 2016 онд МАН-ын бүлэг Ажлын албаа удирдуулахаар болсон гэх юм билээ. Н.Энхтайван 65 гишүүнтэй ажиллахдаа “Эрдэнэт” үйлдвэрийн 49 хувийг төрд авах, Үндсэн хуулийн нэмэлт өөрчлөлтийн ажлын хэсэгт орохоос гадна томоохон хуулиудыг боловсруулж, заримыг нь гардан бичсэн байна. Мөн МАН-ын 2020 оны Их хурлын сонгуулийн мөрийн хөтөлбөрийг голлон зангидсан хүмүүсийн нэг. Тиймдээ ч хөдөлмөр, зүтгэлийг нь үнэлж Гадаад харилцааны сайдаар томилсон биз.
Н.Энхтайваныг Гадаад харилцааны яаманд мэргэжилтнээс эхлээд албан тушаалын шат болгон дээр гишгэсэн хэмээн парламентын танхимд танилцуулж байв. Тэр Бүрэн эрхт Элчин сайдын доод талын албан тушаал буюу “Тэргүүн шадар” дипломат цолтой юм байна. Цагдаагаар жишвэл “хурандаа” гэсэн үг. Мөн сайдын сонин хачинаас нэмэрлэхэд, мэргэжлийн чиглэлийн хэд хэдэн ном бичсэнээс гадна номын сандаа 10 мянган номтой гэдэг юм билээ.
Гадаад харилцааны сайд Н.Энхтайван салбарын өмнөх сайд нар, гадаадын элчин сайдуудтай уулзаж туршлага судлах замаар ажлаа эхлүүлжээ. Өөрийнхөөрөө дайралгүйгээр өрөөлийн үгийг сонсох нь зөв ч яг энэ цаг үед бол гадаадад гацсан монголчуудаа эх оронд нь авчрах л нэн тэргүүний ажил болоод байна. Мөн эдийн засаг, худалдааны мэдлэгээ ашиглаж цар тахлын хүнд хэцүү үед хөрөнгө татах ажлыг ч шуурхайлах хэрэгтэй. Түүнээс гадна өмнөх сайд Д.Цогтбаатараас өвлөгдсөн хамгийн том ажил бол дипломат албаныхны хар тамхины асуудал юм. Тиймээс шинэ сайд маань цар тахал, хар тамхитай хэрхэн тэмцсэнээрээ ажлаа дүгнүүлэх болох нь.
С.Уянга
Эх сурвалж: "Зууны мэдээ" сонин
Сэтгэгдэл0
Гадаад яамнынханд МАН нхны хар тамхитай тэмцэх нь гол асуудал болсон уу.
Тэнэг бол хурандаа харандаа байсан хэнч хамаагүй хужаагаас вакцин авч ирж ард түмэндээ туршилт хийж алах гэдэг хурандаа байна гэдэг бол бараг шившиг зүгээр уучлал гуйгаад сандал дээрээ зайлбал нэр төр шүү. Нэг хужаагын бөгс долоогоод танайх хурдан вакцин гаргаарай бид эхлээд авна ч гэх шиг мал чинь цэргийнхэн угаас ийм хөлдүү новшууд болохоор цэрэг хүнээр бодлого яриауулж болохгүй.
гадаад хэргийн сайд ухаантай юм бол цаашдаа гадагшаа гарах үгээ олж хуцаж сурсан чинь дээр байх шүү новш минь
Ингэж гадаад хэргийн сайд хийснээс хийгээгүй дээ. Муу сайд бн.
Хэт жул хүн томилогдсон. ОХУ-ын Сергей Лавров, Хятадын Ван И нарын хажууд памперстай жаал л гэсэн үг.
xa xa
Цогтбаатараас ч илүү зоригтой, шаргуу ажиллаж хэдэн арын хаалганы мэдлэг боловсрол нимгэн бацаануудаасаа салаарай даа. Дандаа дарга нарын хэлээ хазсан ажил хийдэггүй бусдаар хийлгэчих гэсэн санаатай залуучуудаар танай яам дүүрэн шүү дээ.
Гадаад яаманд Менхоргилоос еер хун харагддагуй л юмдаа