Орос-Монголын найрамдалт хамтын ажиллагааны өдрийг тохиолдуулан ОХУ-д Элчин сайдаар ажиллаж байсан, ахмад дипломатч Н.Мишигдоржтой ярилцлаа.
-Та 1990-1994 он буюу зах зээлийн нийгмийн шилжилтийн үед одоогийн ОХУ-д Элчин сайдаар ажиллаж байсан. Тэр үеийн хоёр орны харилцааны онцлогийн тухай яриагаа эхлэх үү?
-1980-аад оны дундуур ЗХУ-д сүржин эхэлсэн өөрчлөн байгуулалт, ил тод байдал гэгч авантурист бодлого нь дөрөвхөн жилийн дараа улс орноо сүйрлийн ирмэгт аваачсан хүнд бэрх үед би ЗСБНХУ-д БНМАУ-ыг төлөөлөн суухаар Москвад томилогдон очсон байдаг. Байдал хүнд байсан гэвэл юу ч хэлээгүйтэй адил юм. М.Горбачевыг дэлхийгээр явж өөрчлөн байгуулалт, шинэ санаачлагын талаар “үлгэр” ярьж явах хооронд улс орон нь эзгүйрч, систем задарч байв. Юм юм ховордож, хүнсний хомсдол ч гаарсан. Алт зарж хүнсний хангамжийг тогтворжуулахыг оролдсон боловч алтны нөөц нь барагдсан тухай тэр үед хэвлэлд мэдээлж байв. Гэхдээ нэг зүйл онцлоход ЗХУ ийм хүнд үедээ ч Монголоос их өр, зээлийн төлбөр нэхээгүй юм.
Зээлийн асуудлаар ЗХУ-ын зүгээс ямар ч асуудал сөхөж тавиагүйг хэлэх ёстой. Монголын эдийн засаг, ард түмний аж байдалд ямар ч хохирол үзүүлэхгүйгээр шийдвэрлэнэ гэдгийг ЗХУ-ын нам, төрийн дээд удирдлага албан ёсоор мэдэгдэж байсан ийм л үе юм даа.
-Дараа нь Их өрийн асуудлыг манайд ашигтай шийдэж өгсөн л дөө. Энэ нь мөн л хоёр орны хамтын ажиллагаанд гарсан нэг шинэ дэвшил байсан?
-Тийм ээ. ОХУ өр зээлийн асуудлыг шийдвэрлэж цэг тавьсан. БНМАУ 1922-1989 он хүртэлх 70 жилийн хугацаанд Зөвлөлт-Орос Улсаас авсан зээл 10 орчим тэрбум рубль болсон байлаа. Энэ зээлийн эргэн тойронд үнэн, худал хэчнээн шуугиан дэгдээснийг ард түмэн маань мэдэх хойно дахин нурших хэрэггүй биз. Одоо Монгол Улс гэхэд 27.5 тэрбум ам.долларын ихээхэн хатуу нөхцөлтэй зээлийн өртэй сууж байна. Хамгийн гол нь хэнд ашигтай, юу бүтээв гэдэг асуудал анхаарал татаж байна. ЗХУ задран бутарсны дараа хоёр талын харилцаа, хамтын ажиллагаа Монголын талаас төлбөр хийж чадахгүйн улмаас үе үе мухардалд орж байв. Валютын болон экспортын бараа хомс, хамгийн наад захын хэрэгцээ дутагдах, шатахууны хомсдол үүссэн. Энэ үед оюутан сурагчдаар 10-20 литрийн бетоноор шатахуун зөөлгөх хөгтэй бөгөөд хариуцлагагүй үүрэг даалгавар ЭСЯ-д ирж байсан.
Улс хоорондын харилцааны асуудлыг бусад руу чихэх, Зөвлөлт Оросыг үгүйсгэх, тусламж дэмжлэгийг нь харлуулах бэхдэх оролдлого Монголд байсныг нөгөө талд сайн мэдэж, мэдэрч байсан юм шүү. Тэгэхдээ ОХУ-ын талаас асуудлыг хурцатгахыг хүсээгүй, тийм оролдлого огтхон ч хийгээгүй. Ардын хэлээр ярьвал “тэмээ туйлаад тэнгэрт гарахгүй, ямаа туйлаад янгиа эвдэхгүй” гэсэн зарчмаар зөнд нь орхиж байсныг энд дурдах нь зүйтэй.
-Тухайн үед улс хоорондын харилцаанаас гадна иргэд хоорондын ах дүүгийн харилцаа их хүчтэй байсан юм шиг санагддаг. Одоо ч хэвээрээ байна. Тийм ээ?
-Монголчууд бидний санаачлага, бүтээлч хөдөлмөрийн эхлэл эс ширхэг бүрийн үндэс нь зөвлөлтийн ард түмний тусламж, дэмжлэг байсан юм шүү. Тоо баримт дурдахаа болъё. Нүдэнд харагдах, гарт тэмтрэгдэх баримт зөндөө. Тааламжтай сэтгэгдэл төрүүлсэн олон зүйл Монголд тааралдаж байсны дотор аж үйлдвэр, ХАА ялангуяа, гэгээрэл, боловролын салбарт үнэхээр бахархам амжилтад хүрчээ гэдгийг нүүр бардам хэлнэ.
-Ер нь Монгол Улсад хөршийн харилцаа их чухал. Хоёр том гүрний дунд байдаг. Та Элчин сайдаар ажиллаж байхдаа ямар бодлого хэрэгжүүлж байсан юм бэ. Ямар томоохон ажлуудыг эхлүүлж байв?
-Дэлхийд цартай хоёр их гүрэнтэй хаяа хатган оршихыг хүмүүс янз бүрээр тайлбарлах байх. Би хувьдаа завшаантайд тооцдог. ЗХУ-тай харилцах манай мэтийн буурай орны хувьд дэлхийтэй харилцахтай адил гэж би хэдэн жилийн өмнө бичсэн удаатай. Санаа нь ойлгогдоно байх гэж бодож байна. Хөрш зэргэлдээ орнуудын хооронд бэрхшээлтэй асуудал бишгүй гардгаар барахгүй, бүр зэвсэгт мөргөлдөөнд хүргэх нь бий. Манай улсын хувьд ялангуяа, хойд хөрштэйгөө улс үндэсний хэмжээнд яригдахаар хэцүү, хурц асуудалтай хэзээ ч тулгарч байгаагүй. Түүгээр ч барахгүй ЗХУ Монгол Улсын тусгаар тогтнолын баталгаа болж байсан билээ. 1939 оны хэрэг явдал, Гурван их гүрний тэргүүн нарын Ялтад болсон уулзалт, И.Сталины Монголын тусгаар тогтнол, нутаг дэвсгэрийн бүрэн бүтэн байдлыг хамгаалсан хатуу байр суурь, 1970-1980 онд Монголд зөвлөлтийн цэрэг байрлаж байсан зэрэг нь хэн ч няцаашгүй нотолгоо мөн. Зөвлөлтийн тал бүрийн тусламж, хожим нь хоёр орны харилцаа, хамтын ажиллагаа нь Шинэ Монгол Улс хөл дээрээ зогсох, эдийн засгийн талаар биеэ даах боломжийг бүрдүүлсэн.
-Саяхан ОХУ-ын Ерөнхийлөгч В.Путин манай улсад айлчиллаа. Хоёр орны өнөөгийн хамтын ажиллагааг та юу гэж дүгнэх вэ?
-ОХУ-ын ерөнхийлөгч В.Путин манай оронд хоёр дахь айлчлалаа хийлээ. Амжилттай болсон гэхэд эргэлзэх юм алга. Төмөр зам манай орнуудын хамтын ажиллагааны чухал объект. Энэ асуудалд хоёр хөрш маань аль аль нь сонирхолтой байгаа. Бид үндэсний эрх ашгийн дэнслүүр тавин байж оновчтой тохиролцоонд хүрэх ёстой. Владимир Путин Хятадын нутаг руу байгалийн хийн хоолой тавих хамгийн дөт бөгөөд үр ашигтай маршрут нь Монголын нутгаар дамжуулан тавих явдал байж болохыг Миллерт сануулсан. Судалж үзэхийг санал болгосон. Бид идэвхтэй ажиллах хэрэгтэй байна. Түүнчлэн Халх голын ялалтын ойг тэмдэглэхдээ ОХУ- тай урьдчилан саналаа зөвлөлдөхийн зэрэгцээ геополитик, бүс нутгийн аюулгүй байдлын асуудалтай холбож үзэж байх нь зүйтэй гэж боддог. Мөн намайг сайдаар ажиллаж байх үед хоёр орны иргэд харилцан визгүй зорчдог байсныг болиулах тухай Монголын талын саналыг нөгөө тал ихэд гайхаж дахин тунгааж үзэхийг анхааруулж байж билээ. Хэдэн жилийн өмнө В.Путины манай оронд хийсэн анхны айлчлалын үеэр иргэд харилцан визгүй зорчихыг сэргээснийг хүмүүс санахаар барахгүй сайшаан дэмжиж байсан даа.
-Дэлхийд тэргүүлэгч хоёр гүрний дунд оршиж буйн хувьд бидэнд ямар боломж байна гэж харж байна вэ?
-Экспортын нөөц хомс, нэр төрөл нь цөөн, задгай импорттой манай орны хувьд гадаад харилцаа чухал нөлөөтэй. Ёстой л хийгүй, өөгүй ажилладаг зохицуулах төв хэрэгтэй. Гэтэл гадаад харилцаа хариуцдаг бүтцийнх нь нөлөө харагдахгүй байгаагийн дээр өөрийнх нь бүтэл муутай ажиллагааны улмаас нэр хүнд нь унах хандлагатай байна. Энэ нь маш том аюул шүү. Нөгөө талаар манай орны үүх түүхтэй холбоотой баялаг материал, ном зохиол тэмдэглэл урд, хойт хөршүүдэд элбэг байдаг юм. Харамсалтай нь бид эдгээрийг эзэмшиж чадахгүй байна. Тухайлбал, Монгол судлалын үндсийг тавьсан Миллер, Фишер, Паллас, Иериг, Шмидт нарын зохиол бүтээл монгол хэлээр гараагүй. Эд цөм немец гаралтай боловч Оросын эзэн хааны Академич, докторууд, монгол-судлаачид, эрдэмтэн судлаач Пржевальский, Потанин, Певцов, Козлов, Обручев, Роборовкий нарын бандгар бандгар зохиол бас л монгол хэлнээ одоо хэр нь орчуулагдаагүй. Хятад хэл дээр илүү сонирхолтой материал байгаа нь Бээжинд сууж байсан Оросын лам-судлаач П.Кафаров Монголын нууцын араас уйгагүй хөөцөлдөж байж нэгэн танил эрдэмтнээрээ эзэн хааны номын сангаас эх бичвэрийг сэм авч орчуулан гаргаснаар нийтийн хүртээл болгож чадсан нь харуулж байгаа юм. Бирваа гуaйн хэлснээр монголын түүхийг хэн дуртай нь эрээчдэг болсон энэ цагт хэнээс ч, юунаас ч хамааралгүй бүтээсэн судалгаа, тэмдэглэл ихээхэн үнэ цэнэтэйн дээр үнэнийг өгүүлж байгаараа ач тустай юм.
-Мөн дипломат албатай холбоотой таагүй мэдээллүүд гарах болов. Ахмад дипломатын хувьд сэтгэл эмзэглэж л суудаг байх?
-Энэ салбарын угийн угжирсан “өвчин” дээр эрхтэн дархтан, танилуудынхаа захиалгад дарагдах болсон нь илт харагдах боллоо. Даяаршил, дэлхийн аж ахуйн интернационалын нөхцөлт харилцааг тоо үзүүлэлтээр өсгөх, өргөтгөх, улс “гэрээ” сурталчилах нэрийдлээр орон алгасалгүй, дамжин төрийн айлчлал хийх, зардал, чирэгдэл ихтэй олон улсын хурал зөвлөлгөөнд тогтмол оролцох, эдгээрийг эх орондоо зохион байгуулах нь улс төр, эдийн засгийн хувьд өчүүхэн ч ач холбогдолгүй юм. Үлгэрлэн хэлбэл “ус өрөмдөхтэй” адил хоосон зүйл. Төрийн өндөрлөгүүд богино хугацаанд шил шилээ даран нэг оронд төрийн айлчлал хийдэг хачирхалтай үйлдэл Монгол Улсаас л гарлаа. Адууныхаа хэрээр исгэрч, хөнжлийнхөө хэрээр хөлөө жийвэл дээрсэн. Миний бодлоор гадаад бодлогын ноён нуруу “шохойжиж” зохицуулагч төвийн ажилтнууд үйл ажиллагааны агуулга, үр дүнг биш, хэлбэрийг эрхэмлэн олон намын сүүдэр дайрчихаад байна даа.
Т.Батсайхан
Эх сурвалж: "Зууны мэдээ" сонин
Сэтгэгдэл0
БСШУС-ын Төрийн нарийн бичгийн дарга Б.Баярсайхан АНУ-ын Сан-Франциско хотод консулаар “дэвших” гэж байгаа гэв үү. Бүр түүнтэй тус яаманд гар нийлэн ажилласан сайд гэх, одоо АНУ-д суугаа Элчин сайд Ё.Отгонбаярын татаас яваа сурагтай. Гадаад харилцааны сайд Д.Цогтбаатар та энэ талаарх мэдээллийг сонссон л байлгүй.
odoo medej bgaa ym shig bitgii shaa bugd medej bgaa mongoliig ustgah bodlogo barij bgaa humuus bna
Н.Мишигдорж мэтийн орос ах шүтсэн зомбинууд өнөөдөр орос ах чинь Монгол улсыг саарал жагсаалтанд оруулахыг дэмжиж саналаа өгсөн гэдгийг мэдсэн үүү
Ene Otgonbayar USAd elchingeer ochsnoos hoish Muj mujuudaar elchingees ajilchid yavad MGLchuudiin passport gerlelt bvrtguuleh geh met asuudliig jildee hed heden udaa gazar deer n ochij ajillaj shiiddeg ajil bvr bhgui bolson. Ingej omnoh hiij bsniigaa muutgaj ajillana gej iy bdgiin. Ulaanii muu nohoi
Монгол улс гадаад улс руу хятад цусны хүмүүсийг элчин сайдаар томилон явуулдагаа ХЭЗЭЭ болих вэ? Монголын гадаад дах томилгоог Бээжингийн тусгай албад МАН-р дамжуулан шийддэг болчихсон юм биш байгаа.Рекетчин дээрэмчин шамшгар Ё.Отгонбаяр бол цэвэр хятад цустай хүн гэдгийг өмхий малнууд яагаад өдий болтол тооцож үзэхгүй байна вэ?
Энэ эрхэм тун сайхан ярьжээ. Эргэцүүлэн бодожтунгаагууштай.
крымийн татаар монгол ард түмэн өөрийн санал хүсэлтээр орсын бүрэлдэхүүнд орсон асуудлаар НҮБ ийн ассемблейд санал асуулга болоход монгол улс хятад улсын талд орж орсын эсрэг санал өгсөн Орсын бүрэлдэхүүний улс куба венесуль серб словен болгар бусад хөрөнгөтөн улс орнууд орсын талд санал өгсөн орсын эсрэг снал өгчихөөд цогтбаатар маргааш нь арабын эмират тэгээд сингапурт явж байсан крым рүү франц турк англи 1851--1855 он хүртэл бараг дэлхийн `1-р дайнтай тэнцэх дайн болж орсын усан цэрэг 90 хоног бүслэгдэн эсэргүүцэн дайтаж байсан орсын газар нутаг шүү дээ монголын гадаад яамны дипломатууд далдуур нууцаар орсийг эсэргүүцдэг жишээ нь союзны улс белорустай элчин сайд байх шаардлага байгаа ч юм уу үгүүй ч юм уу
Цогтбаатарыг ногоочин хятадын хүүхэд гэж гадуур яригдаад байх юм .Энэ үнэн үү?
Зөв зүйл ярьсан байна. Харамсалтай нь охин хүргэн ач гучаа бүгдийг Ануруу гаргачихсан, оросоор дайрахгүйгээр тийшээ яваад байдаг хүндээ. Яагаад Орос руу гаргаагүй юм бол. Дандаа нэгийг ярьж нөгөөг хийдэг. Гэхдээ салхи мэдэрч шүлстэй хуруугаа өргөн сууж байдаг лаг гаруудын үгэнд цэнэ цэнэтэй зүйл их бий шүү.
Хоёр орны харилцааны талаар хэлсэн санаануудыг тунгааж ойлгох байтал шууд дайрч байгаа хийсвэр нөхдийг яалтай билээ. 10 тэрбумаар боссон Эрдэнэт, Дархан, Цахилгаан, дулааны станц гээд яривал олон зүйлийг ОХУ хийснийг мэдэх, мэдэхгүй хүмүүс их байна. Гэтэл өнөөдөр манай улс 30 шахам тэрбум долларын өртэй боловч ард түмэнд наалдах юу байна гэдгийг ойлгодоггүй толгойнууд олон болжээ.
3-р станц 1979 онд түлш дамжуулах кониверууд дробилк разгрузочный сарай ирсэн вагонтой нүүрсийг хөмөрч асгадаг решётка юу ч үгүй дэлбэрч хот ""ноль "" сууж өч төчнөөн хүн үхэж станцын дарга цехийн дарга инженер баривчлагдаж шоронд орж байлаа улс төрийн товчоо өдөр бүр станц дээр хуралдаж байв орсын тэц строй болон ЗХУ ын онгоцоор өдөр бүр материал техник зуу зуугаараа мянгаараа мэргэжилтэн ирж сарын дотор бүгдийг шинээр босгож байлаа үнэ төлбөргүй мантажилж байлаа монгол улс 3 4-р станц шиг жинхэнэ дулаан гаргадаг уур гаргадаг цахилгаан гаргадаг турбинтай станц бариагүй шүү дээ орсын техник шинжлэх ухаан хоцрогдсон гэж номлож барууныг шүтдэг юмс ядаж москвагийн барилга метронуудын уран зургийн галарей шиг дотор талыг үзээсэй цахилгаан дулааны станц нарны цацраг шиг зам талбайг үзээсэй
3-р станц 1979 онд түлш дамжуулах кониверууд дробилк разгрузочный сарай ирсэн вагонтой нүүрсийг хөмөрч асгадаг решётка юу ч үгүй дэлбэрч хот ""ноль "" сууж өч төчнөөн хүн үхэж станцын дарга цехийн дарга инженер баривчлагдаж шоронд орж байлаа улс төрийн товчоо өдөр бүр станц дээр хуралдаж байв орсын тэц строй болон ЗХУ ын онгоцоор өдөр бүр материал техник зуу зуугаараа мянгаараа мэргэжилтэн ирж сарын дотор бүгдийг шинээр босгож байлаа үнэ төлбөргүй мантажилж байлаа монгол улс 3 4-р станц шиг жинхэнэ дулаан гаргадаг уур гаргадаг цахилгаан гаргадаг турбинтай станц бариагүй шүү дээ орсын техник шинжлэх ухаан хоцрогдсон гэж номлож барууныг шүтдэг юмс ядаж москвагийн барилга метронуудын уран зургийн галарей шиг дотор талыг үзээсэй цахилгаан дулааны станц нарны цацраг шиг зам талбайг үзээсэй
Chisteishii ortodoks kommunist yum daa. Ednii veiihen zaluu veiig mun ch ih horduuljiinaa. Tegeed bas uuriinh ni vr hvvhdvvd tsum ANU-d baidag gejuugaa.
Heterhii orosiig shutdeg hun yum odoo ah duu bish ail horshiin l harizaatai baih heregtei uridnii bidnii meddeg oros bish bolson shu de
тиймээ шохойчижхоод монголын үндсэрхэг үзэлтнүүд орос гэхээсээ илүүтэй барууныхантай нийлж монголын байгалийн баялгаар тоглоод ард түмнийг цөлмөж мөнгөө оффшорт хийгээд байснийгээд л гадаад явж хэд хэдэн хаустаа амидарч л байгаа орос хятадт мэдчих вий дэлхий даяар мэдэх вий гэж маш ихээр нуудаг одоо саарал жагсаалт бүгдийг ил болголоо марксынхаар эдийн засгийн үндэс нь хувийн хөрөнгө хөрөнгөтөн бол түүнээ дагасан давхарга төр засаг шүүх прокурор банк санхүү гадаад дотоод бодлого хөрөнгөтний талд үйлчилдэг ард түний гэх юм байхгүй гэдэг нь үнэн ажгуу Хувийн хөрөнгө хөлсний ажилчин ами зуух мөнгө эрүүл мэндгүй боловсролгүй ажилгүй утаанд утуулж ажлуулаад хар урцандаа бөө лам удганд мөнгөтэй болох ном уншуулаад аргаа барж үхэх зам бий Бүх хүн нэг тогоотой түүнээсээ тэгш авч идэх хүй нэгдлийн тэгш нийгэм бий Энэ нь хүн бүр тэгш амины өмчтэй байна гэсэн үг
Зөвхөн бизнесийн хар ухаан дээр нь хор найруулахаас өөр юм мэдэхгүй бөх хүнээр ерөнхийлөгч болгосоны гор гарч байна шүү дээ.
Mongoliin Toriin gadaad bodlogo bol bogino hugatsaand hujaagiin manan mafid har tamhinii naimaagaar mongo bosgohod chiglesen. Uuniig "shohoijih" gej nerleh ni teneglel yumdaa.