Өнгөрсөн онд БУЛГАН 1=ХЭНТИЙ 3 гэсэн пайз бариад Булган, Хэнтийн хүн ам ойролцоо, хотоос алслагдсан зай нь ижил байж УИХ-д яагаад Булганаас нэг гишүүн, Хэнтийгээс 3 гишүүн байна вэ? хэмээн хуульч Б. Гүнбилэг хэвлэл мэдээллээр ярьж, Үндсэн хуулийн цэцэд хандаж байсан. Ингээд Булган нэг мандаттай байснаа одоо хоёр болсон билээ. Харин Хэнтий мөчөөгөө өгөхгүй 3-тай л байгаа.
 
 
 
Гэтэл хуульч Б. Гүнбилэг Хэнтий, Булган хоёрыг дахиад харьцуулж, бичих болжээ. Ингэснээрээ Хэнтийн гаралтай Ерөнхий сайд У.Хүрэлсүх, Хэрэг эрхлэх газрын дарга Л.Оюун-Эрдэнэ нараас Үндсэн хуульд заасан иргэдийн тэгш эрх, тэгш байдлыг нэхсэн бололтой.
 
 
 
Тэрээр:
Хэнтийн Бэрх тосгон Кэмбриджийн сургалттай олон улсын сургууль барьж байна. Булганы Хялганатад байтугай, аймаг даяар ийм сургууль бий юу?#ТэгшЭрх
Булганы төв халуун усгүй. Хэнтийн Бэрх тосгон халуун ус, дулааны станцтай. Зөвхөн нэг тосгон байж бараг Булган шиг төсөвтэй. #ТэгшЭрх-ҮндсэнХууль
Хэнтий аймгийн сумдууд нь төсвөөс жишээ нь Өмнөдэлгэр сумын төв дотроо засмал замтай болжээ. Би Булганд санадаггүй ээ. #ЭдийнЗасгийнТэгшБайдал-Үндсэн хууль.
 
Хэнтий аймгийн сумын соёлын төвүүдэд улсын төсвөөс 16,6 м2 ЛЭД дэлгэцүүд тарааж байна. Булган аймгийн хэмжээнд аймгийн Театрт ганцхан ЛЭД байгаа ба зөөсөөр байгаад хэмхэрчихэж. Булганы театрынхан засаад л үзээд байна гэнэ.
 
#ЭдийнЗасгийнТЭГШэрх-Үндсэн хууль.
#Хэнтийн аймгийн төвд улсын төсвөөр нийтийн тээвэрт эко автобус явж байна. Булганы төвд улсын төсвийн эко байтугай, зүгээр автобус ч харагдахгүй байна.
#ЭдийнЗасгийнТЭГШэрх-Үндсэн хууль.
#Хэнтий аймгийн Хэрлэн сумын баг бүр нь, баг бүр нь шүү, Багийн хөгжлийн болон ахуйн үйлчилгээний төвтэй болсон. Баг бүр нь шүү, ахуйн үйлчилгээний төв шүү. Би Булганд баг бүрт тийм Багийн хөгжлийн болон ахуйн үйлчилгээний төв улсаас барьж өгсөнийг санадаггүй ээ. Булганчууд бид яаж амьдраад байгаа юм бэ?
#ЭдийнЗасгийнТЭГШэрх Үндсэн хууль.
Үнэхээр ч Булган аймаг 21 аймгаас хөгжлөөрөө 21-т ороод байгаа юм билээ.