Улаанбаатар /МОНЦАМЭ/. Үндэсний их баяр наадмын хязаалан насны морьдын уралдаанд 184 хязаалан шандас сорьсноос Хөвсгөл аймгийн Мөрөн сумын уугуул, Ажнай галын гишүүн Л.Даяндэмидийн хонгор үрээ түрүүлж, торгон жолоо өргүүллээ.
Харин аман хүзүүнд Өвөрхангай аймгийн Баян-Өндөр сумын уугуул Д.Мөнхбатын зээрд үрээ хурдалжээ. Айргийн гуравт, Баянхонгор аймгийн Бууцагаан сумын уугуул Н.Баттөмөрийн хүрэн, айргийн дөрөвт Улаанбаатар хотын Чингэлтэй дүүргийн Т.Цогбадрахын "Зурвас"цавьдар , Төв аймгийн Баян сумын уугуул Б.Нямжавын хээр үрээ хурдаллаа.
Дашрамд дурдахад, Ноднин Үндэсний их баяр наадмын хязаалан насны морьдын уралдаанд Дорнод аймгийн Чойбалсан сумын харьяат УИХ-ын гишүүн Х.Болорчулууны зээрд үрээ түрүү магнайд тодорч наадамчин олноо баясгасан. Харин аман хүзүүнд Булган аймгийн Гурванбулаг сумын харьяат Д.Хишигжаргалын хурдан үрээ хурдалсан юм.
Өнөөдөр 14.00 цагаас Хүй долоон худагт Шүдлэн насны морьдын уралдаан эхэлнэ.
С.Мөнхбаатар
Эх сурвалж: Монцамэ агентлаг
Сэтгэгдэл0
Хонгор нутгийн уяач Баттөмөртөө баяр хүргэе, хүлгийн хийморь мөнхөд ивээх болтугай.
Ховсголоос Монгол торийн хурдан морины салхийг нь хагалж Хязаалан урээ турууллээ, алдарт Наран хонгорын тол Торийнхоо наадамд туруулж Тумэн олноо баясгалаа, цаашид Ховсголчуудээс юм юм гарах байлгуйдээ, Монгол Тумэн Минь сайхан наадаарай
Ховсголоос Монгол торийн хурдан морины салхийг нь хагалж Хязаалан урээ турууллээ, алдарт Наран хонгорын тол Торийнхоо наадамд туруулж Тумэн олноо баясгалаа, цаашид Ховсголчуудээс юм юм гарах байлгуйдээ, Монгол Тумэн Минь сайхан наадаарай