Улаанбаатар /МОНЦАМЭ/. Монголын үндэсний олимпын хороо /МҮОХ/-ны Гүйцэтгэх зөвлөлийн гишүүн, Тамирчдын комиссын дарга, гавьяат тамирчин, "Рио-2016" олимпын хүрэл медальт Д.Отгондалай Монгол Улсаас Узбекстан улсад суугаа өргөмжит консул Абдугафур Рахимовыг хүлээн авч уулзан, хамтын ажиллагааны тухай санал солилцов.
 
 
 
Абдугафур Рахимов нь Узбекистан улсад суугаа өргөмжит консулын ажлыг 12 жил гүйцэтгэж буй бөгөөд тус оронд зохион байгуулагдсан олон улсын тэмцээнүүдэд оролцсон Монголын баг тамирчдад дэмжлэг, туслалцаа үзүүлсээр ирсэн юм.
 
 
 
Тэрбээр мөн цаашид Монголын баг тамирчдад бүх талын дэмжлэг үзүүлэн ажиллахаа илэрхийллээ гэж МҮОХ-ноос мэдээллээ.