sonin.mn
Сэтгэгдэл (8)

Улсын баяр наадам дөхөх бүрт дэгддэг маргааны нэг нь Дархан аварга А.Сүхбат, Г.Өсөхбаяр нарын хэн нь бөхийн барилдааны зүүний магнайд гарч, алдар цолоо дуудуулж, ам авах вэ? гэдэг асуудал. Энэ маргаанд цэг тавихын тулд нэгдүгээрт Монгол бөхийн түүхэн дэг жаяг, уламжлал талаас нь хариулах ёстой. Монгол бөхийн нэг соёл бол дархан аваргуудаа дархлах билээ.


Өөрөөр хэлбэл Дархан аваргуудыг эрэмбэлэх ганцхан шалгуур нь түрүүлж уг цолыг л авах явдал юм.


Гэтэл үүнд нэг асуудал үүснэ. Учир нь Г.Өсөхбаяр, А.Сүхбат нар яг нэг өдөр Ерөнхийлөгчийн зарлигаар дархан аварга болсон. Гэхдээ эрх зүйн хувьд хэдийгээр нэг өдөр гарч буй зарлиг ч минут, секундын зөрөөтэй байдаг. Баримт үзвэл яах аргагүй Ерөнхийлөгч эхлээд А.Сүхбатад дархан аварга олгож буй зарлигийг эхэлж дуудсан байдаг бөгөөд үнэмлэхний дугаар нь ч Г.Өсөхбаярын өмнө байдаг.


Гэтэл Монголын Үндэсний Бөхийн Холбоо гэгч ердийн Төрийн бус байгууллага дархан аваргуудыг амжилтаар эрэмбэлэх дүрэм гэгчийг баталж, энэ бүх маргааныг дэгдээжээ.


Иймээс ч Монгол бөхийн дэг жаяг талаасаа ч, эрх зүйн үүднээсээ ч үндэслэл муутай энэ шийдвэрийг нэн даруй цуцлах нь зөв юм.

Өөрөөр хэлбэл А.Сүхбат ямар ч маргаангүйгээр Г.Өсөхбаярын дээр эрэмбэлэгдэх ёстой.


М.Гал