Ням - 05 сарын 17,
2026
5-р сарын 13-нд Тажикистаны Ерөнхийлөгч Эмомали Рахмон Хятадын үйлдвэрлэлийн салбар, ялангуяа автомашин, мотоциклийн салбарын хөгжил түүнд гүн сэтгэгдэл төрүүлсэн гэж мэдэгдэв. Тэрээр Хятадын үйлдвэрлэлийн аж ахуйн нэгжүүдийг Тажикистанд үйл ажиллагаа явуулахыг дэмжиж байгаагаа илэрхийлж, энэ нь хоёр тал тус тусын давуу талаа ашиглан ирээдүйд хоёр талын эдийн засаг, худалдаа, харилцан ашигтай хамтын ажиллагааг улам бүр нэмэгдүүлэх боломжийг олгоно гэж онцоллоо.
5-р сарын 13-ны өглөө Рахмон онгоцоор Хятадын Чүнчин хотод хүрч, тус хотын хоёр үйлдвэрлэлийн байгууламжаар зочилж, холбогдох компанийн төлөөлөгчидтэй уулзаж, яриа өрнүүлэв.
"Хятадын үйлдвэрлэлийн аж ахуйн нэгжүүд автоматжуулалт, оюун ухааны өндөр түвшинг харуулж байна, өнөөдрийн зочилсон хоёр компанийн бүтээгдэхүүн надад маш гүн сэтгэгдэл төрүүлэв" гэж Рахмон тэмдэглэв. Тэрээр Тажикистан нь ашигт малтмалын баялаг ихтэй, ажиллах хүчний нөөц ихтэй тул хоёр тал харилцан нөхөх боломжийг бүрдүүлж байгааг тэмдэглэв. Түүнчлэн Хятадын аж ахуйн нэгжүүдийг Тажикистанд хөрөнгө оруулалт хийж, бизнес эрхлэхийг хүсэж байна гэжээ.
Сүүлийн жилүүдэд Хятад, Тажикистаны эдийн засаг, худалдааны хамтын ажиллагаа хурдацтай өсч байна. 2025 онд хоёр улсын импорт, экспортын нийт хэмжээ 30 гаруй тэрбум юаньд хүрч, өмнөх оны мөн үеэс 12.5%-иар өссөн байна.
Г.Бямба
Сэтгэгдэл1
Арван жилийн өмнө Индонези улс анхны хурдны галт тэрэгний төслөө эхлүүлэхэд Япончууд хамгийн түрүүнд санал тавьжээ. Тэд олон тэрбум зорчигчийг нэг ч осол эндэгдэлгүй тээвэрлэж чадсан алдарт "Шинкансэн" технологио санал болгохдоо ганцхан хатуу болзол тавьсан юм. Тэр нь: "Засгийн газар тань баталгаа гаргаж, аюулгүй байдлын стандартыг дээд зэргээр сахих ёстой" гэв. Харин Индонезийн тал үүнээс шууд татгалзсан байдаг. Яг энэ эгзэгтэй үед Хятад улс орж ирэв. Тэд "Танай улсын төсвөөс сохор зоос ч гаргуулахгүй, засгийн газрын баталгаа ч хэрэггүй. Зүгээр л хувийн хөрөнгө оруулалтаар бүхнийг шийдчихье" гэсэн үлгэрийн мэт амлалт өгчээ. Хамгийн хямд, хамгийн хурдан, бас ямар ч дарамтгүй сонголт мэт харагдсан энэ санал үнэндээ маш том "хавх" байлаа. Өнөөдөр байдал ямар байна гээч? Индонезийн Ерөнхийлөгч Прабово нэгэн гашуун үнэнийг хүлээн зөвшөөрөхөөс өөр аргагүй байдалд хүрчээ. Хятадын зээлийг дарахын тулд тэд ард түмнийхээ халаас руу, татварын мөнгө рүү гар дүрэх шаардлагатай болсон байна.