sonin.mn
Сэтгэгдэл (0)
 7-р сарын 13-нд БНХАУ-ын Гадаад Харилцааны Сайд Ван И Тажикстаны нийслэл Душанбе хотноо Тажикстаны Гадаад Хэргийн Сайд Мухридинтай хамт хэвлэлийн бага хурал хийлгэлээ.
 
Энэ үеэрээ Ван И: "АНУ 8-р сарын 31-нд Афганистанаас цэргээ татах үйл ажиллагаагаа дуусгана гэж саяхан мэдэгдлээ, Афганистаны нөхцөл байдхл маш эгзэгтэй үедээ орж байна. Энэ тухай Хятадын талын байр суурийг илэрхийлээч" гэсэн сэтгүүлчийн асуултанд хариулжээ.
 
Тодруулбал Ван И: "АНУ Афганистанд дайн эхлүүлээд 20 жил болж байна. Гэвч энх тайвныг авчирч чадсангүй. Америк Афганистанаас гарж буй энэ цаг үед өнгөрсөн хугацаанд өөрийн ямар дүрд тоглосноо эргэцүүлэх шаардлагатай байна. Афганистаны эвлэрэл, сэргэн босголтонд ч ямар үүрэг гүйцэтгэхээ бодох хэрэгтэй. Одоо гол нь гурван чиглэлд анхаарах ёстой. Нэгдүгээрт, Афганистаны дайны галыг өргөжүүлэхээс зайлсхийх. Ялангуяа Афганистанд бүх хэлбэрийн иргэний дайн дэгдэхээс сэргийлэх хэрэгтэй. Хоёрдугаарт, Афганистаны дотоодын хэлэлцээрийг шуурхай эхлүүлж, улс төрийн эвлэрлийг бий болгох хэрэгтэй. Гуравдугаарт, террорист бүлэглэлүүд Афганистанд хүчээ тэлэхээс сэргийлэх хэрэгтэй. Афганистаныг террорист этгээдийн бааз болгож хэрхэвч болохгүй" гэжээ. 
 
Г.Бямба