сонин mn
Сэтгэгдэл (65)
Монгол Улс, БНХАУ, ОХУ-ын Худалдаа эдийн засгийн XVI нэгдсэн чуулган манай улсад энэ сарын 8-9-нд болох гэж байна.
"Эдийн засгийн коридорын бүтээн байгуулалтад Худалдаа, аж үйлдвэрийн танхимуудын хамтын ажиллагаа ба түншлэл" сэдвийн хүрээнд зохион байгуулах чуулганаар чөлөөт бүсүүдийн үйл ажиллагаа, хөрөнгө оруулалт, хамтын ажиллагааны талаар ярилцаж, ХАА, аялал жуулчлалын салбарын хэлэлцүүлэг болно.
 
 
 
Уг чуулганд ОХУ-ын талаас тус улсаас Монгол Улсад суугаа Онц бөгөөд Бүрэн эрхт Элчин сайд А.Н.Евсиков оролцохоо илэрхийллээ. Тэрбээр, МҮХАҮТ-ын ерөнхийлөгч О.Амартүвшинтэй уулзах үеэр ийнхүү мэдэгдэв. 
 
Ноён Элчин сайд уулзалтын үеэр хэлэхдээ, Орос, Монголын худалдаа, эдийн засгийн харилцаа тэнцвэргүй байсаар ирснийг залруулах, худалдааг өргөжүүлэхэд МҮХАҮТ-тай хамтран ажиллана гэдгээ мэдэгдэв. Монголын Худалдаа, аж үйлдвэрийн Танхим нь компани, ААН, үйлдвэрлэгчдийн хамгийн том нэгдэл гэж ойлгож байна, ОХУ болон бусад улсад ч ийм бүтэцтэй байдаг.
Цаашид Оросын зах зээлд Монголын бараа бүтээгдэхүүнийг таниулах, экспортыг нэмэгдүүлэхэд хамтын хүчин чармайлт гаргах шаардлагатайг тэмдэглэн хэлэв. Чуулганд ОХУ-аас өргөн бүрэлдэхүүнтэй бизнес групп хүрэлцэн ирж байгааг дуулгасан юм. Монгол Улс, БНХАУ, ОХУ-ын Худалдаа эдийн засгийн XVI нэгдсэн чуулганд мөн ОХУ-аас тус улсын ХАҮТ-ын ерөнхийлөгч М.Н.Катырн тэргүүтэй хил залгаа 13 муж, улсын ХАҮТ-ын удирдлага, нийт 100 гаруй төлөөлөгч оролцох талаар мэдэгдсэнийг МҮХАТ-ын ерөнхийлөгч О.Амартүвшин мэдээллээ.
 
 
 
Тэрбээр, энэ удаагийн чуулган олон жил яригдсан Эдийн засгийн коридорын асуудлыг хөндөж, бодит ажил хэрэг болгоход Танхимууд хэрхэн хамтарч ажиллах талаар хэлэлцэнэ. Чуулганаас гарах Тунхаг бичгийг холбогдох төрийн байгууллагуудад хүргүүлж, үр дүнд хүрэхэд анхаарч ажиллана гээд чуулганы урилгыг гардууллаа.
Уулзалтад МҮХАҮТ-ын дарга Т.Дүүрэн, ОХУ-ын ЭСЯ-ны I нарийн бичгийн дарга И.И.Данзанов, Худалдааны төлөөлөгч М.В.Васильев нар байлцав.