sonin.mn
Сэтгэгдэл (0)

Балбын Дээд шүүхийн дарга асан Сушила Карки тус улсын түүхэнд анх удаа эмэгтэй хүнээр Засгийн газрыг тэргүүлэхээр болж, түр Засгийн газрын Ерөнхий сайдын тангараг өргөлөө гэж Khabarhub мэдээлэв. Өмнөх Ерөнхий сайд Шарма Оли олныг хамарсан эсэргүүцлийн дараа огцорсон юм.


Тангараг өргөх ёслол Катманду хотын Ерөнхийлөгчийн ордонд болов.


Каркигийн томилгоо армийн удирдлага, Ерөнхийлөгч Рам Чандра Паудел болон Gen-Z залуучуудын хөдөлгөөний төлөөллийн хоёр өдрийн хэлэлцээний үр дүнд хийгджээ.


Сушила Карки 2016–2017 онд Дээд шүүхийн даргаар ажиллаж, тус албан тушаалыг хашсан анхны эмэгтэй болсон бөгөөд шүүхийн систем дэх авлигатай тэмцэх байр суурь, идэвхтэй оролцоогоороо алдаршсан. Тэрээр Харилцаа холбоо, мэдээллийн технологийн сайд асан Жаяпракаш Гупта зэрэг өндөр түвшний албан тушаалтнуудыг авлигын хэргээр яллуулсан шийдвэрүүдийг гаргаж байв. Албан тушаалаасаа буусныхаа дараа тэрээр нэртэй иргэний нийгмийн идэвхтэн болсон юм.


М.Чой


Эх сурвалж: tass.com