sonin.mn
Сэтгэгдэл (7)

УИХ-ын гишүүн Д.Ганбат, Ж.Баярмаа нар 9-р сарын 19-нд мэдээлэл хийж, Монгол Улсад 36 их наяд төгрөгийн алдагдал учруулсан гэх төмөр замын хил холболтын гэрээг хянаж, шалгах түр хороо байгуулахаар болсон гэдгээ мэдэгдсэн билээ. Үүнтэй зэрэгцэн УИХ-ын гишүүн М.Нарантуяа-Нара болон сошиал орчин дахь зарим хөлсний троллууд УИХ-ын гишүүн Ж.Баярмааг гэнэт дайрах болсон юм.


Гэвч 36 их наядын алдагдалтай гэх нүүрсний гэрээг шалгах санаачилгыг УИХ-ын гишүүд дэмжсээр байгаа бөгөөд одоогийн байдлаар 17 гишүүн гарын үсэг зуржээ. Өчигдөр гэхэд л УИХ-ын гишүүн Ш.Бямбасүрэн, С.Цэнгүүн нар дэмжсэн байна.


Энэ тухай УИХ-ын гишүүн Ж.Баярмаа: "6 их наядын алдагдалтай гэх нүүрсний гэрээг нууцаас гаргаж, хянан шалгах Түр хороог байгуулахаар Д.Ганбат гишүүний хамт гаргасан санаачилгад үзэл санаандаа үнэнч 3 залуу гишүүн маань нэгдлээ. 


Нийт 17 гишүүн зурж, 15 гишүүн зурах үлдлээ.


Айлын тал биржийн үнээс 5%-л хямдруулж авахыг хүлээн зөвшөөрсөөр атал яагаад 50 орчим доллар болчихсоныг шалган судлах юм.Шударга бус, хулгай, луйврын эсрэг тууштай байгаад баярлалаа" гэжээ.




Г.Бямбадорж