sonin.mn
Сэтгэгдэл (4)

Монгол Ардын намын ЕНБД Я.Содбаатар сэтгүүлчдэд мэдээлэл өглөө.


Энэ үеэрээ: "Төрийн ажил дээр тохиролцоо гэж байхгүй байх. Ер нь МАН-ын эв нэгдлийг хангах үүднээс хоорондоо уулзаж ярилцах, нөхцөл байдалд дүгнэлт өгөх шаардлага бий.



Ийм уулзалт хэд хэдэн удаа болсон. МАН-ын УЗ-өөс Ерөнхий сайдыг огцруулах эсэх асуудлаар хуралдаж болдоггүй, намын дүрэм ийм.



МАН-ын төлөөллийн төв байгууллага буюу Бага хурал Ерөнхий сайдыг томилж, сонгодог. Бага хурлаас УЗ сонгогддог. Бага хурлаас ЕНБД сонгогддог. Тийм учраас доод шатны байгууллага нь өөрсдийг нь сонгодог байгууллагын шийдвэрийг зөв, буруу гэж дүгнэлт хийж болохгүй.


Тийм учраас Ерөнхий сайдыг огцруулах үед УЗ ямарваа нэгэн шийдвэр гаргадаггүй. Тийм ч учраас Ерөнхий сайдын асуудлаар УЗ хуралдахгүй, намын дүрмийн зөрчил болно. УИХ дахь МАН-ын бүлэг ч УЗ-өөс чиглэл авч хуралддаггүй.



Намын ажил намынхаараа, төрийн ажил төрийнхөөрөө явах ёстой. МАН-ын гишүүд хуваагдаж хагарсан зүйл байхгүй. Их хурлын бэлтгэлээ хийгээд хэвийн явж байгаа.



УИХ дахь МАН-ын бүлгийн 68 гишүүний хувьд УИХ-ын даргыг огцруулах, Ерөнхий сайдыг огцруулах тал дээр санал зөрөлдөж байгаа зүйл байна. Энэ асуудлуудаа намын болон улс орны нийтлэг эрх ашгийн төлөө уулзаж ярилцаж ойлголцох ёстой.


Тэр цэг бол УИХ дахь МАН-ын бүлгийн хуралдаан байх болно. УИХ-ын гишүүн Б.Энхбаярыг намаас хөөсөн асуудал дээр эргэн хараач гэдэг хүсэлтийг намын зарим гишүүдээс хяналтын ерөнхий хороонд гаргасан байсан. Гэхдээ би хяналтын ерөнхий хорооны өмнөөс хариулт өгөх боломжгүй. " гэсэн юм.



М.Чой