sonin.mn
Сэтгэгдэл (5)

Төрийн Ордонд эрх баригчид "Монголын Нууц Товчоо"-нд бичдэг шиг "орондоо орох завгүй олзлон булаалдаж" байна. 


Засгийн Газрыг огцруулах санал хураалт УИХ-ын чуулган дээр нийт гишүүдийн 50+1 санал авч хүрэхгүй гэдэг нь ойлгомжтой болж үнэнд гүйцэгдэхээрээ Нүүрсний бүлэглэлийнхэн Төрийн Байгуулалтын Байнгын хорооны дэмжээгүй гэдэг саналыг дэмжье гэдэг санал хураалт явуулахаар болжээ. Ингэснээр 50+1 хувьдаа хүрэхгүй учраас Засгийн газрыг огцруулж болно гэж хор найруулсан хэрэг.


Харин уг залийг мэдсэн Засгийн Газрын талынхан Үндсэн хуулийн цэцэд хандаад байна. УИХ-ын дэд дарга Х.Булгантуяа чуулганы индэр дээрээс facebook ын коммент уншиж, Засгийн Газрын талын гэх УИХ-ын гишүүд би өрөөндөө л ажлаа хийж байна гэх агуулгатай пост хийгээд суух аж.


Энэ эх захгүй, эрүүл ухаанаа алдсан цаг үед явж явж Ардчилсан Нам л Үндсэн хуулиа хамгаалсан шийдвэр гаргаж байгаа харагдана. Тодруулбал УИХ дахь АН-ын бүлэг саяхан хуралджээ.


Уг хуралдаанаар энэ бүх талцал, тэмцлийг хурцатгаж, үргэлжлүүлэн, Үндсэн хуулийн хямрал болгохгүйн тулд Д.Амарбаясгалан, Г.Занданшатар гэдэг хоёр хүний асуудлыг нэг өдөрт хамт шийдвэрлэх ёстой, энэ тохиолдолд УИХ-ын чуулганы нэгдсэн хуралдаанд бүрэн бүрэлдэхүүнээрээ оролцоно гэсэн шийдвэр гаргасан байна.


Зовлонгийн түргэн нь гэж үг бий. Хамгийн гол нь Үндсэн хуулийн хямрал үүсч, элдэв үймээн самуун, хуулийн хийдэл гаргахаас сэргийлэх нь зөв. Иргэд ч энэ их талцал, зөрчлөөс үнэндээ залхаж буй билээ. 


Э.Солонго