sonin.mn
Сэтгэгдэл (2)

Монгол Улсаас Бүгд Найрамдах Латви Улсад хавсран суух Онц бөгөөд Бүрэн эрхт Элчин сайд Н.Оюундарь 2025 оны 12 дугаар сарын 18-ны өдөр тус улсын Ерөнхийлөгч Едгарс Ринкевичс-т Итгэмжлэх жуух бичиг /ИЖБ/-ээ өргөн барив.



Итгэмжлэх жуух бичиг барих ёслолын үеэр Элчин сайд Н.Оюундарь Монгол Улсын Ерөнхийлөгч У.Хүрэлсүхийн мэндчилгээг Бүгд Найрамдах Латви Улсын Ерөнхийлөгч Едгарс Ринкевичс-т уламжилж, хоёр улсын харилцаа, хамтын ажиллагааг улс төр, эдийн засаг, худалдаа, мэдээлэл, харилцаа холбоо, технологи зэрэг боломжтой бүхий л салбаруудад өргөжүүлэн хөгжүүлэх, дээд

түвшний айлчлал хэрэгжүүлэх, иргэд хоорондын хэлхээ холбоог нэмэгдүүлэхийн төлөө хүчин чармайлт гарган ажиллахаа илэрхийлэв.


Ерөнхийлөгч Едгарс Ринкевичс Монгол Улсын Ерөнхийлөгчид хариу мэндчилгээ дэвшүүлж, таатай үедээ Латви Улсад айлчлахыг урилаа. 



Түүнчлэн Элчин сайд Н.Оюундарийг ИЖБ-ээ өргөн барьсанд баяр хүргэн ажлын өндөр амжилт хүсэж, хоёр улсын харилцаа, хамтын ажиллагааг өргөжүүлэн хөгжүүлэхэд боломжит бүхий л талаар дэмжлэг үзүүлэхээ нотлов.